NÊNHS HLÔNGR YIÊZ YÊNHX CÔNGZ MEIR UÔ KÔNGZ NUV HUV ĐROS THIÊZ TOX SIÊZ

**&**

          Njiz tix lâuk Hoàng Văn Thắng ntơưv tsêr thiêz cux zos qơư tix lâuk kho đuô yêz meir, tix lâuk Thắng pheiz kênh: Na Hang zos huyện tox siêz, muôx ntâu liêx kêz nteir. Cxôngx thâuk ntêx txos nhiv no, pox nhuôs li hâux lưv uô ar chiê phưx vưv uô xênhz yar kôngz nuv tsuôk khov txos nhux paz leix têz, viv li yar lengx lox tôngv tsi siêz. Muôx chôngz lênhx tsôngv box thâuk tuôx tix lâuk li qơư kho yêz meir puôr lênhx heik txos têx cêr phêv liv co, lav khênhr chox tâu têx zav meir lol uô kôngz nuv paz uô thâuk txos chiv cheix mak lok six jông. Muôx yênhx tưv lok hâux lưv cơ khí, ntâu hmo pư tsi tsâus jus chiê xar tơưv tâu iz luz meir leix têz mul tâu sâuv têx liêx têz ar nxaz. Tix lâuk Thắng heik:

Băng: “ Đros thiêz iz cxiê zav meir leix têz mak lơưr zôngv iz zav hu uô nhông xích, li ntơưv mak mul hâur liêx zuôr lok six lo ar thiêz đhâu iz six hơưv zuôr trâus liêv. Pox nhuôs pov tsi jông hor ntâu. Cur xar tiêk uô luz hộp số trâu meir leix têz mak pox nhuôs zôngv zôngx ziv đuô. Tsâu đêx lok sik lo ar cux tâu, uô sâuv têz cux tâu, tsi cxơưx tul tsi”.

          Đró thiêz iz luz meir leix têz nhiv no muôs sâuv niêv ciêz mak hâux lưv mul ndê tox thiêz ar tsi jông mak tsuv pôngz lok six ntâu six hơưv thiêz đas jos… Taz sik đros thiêz luz meir leix têz zos tix lâuk Hoàng Đức Thắng uô mak lok six zôngx ziv. Zơưv Hoàng Văn Quang, nhoz jos Nà Kham, xã Năng Khả, lênhx nênhs nhiv kruôr zuôr tix lâuk Thắng luz meir heir liêx puz pâuz: Chuôz zis muôx 5 sào liêx taz sik cêr mul lol sâuv liêx mak lok six lax mul, tsuv mul đhâu tul đêx, mul ndê tox lok six siêz thiêx mul txos liêx kêz nteir. Têx shôngk tov ntêx, chiê leix tâu 5 sào liêx no zơưv tsuv chaz nhux chiê leix viv chox tsi tâu meir heir liêx mul sâuv liêx. Jênhv pov tâu luz meir co li têx kror jông, zơưv Quang tưz zuôr lol. Nhiv no đrâuv hâux lưv zôngv chiê heir liêv, zơưv chuôz zis tsênhv zôngv meir chiê grus đêx thiêz thâux kôngz lôngk thâuk sâu kôngz. Zơưv Hoàng Văn Quang puz pâuz:

Băng: “ Têz qơưk nhoz no mak zos zôngv meir trung Quốc mul đhâu têx ntu cêr lax mul mak tsuv zôngv txiêk puô thiêx mul tâu, taz sik đros thiêz luz mêir no mak tsuv tso cov tul txơưv ndê tâu. Cur pov nhux mak cux lơưr tsi chuôk, ar tơưr nhux leix tsi tâu taz sik luz meir no mak uô tâu tas. Uô liêx tez, uô ar tơưr, ar shiz… cux uô tâu hur si”.

          Luz meir no tsuôk muôx grê cxôngx 11 txos 12 tsov, kis đuô cxôngx 8 txos 9 tsov đeiv pir đros thiêz têx zav meir Trung Quốc tsênhv muôs sâuv niêv ciêz. Txơưv tiêk zos siv huv yiêz taz sik ntâu lênhx pox nhuôs nôngx mênhx tưz puôr lênhx sâu jênhv luz meir co li têx kror jông thiêz zuôr lok sir zôngv. Pos Nguyễn Thị Mến, tsar phongx kôngz nuv thiêz phuôv tsar jêx jos huyện Na Hang muôx nhos 400 ntâu luz meir, taz sik meir ci heir liêx, ci grus đêx…xưk li tix lâuk Thắng uô tâu mak tsi muôx. Pos Nguyễn Thị Mến puz pâuz:

Băng: “ Đros thiêz têx ziv chuôz zis nôngx mênhx zuôr tix lâuk Thắng li luz mêir, zôngv meir muôx chêx cuk, yar lengx siêz, lênhx nênhs tsi pôngz côngz ntâu. Tiv zix zos meir ci uô ar ci grus đêx, lok six jông trâu tsôngv box thâuk uô ar thiêz tsoz phưz tsoz chos, đros thiêz têx liêx têz nhoz tsi chêx chôngk cux puôr lênhx chox tâu meir mul txos. No zos kỹ thuật tâu hlôngr yiêz lok six huv đros thiêz Na Hang muôx ntâu liex têz nhoz tsi chêx chôngk. Cur xar tiêk đros thiêz grê muôs tsi civ li no, ntâu ziv chuôz zis nôngx mênhx hâur huyện Na Hang zuôr zuôr tâu thiêz sir zôngv meir ciê tâu yar lengx siêz”.

          Têx luz mêir heir liêx jông li tix lâuk Hoàng Văn Thắng xar tơưv tưz gôngr phênhv jông paz max nôngx mênhx uô kôngz lôngk, muôz siêz chêx cuk lox tôngv, muôz tsar tov chiê tsôngv box muôx cxaz six hơưv uô kinh tế chuôz zis, muôz siêz tsơưr lươngv luz nênhx, thôngx cxix gôngr phênhv lol côngz xưv txu yeiz cxuôv pluôs, cxiv tsa jêx jos yiêz nhoz tiv phaz./.