Tix lâuk Sả Xênhv Zax oz niêv txir txơưx uô kinh têr

Tix lâus Xả Xênhv Zax thiêz Xía Xênhv Shôngx oz niêv txir, sik đros xênhz shông 1992, nhoz jok Nà Khà, xar Linh Hồ, huyện Vị Xuyên, tỉnh Hà Giang zos iz ziv chuôz zis hluôk, mênhx cxưx Hmôngz, txơưx uô kinh têr txix tu zus tsiêx cxu, chos kôngz lôngk thiêz uô dịch vuv hâur uô kôngz nuv nhoz xar Linh Hồ.

Zos nênhs tuôx uô nox tov kaz, viv li thax tsav ar têz chuôz zis xêir tsov thiêz uô qơư nhoz nhiv no tsik yuôx jông, viv muôx nxaz tox ntâu, ar têz kruôr, đaz tuôs tsik jông. Taz sik đros sir jos khưr uô nox txix zuk oz cxêik têk, đros co zos pâuz mnôngs thiêz uô trơưk cxuô cấp, cxuô nganhx yax kriê lok kho đuô chor vax ar têz tsik jông. Viv li tix lâus oz niêv txir tưz luôx suô, hur si têx đrox nhov muôx hâur têx vax ar têz, têx zav tsik muôx tsiv gri chiê tsêx trung chos txir thênhx caz, txir lưk jôngr ntơưv têx qơư tiêx, hok sâuv têx ar têz nxaz tox muôx ntâu poz jêz, tâu chos chor txir na, chor hmaz blôngx kâuz…. Chiê muôx tâu qir zuôv trâu chor tsoz chos, tix lâus oz niêv txir tưz tu zus nzir kêiz buô, chiê zuôr qir chox lok trâu chor tsoz chos. Hlôngr têx ar têz đaz tuôs, tsik jông thâuv ntêx yênhx nhiv no paz muôx tâu têx zav txir ntông, tsoz chos jông, đhâu ntâu hnuz thiêz tas ntâu đas jos khưr uô nox.

Đros tsưr ziv uô tổng hợp vax, pak, guôx, dịch vuv kôngz nuv. Tas nro phênhv sâu hâur iz shông, đhâu xav tas têx côngz đas jos uô yuôr muôx 400 tsov đêiv. Zos iz hôiv viên hâur Hôiv nôngx mênhx, tix lâus chuôz zis tsik so cxaz chuôz kriz uô chor tsaz yênhx, đề anr, dưv anr huôv tsar kinh têr zos xar, huyện tso tơưv, kriz uô. Đuô li tsênhv sir jos nriêr pâuz, cơưv shâuv nzir têx tsưr ziv uô nox yiêz thiêz uô tâu jông hâur huôv tsar kinh têr chiê lok kriz uô trơưk ntơưv thax tsav qơư. Sir jos hlôngr yiêz têx tsoz chos tsiêx tu zus txix tu zus tsơưs, uô zâu txos tu zus ntâu, uô yênhx hax huv paz muôx tâu kinh têr siêz. Txix iz vax ar têz đaz tuôs đar muôx 2 héc ta ntâu, nhiv no tưz zos yênhx iz thax tsav ntông nox txir muôx: txir thênhx caz Vinh, txir lưk jôngr, txir Na thiêz chor hmaz blôngx kâuz… Lơưr tsiv gri txos chêix tưs mak muôs têx zav hâur chêix co. Hlôngr txix tu zus buô tsơưs, trâu uô tsưr ziv tu zus buô sha mê nhuôv lox đar, tu zus yênhx shông muôx txix 15 txos 20 tuk mâuv buô sha mê nhuôv.

Tiv zix zos uô dịch vuv lok têx chuôz zênhx hâur uô nox, li mêir lêix têz, lêix liêx, mêir hlêik blêx… Iz shông uô tâu 3 chiv, đuô thiêz xar Linh Hồ zos thax tsav chos ntâu hlêx, poz cưk hâur huyện, đros muôx chor đrak liêx tiêx jông, ar têz jông thiêz lox đar. Viv li tix lâus oz niêv txir têx hâux lưv lêix têz, lêix liêx, hlêik blêx cux muôx ntâu hâux lưv uô đuô, kror co cux paz trâu chuôz zis muôx nzir phênhv sâu tâu siêz.

Zơưv Lưu Minh Giang, Chủ tịch Hôiv Nôngx mênhx xar Linh Hồ puz pâuz: Txix thâuv muôx tsưr ziv hlôngr kho đuô têx vax ar têz đaz tuôs tâu tso tơưv, đhâu co tưz tâu xar Linh Hồ tsưr tsix yar kriê, mak tix lâus Xả Xênhv Zax thiêz Xía Xênhv shôngx ziv chuôz zis, tưz thôngx ziv thiêz sir jos hlôngr yiêz, uô trơưk kho đuô têx vax ar têz. No zos iz gơưv niêv txir hluôk lok six sir jos cơưv shâuv hâur huôv tsar uô nox. Viv li chuôz zis têx hâux lưv uô tưz paz trâu chuôz zis muôx tâu kinh têr siêz.

Đros têx uô tâu co, hâur 3 shông đhâu, txix shông 2021 txos 2023, tix lâus Xả Xênhv Zax ziv chuôz zis puôr lênhx tâu Ủy ban xar Linh Hồ, khơưk muôz ntơưr kruôk, viv uô tâu ntâu kror jông hâur huôv tsar kinh têr xar hôiv ntơưv thax tsav qơư.

 Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô. Muôx Tsênhv qơư cxơưz cxiz uô kôngz têz qơưk đros paz uô./.

Lầu Chia-Lik Thox cxêik nhênhv