Phênhv “Nênhs gruôs uô tâu hâux lưv jông” hnuz 20/8/2015:

Lênhx pêx xênhv sâu tâu puô triệu nhiêx txix tu zus buô

Tix lâus Đào Trọng Hiệp xênhz zus shông 1983, nhoz xã Thủ Sỹ, huyện Tiên Lữ, tix lâus Hiệp muôx tsưr ziv uô tâu iz kror qơư huôv tsar tu zus buô uô nôngz thiêz buô grêix muôx 150 tuk. Tix lâus hêik: Cơưv tiêr đại học nông nghiệp I Hà Nội shông 2006, tix lâus muôx tsưr ziv uô iz kror qơư tu zus buô tâu 6 luz hli, tix lâus ho tror lok tsêr thiêz chuôz piz uô nox uô hâuk trâu nưs ziv chuôz zis. Hâur shông 2007, tix Hiệp lâus piz uô qơư tu zus buô muôx 17 tuk mâuv buô. Phênhv sâu tâu txix tu zus buô, tix lâus chuôz zis cuêz tênhv tu zus chôngz đuô. Txos nhiv no, tix lâus qơư tu zus muôx txix 40 tuk mâuv buô thiêz 90-100 tuk buô chiê muôs uô nôngz, phênhv ntâu zos ntơưv Hà Nội, Hải Dương, Hà Nam, Thái Bình…tsưr ziv tu zus buô, hâur iz shông phênhv sâu 1 tỷ đêiv nhiêx, yưx tas tas côngk đas jos uô, tix lâus sâu  tâu 200 triệu đêiv nhiêx liv. Iz chas huôv tsar tu zus buô uô bluô nux trâu ziv chuôz zis, tix lâus Hiệp tsênhv paz kriê tsưr ziv tu zus trâu 16 xã hâur thax tsav thiêz 7 kror qơư lox tu zus ntâu nhoz chor huyện Khoái Châu, Phù Cừ, Ân Thi…Zơưv Nguyễn Đình Quýnh, nhoz xã Tân Hưng, huyện Tiên Lữ puz pâuz:

Băng: “Cur chuôz zis zus 100 tuk buô grêix chiê muôs, nhiv no cux zuôr nôngz buô lok zus muôs grêix. Nôngz lox thiêz siêz đuô thâuv ntêx. Khov muôx txir nzơưv Hiệp paz; viv li chêx cur siêz đuô thâuv ntêx”.

Tix lâus Hiệp têx tsưr ziv huôv tsar cêr uô nox ntơư, tưz cxươz cxiz chôngz lênhx hluôk hâur thax tsav sir jos uô nox uô hâuk, uô bluô nux txix zuk qơư nhoz. Tix lâus Phạm Quang Thạo, phưv bí thư đoàn xã Thủ Sỹ, huyện Tiên Lữ hêik:

Băng: “Iz chas tu zus buô hâur chuôz zis, tix lâus Hiệp tsênhv zus ntâu zav buô nôngz chiê muôs trâu sâuv niêv ciêz. Tsưr ziv uô zos hêik kriê sơưr đơưk, tsoz phưz paz trâu chor chuôz zis. Chor chuôz zis tâu paz, tiv zix zos thâuv buô muôx moz ươk, tix lâus tuôx paz kriê tsưr ziv tir thêir tâu”

Tix lâus Đào Trọng Hiệp hêik, uô tâu yênhx côngz li hnuz no, tsuv xar tơưv trâu zuk têx tsưr ziv uô, đros co tsuv muôx siêz nhiêv, nriêr pâuz lok tsưr ziv huôv tsar uô tâu truôx. Hêik lok tsưr ziv huôv tsar tu zus buô lox hloz jông, tix lâus Hiệp cux hêik pâuz tiêk: tsik chiê buô trâus muôx moz ươk zos kror zov chênhr. Xar uô tâu li co, lênhx nênhs tu zus tsuv uô jông lơưr têx tsưr ziv phax tar caz moz ươk, cxax yuôx vắc xin cxix cxuô trâu buô…Đros co tsuôk zuôr yuôx thiêz zav nox txix chor công ty muôx suôz bê. Tix lâus Đào Trọng Hiệp hêik:

Băng: “Cur xar mak nhiv no zuk tsuv cơưv shâuv ntâu đuô, hlôngr đuô chor buô cov jông đuô, muôs tâu gri siêz. Tiv zix, thâuv Việt Nam cxaz chuôz trâu WTO, tsuv sir jos đuô. Pêz tsuv uô jông thiêz hlôngr đuô zav nôngz, zos tsik li mak zuôr uô tsik tâu. Tsuv hlôngr yiêzốtưr ziv uô thiêx zuôr uô tâu truôx. Cur zuôr sir jos cov muôx tâu chor buô nôngz lox chiê phưx vưv trâu pox nhuôs sơưr đơưk”.

Sâu jênhv têx sir jos thiêz uô tâu ntơư, hâur ntâu shông sik lơưr liês, tix lâus Đào Trọng Hiệp tâu tỉnh Đoàn Hưng Yên thiêz Trung ương đoanx muôz ntơưr kruôk  zos “Lênhx hluôk nênhs txơưx uô nox uô hâuk coz”, thiêz tix lâus zos iz lênhx nênhs uô ntêx hlo huôv tsar cêr uô nox uô hâuk, uô bluô nux sâuv zuk qơư nhoz./.

                                       (TTT-Ly Thox cxêik-Nhênhv)