Xar njôngr tror huôv tsar chos tsoz chos txir thênhx caz nto bê

Lục Yên

          Têx hnuz hâur cheix ntux no nhoz huyện Lục Yên, chuô txiêk chuôs li uô trâu têx vax txir thênhx caz ziv trâus kruôr đuô. Hâur luz tsêr cxiv uô iz yôngx jông jav, nhoz buôk vax txir thênhx caz, zơưv Nguyễn Hữu Tuyên nhoz jos 4, xã Tân Lĩnh puz pâuz, luz tsêr tâu cxiv uô txix shông 2002 txix nhiêx txiêx muôs txir thênhx caz, tas muôx nhos 100 tsov đeiv, chor nhiêx txiêx no thâuv co zos lok six ntâu.     Zơưv Tuyên pheiz kênh, thâuv ntêx nhoz jos Cầu Vè (nhiv no zos jos 4) xã Tân Lĩnh chuôs li tas nro hâur jos puôr lênhx chos tsoz chos txir thênhx caz. Têx vax txir thênhx caz sâu tâu ntâu, tâu tuz luôv tuôx zuôr lok six ntâu, viv li tsôngv box hâur jos muôx phênhv sâu tâu nhiêx txiêx siêz. Xav zơưv chuôz zis muôx 100 ntâu tsoz txir thênhx caz, iz chiv sâu tâu 6-7 tênhr txir.

          Txir thênhx caz zos nôngz txir thênhx caz tiv phaz, tâu chos txix nzor lok, txix têx tsoz txir thênhx caz lox lơưr txiêr chês chos nzir ntâu thiêz tas nro têx xã nhoz buôk co cux chos. Taz sik, txos shông 2000, têx vax txir thênhx caz trâus caz hmoz uô ruôr hiêv, blôngx đax thiêz tuôs jux jus:“ Pêz tsi tâu nriêr tâu tsưr ziv tưs chiê car chêx. Nhiv no xar hôx phưx tâu mak tsuv muôx têz qơưk, têx lênhx nênhs khoa học paz xưz pêz mak tsi chiv chir uô tâu”

          Thâuv ntêx, têx vax txir thênhx caz njuôz jông nhoz hâur têx tơư trôngz tưz yênhx têx sưv jông thâuv tuôx txos thax tsav xã Tân Lĩnh. Txir thênhx caz nhoz no nox kaz, tsi taz tâu tsôngv box tiv phaz nhiêv nox mak tsênhv tâu nênhs sir zôngv nhoz cxuô qơư lok six nhiêv txos. Hâur têx nôngz txir thênhx caz tâu chos hâur thax tsav Lục Yên li txir thênhx caz zâu, txir thênhx caz lox, txir thênhx caz Vinh… mak txir thênhx caz tiv phaz tâu nhiêx txos tiv zix viv txir jông gâux, kaz thiêz muôx ntâu đêx. Pos Hoàng Thị Mạnh, ntâu shông chos tsoz chos txir thênhx caz heik, txir thênhx caz Tân Lĩnh (Lục Yên) nto bê ntâu qơư txix Phú Thọ, Hà Nội, Hải Phòng puôr lênhx pâuz txos. Cheix txir thênhx caz tưs, tsi taz pos chuôz zis mak tas nro xã puôr lênhx shir phaz, viv muôx phênhv sâu tâu nhiêx txiêx paz pox nhuôs muôx luz nênhx tsâu sor. Taz sik, nhiv no thâuv heik txos txir thênhx caz Tân Lĩnh, cxuô lênhx nênhs puôr lênhx lok six pôngz siêz. Viv tsi tâu muôx nhênhz chơưv tưs uô cov tsoz chos zav txir thênhx caz co tror huôv tsar jông, tsik trâus caz tho nox:“Pêz cux tsi pâuz viv li chas txir thênhx caz trâus tuôs, six fênhx trâus kruôr chês, ar têz nhiv no tsês khôngz lok sik chos jâuz xưz. Nhiv no zos muôx dự án paz mak pêz tror chos đuô, paz nôngz zuz, tsưr ziv tsoz phưz …”

          Zơưv Hoàng Sơn Trường, Chủ tịch UB xã Tân Lĩnh puz pâuz, tsoz txir thênhx caz huôv tsar jông hâur têx shông 80, 90 thế kỷ tov ntêx, đros mênhv chêx muôx nhos 50 hecta ntâu. Ntâu shông tsi so têx vax txir thênhx caz txi ntâu txir, txir lox jông, hnhar 5-6 las, kaz thiêz jông gâux.

          Đhâu ntâu shông tsoz txir thênhx caz tuôs jux jus, tas nro xã nhiv no tsuôk yuôr muôx nhos 20 hecta, hâur co nôngz txir thênhx caz nto bê no tsuôk yuôr mê njik nhoz iz cxiê vax chos, chor tsênhv yuôr phênhv ntâu zos têx nôngz txir thênhx caz txơưr. Ntâu mênhv chêx tâu tsôngv box hlôngr chiê chos ciêv fix, ntông keo, bồ đề thiêz têx tsoz chos txơưr.

