Lênhx nênhs paz cxơưz cxiz nhoz thax tsav jâuz caz Trấn Yên, Lào Cai

Xênhz zus hâur iz ziv chuôz zis uô kôngz nuv, pos Nguyễn Thị Hồng Lê pâuz tsênhz txos pêx xênhv têx cêr txov. Viv li hâur huôv tsar kinh tế, pos tsi piz txix têx tsưr ziv lox mak txix kror zôngx ziv tiv zix zos uô li chas chiê kinh tế chuôz zis truôx tuk đuô thiêz pêx xênhv muôx tâu luz nênhx jông đuô sâuv zuk thax tsav qơư nhoz. Txix siêz xar li ntơư, HTX Dâu tằm Hạnh Lê jux juk tâu yênhx lix thiêz huôv tsar. HTX kror zov chênhr zos qơư tu zus chor caz tsêx trung đar muôx 150 thiêr ndis đros 2,5 ha têz chos jâuz caz kinh doanh. Xav kror đruôz đraz iz shông, qơư uô muôx nhos 200 đeiv tơưr kê lưk caz nôngz, bâuv li 2.000 ntâu chor caz muôx tsơưr lươngv, cungz truôx tuk trâu têx chuôz zis thành viên hâur xã thiêz thax tsav iz ndis. Đros siêz xar njôngr zos yênhx qơư paz txuôk yênhx puô ziv chuôz zis đros doanh nghiệp, kriz tơưv cêr uô nox truôx đrênhs trâu kinh tế jêx jok tox siêz, pos Nguyễn Thị Hồng Lê heik:“Phênhv sâu txix tsoz  jâuz caz lok six truôx tuk, qơư muôs mak nhiv no tâu công ty sâu zuôr txos ciês ntơưv qơư trâu pox nhuôs đros gri lok six siêz, muôx têx ntu ndê txos 240 cxênhz/1 cir lưk caz. Pox nhuôs lok six tso siêz chiê uô nox, chos jâuz caz zus lưk caz chaz xor; têx qơư txơưr đuô tuôx pov têx uô tâu txix xã Trấn Yên, cux tưz tuôx chiê cơưv shâuv chênhz zênhv”.

HTX Dâu tằm Hạnh Lê tưz sik côngv 3 tổ đros  muôx 116 lênhx nênhs, yênhx qơư sik côngv cir hux thôngx sâu zuôr ciês đros Công ty Cổ phần Dâu tằm tơ Yên Bái. Hâux lưv sâu zuôr têx hax huv paz trâu lưk caz chuôz ndê tsênhz mênhx thiêz tsênhv paz muôx hâux lưv uô trâu ntâu lênhx lox tôngv, paz trâu pox nhuôs truôx siêz sir jos uô jông têx hâux lưv. Pos Nguyễn Thị Nhung nhoz jok Phúc Đình, xã Trấn Yên puz pâuz: “Cur uô ntơưv no 9 shông lơưv. Cur cux muk uô ntâu qơư, taz sik tsi muôx kror tưs jông li HTX Hạnh Lê. Muôx hâux lưv uô truôx thiêz  phênhv sâu cux siêz, txix 11 - 12 tsov đeiv/1 hli. Kinh têr chuôz zis lok six truôx tuk. Hâux lưv mak tsi muôx đaz tsi hnhar hlo, huv đros cxuô cxênhx nênhs”.

Hợp tác xã Dâu tằm Hạnh Lê nhiv no zos taz viv cungz nôngz lưk caz thiêz nông jâuz caz tsơưr lươngv siêz trâu têx lênhx nênhs hâur hợp tác xã, đros co heik kriê khoa học kỹ thuật paz trâu huôv tsar hâux lưv chos jâuz caz  thiêz tu zus lưl caz. Zos iz hâur 20 ziv chuôz zis tâu heik kriê tsưr ziv, heik kriê chênhz zênhv cxiv tsa tsưr ziv chos jâuz thiêz tu zus lưl caz cov truôx jông, pos Đàm Thị Dần, nhoz jok Phúc Đình, heik pâuz:“Thâuv ntêx luz nênhx txov nhêv hênhr, nhiêx tênhv txos hơưv thêv mak tsi muôx, czuô zav hâur tsêr mak muôx tsi txâuk. Taz sik txix thâuv chos jâuz caz pêx xênhv lok six shir phaz, muôx phênhv sâu tâu truôx tuk. Vax tsêr jông, chuôz zênhx hâur tsêr tâu zuôr yiêz, luz nênhx ziv hnuz ziv jông đuô zos muôx tsênhz tiês”.

Chiê phuôx huiz tâu cxuô kror muôx ntơưv thax tsav qơư chos jâuz caz, HTX Hạnh Lê muôx tsưr ziv xar tơưv kriz uô hâux lưv ju lix ndis shuôk nriêr pâuz tsưr ziv txix đê blôngx jâuz caz, puz caz nox txos uô ntâuz max tưz paz muôx tâu kinh têr siêz. Yênhx shông, HTX sâu tâu zuôr xar 2 tiv đêiv thiêz xav tas têx côngz đas jos uô tâu xar muôx 1 tiv đêiv. Pos Nguyễn Thị Nga, Chủ tịch Hôiv Nôngx mênhx xã Trấn Yên hêik pâuz: “HTX Dâu tằm Hạnh Lê zos iz hâur têx HTX uô tâu lok six jông. Tiv zix, đros xã Trấn Yên, tsoz jâuz caz zos tsoz chos chênhr thiêz HTX Dâu tằm Hạnh Lê zos iz HTX cungz nôngz lưk caz lok six jông trâu têx lênhx nênhs hâur HTX thiêz têx nôngz jâuz caz yiêz; sir zôngv khoa học kỹ thuật paz trâu chos thiêz tu zus chor lưk caz, khov co tsơưr lươngv chor lưk caz cux li tsơưr lươngv jâuz caz jông đuô, paz muôx tâu phênhv sâu siêz trâu thành viên hâur HTX thiêz pêx xênhv xã Trấn Yên”.

Txix ntơưr kruôk phongz yaox sik tưr nôngx mênhx uô nox uô hâuk jông cxuô cấp, Thủ tướng Chính phủ li ntơưr kruôk shông 2025 viv sir jos cxiv tsa jêx jok yiêz, txos shông 2026 no, pos Nguyễn Thị Hồng Lê jông shir phaz zos iz hâur 3 lênhx hội viên nôngx mênhx tỉnh Lào Cai tâu kruôk zos "Nôngx mênhx Việt Nam txơưx uô nox hâur 40 shông hlôngr yiêz" – kror kruôk tsiv nhos trâu lênhx pox niêv giám đốc Nguyễn Thị Hồng Lê li sir jos xar tơưv tsưr ziv huôv tsar uô nox ziv hnuz ziv muôx luz nênhx tsâu sor./.

                                                                                                                   Đinh Tuấn-Lik Thox cxêik nhênhv