Công an li kror đêi zơưvsix

Pos Hoàng thị Sơn qơư muôs hax huv nhoz jos 32C, Phươngx Đồng Tâm, đrôngl Yên Bái, hâur ntu đrav ntêx cux trâus chor nênhs fêv uô tuz saz lok nhiês tas ntâu chuôz zênhx chuôz tav. Taz sik hâur ntu đhâu tsik ntêr lok no, tưz tâu công an phươngx Đồng Tâm muôz đêiv đêiv zơưv six, sâu công an số xor tôngx, zos tsôngv px muôx hâux lưv phiv liv, zôngx ziv hu tâu zênhx max trâu công an, txix ntơư tsôngv px hâur thax tsav tưz muôx cêr chiê siêz. Pos Hoàng Thị Sơn hêik pâuz:

 “Hâur ntu đrav ntêx, cur chuôz zis tưz trâus tuz saz nhiês tas ntâu chuôz zênhx chuôz tav thiêz thâuv njiz cêr phiv liv ntơư cux tsik zôngx ziv zok nriêr tâu công an tus số xor tôngx; thâuv zok nriêr tâu ntơư, têx nênhs fêv tuz saz tưz khiêr lơưv thiêz nhiv no muôx công an số hu xor tôngx đêiv ciês trâu ntơưv zuk tus zơưv six, zos muôx hâux lưv phiv li li chas cux zôngx ziv hu tâu sêi trâu công an, tsôngv px pêz sđ tso siêz huôv tsar cêr uô nênhx”.

Ciêz Đồng Tâm, đrôngl Yên Bái zos tsôngv px thax tsav qơư zuôr muôs ntâu hax huv, chôngz  lênhx nênhs muk lok đhâu, zôngx ziv trâu têx nênhs fêv uô tuz saz nhiês hax huv cxuô zav. Taz sik, pos Trần Ngọc lan, bí thư chi bộ jos Điện Biên, Phươngx Đồng Tâm, Đrôngl Yên Bái cux xav tiêk: txix ciês thâuv muôx công an li đêiv đêi zơơưv six sâu tsênhz mênhx công an phươngx li số xor tôngx, cux lok six muôx liv trâu tsôngv px hâur thax tsav.

 “Pêz px hâur thax tsav no nhoz trơưk ntus cêr txox lox 37, pov muôx yưv txuz nênhs fêv uô tuz saz tuz nhiês, ntâu txuz uô yêz siz trâuk siz tsông muk lok tâus cêr, thâuv muôx yưv têx phiv li ntơư, zuk zok nriêr công an li tus xor tôngx cux tsik zôngx ziv zok nriêr tâu. Taz sik nhiv no muôx công an lo tus số máy xor tôngx mak pêz cux jông siêz thiêz têx hâux lưv uô ntơư huv đros tsôngv px sđ”.

Kaz shông 2016, công an phươngx Đồng Tâm, đrôngl Yên Bái tưz fuô uô ntâu jiês sâu công an li số xor tôngx trâu têx đêiv ntơưr, taz sik têx ntơưr co zôngx ziv trâus puôk tsuôx, txos thâuv muôx hâux lưv zov chênhr cux zok nriêr tsik tâu công an li số xor tôngx, uô phiv liv txos sđ. Chênhr zos li hêik ntơư, txix hli 4 shông 2018, công an phươngx Đồng Tâm thiêx fuô uô luôs hâux lưv sâu công an phươngx số xor tôngx trâu ntơưv đêiv đêi zơưv six chiê phêiz trâu tsôngv px sđ hâur thax tsav. Hâur iz đêiv đêiv zơưv six co mak sâu tsênhz mênhx công an thành phố, công an phươngx li số máy hu xor tôngx, thâuv muôx yưv têx txuz tuz saz tuz nhiês, zôngx ziv hu tâu sei đrơưv trâu công an tuôx qênhz yuôx. Lã Quý Hoàng, tsar công an phươngx Đồng Tâm, đrôngl Yên Bái hêik pâuz:

 “Đêiv đêi công an li số máy hu xor tôngx cux sâu tsênhz mênhx, thâuv muôx tuz saz tuz nhiês, tsôngv px sđ thiêx hu tâu zênhx max trâu công an phươngx pâuz; kror tiv oz, zos tsôngv px xar nus lok chêi têz qơưs, cux zôngx ziv hu tâu trâu công an phươngx chiê yax kriê thiêz ntơư cux chênhr zos iz luôs hâux lưv paz zênhx max tâu trâu tsôngv px hâur thax tsav thâuv muôx yưv têx phiv li li tuz saz tuz nhiês cux li njiz têx phiv liv hâur luz nênhx thiêz ntơư cux chênhr zos iz luôs hâux lưv uô muôx liv trâu tsôngv px sđ chiê tsưx phưv truôx an ninh hâur thax tsav”.

Đêiv đêi zơưv six, sâu tsênhz mênhx công an li số máy hu xor tôngx, zos iz luôs hâux lưv tsôngv px uô txuôk đros công an chiê paz phênhv trâu luôs hâux lưv tir thêir têx nênhs fêv tsik chiê uô ruôr hiêv txos tsôngv px hâur thax tsav Phươngx Đồng Tâm, đrôngl Yên Bái li luz nênhx nox nhoz muk lok hâur niêx hnuz./.

                                                                (Tsu cxêik nhênhv-Đinh Tuấn, TT Tây Bắc)