Điện Biên tsưr tsix Phêv ziv Cxơưz cxiz Yưv pênhr ntiêx têz trâu hli 10/2026

Phêv ziv Cxơưz cxiz Yưv pênhr ntiêx têz shông 2026 tâu tsưr tsix chiê chuôz tsar cêr coangz siv sik hux jos, sik côngv hâur tỉnh Điện Biên đros tỉnh Vân Nam (Trung Quốc) thiêz tỉnh Luông-Pha-Bang (CHDCND Lào); heik kriê, piêr pâuz têx muôx jông, kror liv, tênhx qơư yưv pênhr, kinh doanh thiêz têx vênhv thix, dự án tỉnh Điện Biên xêir tsov hu zâuv yưv pênhr txos têx doanh nghiệp, nênhs yưv pênhr hâur têz qơưk thiêz ntiêx têz. Thôngz đhâu phêv ziv, tỉnh Điện Biên zuôr paz chiê têx cơ quan, hiệp hội, doanh nghiệp thiêz nênhs yưv pênhr sik thav, nriêr pâuz têx zoz qơưx sik côngv, sik paz, seiz shuôk tsênhv tsênhz têx dưv anr, đhâu co cxơưz tiês têx hâux lưv sik côngv, ntâuz ntơưr cir jênhv thiêz jux juk uô tsênhz mênhx têx hâux lưv yưv pênhr, gôngr phênhv kriz uô muôx chêx cuk tỉnh li têx muôx jông, pênhr jos, cxơưz tiês huôv tsar kinh têr - xar hôiv.

Tsênhz mênhx, hnuz 17/10, tỉnh Điện Biên zuôr tsưr tsix tos tiêv têx teiv plor hâur têz qơưk thiêz ntiêx têz, thôngx cxix kriz uô Ntênhs ciêz muôv muôs ntiêx têz Điện Biên shông 2026.

Hnuz 18/10, Ban tsưr tsix hu zâuv têx doanh nghiệp, nênhs yưv pênhr cxaz chuôz seiz shuôk tsênhv tsênhz ntơưv tỉnh li têx dự án hu zâuv yưv pênhr. Têx teiv plor zuôr tâu pheiz uô 3 đoanx seiz shuôk lơưr têx vênhv thix: Hạ tầng niêv đrôngs – thax tsav, qơư công nghiệp - logistics; ju lix – jix vuv - nhoz so; kôngz nuv - tu zus - tsiv uô. Hâux lưv seiz shuôk tsênhv tsênhz chiê paz têx doanh nghiệp, nênhs yưv pênhr muôx six hơưv nriêr pâuz tsênhz lok têx muôx jông, qênhx shênhx thiêz pênhr xưv kriz uô têx dự án, paz trâu hâux lưv sik thav, sik côngv đros yưv pênhr.

Hnuz 19/10, jiês cơưv tas nro Phêv ziv cxơưz cxiz Yưv pênhr ntiêx têz shông 2026 zuôr tâu tsưr tsix ntơưv Tsênhv qơư Phêv ziv - Vênhx huôv tỉnh Điện Biên. Phêv ziv njuôk xav tok zuôr xar 600 lênhx đại biểu, hâur co muôx 420 lênhx đại biểu chênhr.

Kror zov chênhr ntơưv Phêv ziv zos huôx tôngv sik côngv ciês hâur têx cơ quan têz qơưk, hiệp hội, doanh nghiệp thiêz nênhs yưv pênhr uô nhoz pêz tiv phaz. Tsi tiêk zos hâux lưv piêr pâuz, tỉnh Điện Biên tso tơưv tsưr ziv yênhx lix bê ntơưr sik côngv tsênhz mênhx, xav jênhv tsênhz mênhx zoz qơưx thiêz têx dưv anr mak têz qơưk co tsov cưv txos. Tiv zix, ntơưv jiês cơưv tas nro hnuz 19/10/2026, têx cơ quan têz qơưk, hiệp hội thiêz doanh nghiệp nhoz 3 thax tsav qơư njuôk xav kriz uô ntâuz ntơưr cir jênhv, thôngx ziv sik côngv yưv pênhr uô.

Chiê bax trâu hâux lưv tsưr tsix Phêv ziv, tỉnh Điện Biên tưz yênhx lix Ban tsưr tsix zos đôngx chir Phưv Chủ tịch Thường trực UBND tỉnh Điện Biên uô Tsar ban; thành viên zos trưởng iz cxiê sở, nganhx, tiv phaz hâur tỉnh. Ban tsưr tsix muôx jênhv vưv chox kriê cxiv tsa tsênhv njiêz, tsaz yênhx phêv ziv Cxơưz cxiz Yưv pênhr ntiêx têz thiêz Ntênhs ciêz muôv muôs ntiêx têz tỉnh Điện Biên shông 2026; chox kriê côngz xưv phưx vưv, txiv ngaz, yax mông, taz por tsưr tsix yênhx côngz Ntênhs Ciêz thiêz Phêv ziv ntiêx têz ntơưv Điện Biên.

Đros têx chiz coaz, taz viv, doanh nghiệp, lênhx nênhs yưv pênhr hâur têz qơưk thiêz sâuv ntiêx têz li chuv tôngv bax uô jông, cxix cxuô, Phêv ziv cxơưz cxiz Yưv pênhr ntiêx têz shông 2026 tâu vav tiêk zuôr krêz đar qơư sik côngv, chuôz tsar cêr coangz siv yưv pênhr hâur Điện Biên đros têx tiv phaz, têz qơưk Trung Quốc thiêz Lào; thôngx cxix gôngr phênhv piêr kriê tỉnh li têx muôx jông, kror liv thiêz tênhx qơư yưv pênhr, kinh doanh, chuôz cxaz đas jos yưv pênhr, cxơưz tiês huôv tsar kinh tế - xar hôiv nhoz Điện Biên hâur ntu zuôr txos./.

                                                                                                    Thu Thùy- Txâur Vax cxeik nhênhv