Chêix txir tuôz ziz siêr nhoz tox siêz Bắc Yên, Sơn La

Txos xar Xím Vàng, huyện Bắc Yên, tỉnh Sơn La hâur têx hnuz thâuv hâur chêix ntux lax, muôx đros têx huôz chuô tox trôngz jôngr zos hnor chor txir tuôz ziz li nxiêz tsư kaz chuôs tsi tsênhv siêr đax vos sâuv têx ntông hâur têx hâur jôngr ntông. Xím Vàng luz chêix no xar njiz tâu pêx xênhv mak lok six lax, viv lênhx tưs cux khưr đê txir tuôz ziz.

Muôz luz cơưv trâu pur txir tuôz ziz tso, tix lâus Thêir Xênhv Muôk nhoz jok Háng Tâu, xar Xím Vàng, huyện Bắc Yên, tỉnh Sơn La shir phaz puz pâuz: shông no txir tuôz zis txi txir ndư mak jông siêz hênhr, chuôz zis li 5 hec ta ntâu njuôk xav zuôr sâu tâu muôx 15 tấn ntâu, paz sâu tâu muôx 25 triệu đêiv:

“Nhiv mak chuôz zis muôx phênhv sâu truôx, têx tuz nhuôs tâu muk cơưv ntơưr tas mak shir phaz hênhr”.

Txir tuôz ziz ntơưv huyện Bắc Yên mak lox, jông gâux, đax muôz njil liêz, muôx ntâu cuô, nox mak hnor kâuz kaz jiz đros muôx njik pluôk, tsik so tâu zôngv chiê tsâu chơưr, tsâuk đêx hâuk lok sik muôz muôs ciês thâuv txir tsênhv nhiv kruôr đê tâu lok. Têx hax huv txix txir tuôz ziz Bắc Yên tâu chôngz lênhx nênhs pâuz txos thiêz nhiêv zuôr lok sir zôngv thiêz uô huv puz trâu sơưr đơưk. Niêv tix Lò Thị Xứng, lênhx kruô tuôx txix xar Gia Phù, huyện Phù Yên, tỉnh Sơn La hêik:

“Ntâu shông zuk zuôr thiêz nox chor txir tuôz ziz nhoz ntơưv no mak pov chor txir tuôz ziz Nặm Lộng, Bắc Yên kaz jiz thiêz tsư kaz txơưr tsik xưk li têx qơư txơưr đuô. Hnuz no cur cux zuôr mê njil chox muk uô huv muôz trâu têx fôngx zưs đrav Hà Nội”.

Huyện Bắc Yên, tỉnh Sơn La muôx 2.300 ntâu hec ta chos txir tuôz ziz, paz sâu tâu muôx 2.000 ntâu tấn 1 shông. Chiê paz muôx tâu thax tsav txir tuôz ziz tsêx trung, muôx tâu tsơưr lươngv jông, phưx vưv trâu uô, muôs tơưv saz đrâuv têz qơưk, têx shông đhâu huyện Bắc Yên tưz  sir jos sir zôngv công nghệ siêz hâur paz uô hlôngr yiêz đuô 50 hec ta tsoz txir tuôz ziz, chos yiêz txix chor zuz ntông ghép muôx 200 ntâu hec ta. Thôngx cxix, kruôz kriê pêx xênhv tsưr ziv txiêr chês, tsoz phưz, sâu đêx, phax tar caz hmoz ruôr hiêv thiêz têx tsưr ziv tsês chiê cov tsês tâu chor txir ntêr. Đros co, Yênhx lix chor hợp tác xar sik côngv uô xênhz yar, muôl muôs hax huv lơưr tsưr ziv sik côngv li: Hợp tác xã kôngz nuv Sơn Tra Bắc Yên, Hợp tác xa Sơn tra Nậm Lộng Hang Chú…đhâu co paz trâu pêx xênhv tso siêz uô lox tôngv, xênhz yar. Zơưv Lê Văn Kỳ, Chủ tịch Ủy ban huyện Bắc Yên, tỉnh Sơn La puz pâuz:

“Đrâuv huôv tsar thax tsav mak pêz tsênhv tsêx trung trâu zok nriêr qơư muôs chiê paz trâu pêx xênhv. Zuôr txos no pêz zuôr cxơưz cxiz đros iz cxiê doanh nghiệp nhoz Hưng Yên, Lạng Sơn thiêz zok nriêr iz cxiê qơư txơưr đuô, nriêr têx qơư chiê muôs tơưv saz đrâuv têz qơưk muk trâu têx têz qơưk txơưr đuô”.

Đros chêx cur kinh tế thiêz zov chênhr hâur huôv tsar uô kôngz nuv nhoz huyện Bắc Yên hêik taz thiêz tỉnh Sơn La hêik cxuô, Cục Sở hữu trí tuệ Việt Nam tưz hêik pâuz cuêz tênhv cungz văn bằng bảo hộ côngz bê txir tuôz ziz Sơn La ntơưv huyện Bắc Yên./.

(Trấn Long-Lik Thox cxêik nhênhv)