          Chính quyênx tiv phaz xar njôngr huyện, tỉnh, nganhx muôx txơưx jênhv paz cxiv tsa iz trâur nuv dự án chos nôngz txir thênhx caz lox no đros tsưr ziv chos jông thiêz yiêz. Thâuv tâu kriê cxaz lok tsưr ziv chos, tsôngv box krêz uô đêz đar, huôv tsar truôx vênhs, yênhx trus hôx phưx thax tsav chos txir thênhx caz kaz jông:“Xar njôngr uô li chas chiê muôx iz dự án chos sâuv mênhv chêx 1-2 hecta chiê pêz pâuz tiêk zuôr tror hôx phưx tâu thax tsav chos txir thênhx caz kaz li thâuv ntêx. Thâuv pox nhuôk pov tâu pox nhuôk zuôr chêx chôngk yưv pênhr, tror chos txir thênhx caz thâuv ntêx. Zos chiê hôx phưx tâu tsuv muôx têx paz txưv lok nôngz tsoz chos, qir zuôv thiêz tsưr ziv chos…”./.

                                                                                          Đinh Tuấn-Txâur Vax cxeik nhênhv

Uô chi cax tox siêz Mộc Châu uô ntêx thâuv zuôr yênhx lix thị xã

Cxuô txox cêr luôv xuôz jêz txix tsênhv qơư xã txos yênhx jêx jok muôx tênhv tênhz chis cax lus, tưz uô xã ntus đriv Chiềng Sơn, huyện Mộc Châu, Sơn La ziv jông jav đuô. Co zos tsôngv pêx xênhv thax tsav ntus đriv siêz xar njôngr txix nzor lok, hâur co muôx tix lâus Por Xênhv Zax, nhoz jok Pha Luông chuôz zis:“Cur chuôz zis muôs hax huv, thâuv ntêx cur tsuôk khênhr zuôr muôs huv đruôz hnuz xưz. Taz sik txix thâuv muôx tênhv tơưk chis pov cêr lul, zuôr muôs hax huv cux zôngx ziv đuô, thiêz tsôngv pêx xênhv sơưr đơưk cux khênhr tuôx zuôr huv thâuv zar tsâuk ntux ntâu đuô. Chiê phưx vưv tsôngv niêv txir cưr tix nênhx tsa hâur jok zuôr hax huv, cur chuôz zis krêz trôngx 8-9 tênhr tsâuk ntux mav cơư kror trôngx”.

Têx txox cêr muôx tênhz tơưk chis cax lus zos khov tsôngv pêx xênhv cxuô jêx jok ntus đriv sik côngv têk uô đros trâu têz qơưk, têx doanh nghiệp, taz viv, lênhx nênhs siêz jông paz max. Cấp ủy, hâu nov hâur xã, hâur jok tưz cơưv pêx xênhv, yax kriê, vênhv tôngv thiêz tâu tsôngv pêx xênhv sơưr đơưk jông siêz, thôngx ziv, txix sik đros paz nhiêx txiêx zuôr têx chuôz zênhx, kê tênhz, xor tênhv, hnuz côngz fax thâux thiêz cxok, cxiv uô têx ndêx tênhv, tik xor tênhv ntêr muôx 44 cêik trơưk saz ntus cêr hâur thax tsav xã Chiềng Sơn. Zơưv Chinh Xênhv Shôngx, Bí thư chi bộ, tsar jok Suối Thín heik:“Hâur ntu đhâu, tsôngv pêx xênhv jok Suối Thín đros cxuô taz viv uô hâux lưv siêz jông tưz siz chos paz tik xor tênhv tâu zuôr xar 2 cêik chiê tso tênhv chis pov cêr, paz sơưr đơưk muk lol zôngx ziv đuô thâuv hmo ntux thiêz tsưx phưv truôx tuk thax tsav ntus đriv”.

Pêx xênhv yưv pênhr cxiv tsa xuz thơưx, seiz car thiêz cxiv kho niêx shông; têz qơưk paz thêv nhiêx tênhv hâur yênhx hli zos sir zôngv tênhv tênhz têz qơưk thiêz paz yưv pênhr cxiv tsa xuz thơưx zos sir zôngv tênhv yar ntus..... luôs hâux lưv yưv pênhr tik xor tênhv tơưk chis pov cêr lul hâur cxuô txox cêr muk lol jêx jok thax tsav huyện Mộc Châu, tưz tâu tsôngv pêx xênhv sơưr đơưk jông siêz, thôngx ziv. Zơưv Lê Trọng Bình, Chủ tịch Ủy ban huyện Mộc Châu, Sơn La heik pâuz li no:“Đros trâu tsưr ziv, uô hâux lưv viv tsôngv pêx xênhv, jêx jok tox siêz, txix shông 2022, ban thường vụ huyện ủy Mộc Châu tưz tso tơưv hâux lưv lok sâuv paz tik xor tênhv tơưk chis pov cêr jêx jok. Co zos iz tsưr ziv tâu pêx xênhv shir phaz thiêz jông siêz. Tênhv tơưk pov cêr hâur thax tsav tưz paz uô hlôngr yiêz jêx jok tox siêz hâur huyện Mộc Châu, thiêz paz tsưx phưv truôx tuk thax tsav huyện”.

Tox siêz Mộc Châu muôx nzir têx hlôngr yiêz thiêz huôv tsar thâuv 290 ntâu cêik txox xor tênhv tâu tik tơưk chis pov cêr jêx jok hâur cxuô xã, thị trấn tâu uô tiêr chox lok sir zôngv, xav hur si têx nhiêx cxiv uô tas muôx 18 tyv đeiv ntâu. Co cux zos cấp ủy, hâu nov thiêz tsôngv pêx xênhv cxuô heir nênhs Mộc Châu sir jos cxiv tsa jêx jok yiêz, lar heik zos uô ntêx thâuv zuôr yênhx lix thị xã Mộc Châu lơưr Ủy ban Thường vụ Côx hội Nghị quyết hâur shôngk shông no./.

                                                                                      Lê Hạnh-Riê Lâux cxeik, nhênhv