Tsôngv box heir nênhs tsơưs thax tsav ntus đriv chênhr phax, tsik đros luôs lưv tus tsiv uô têx tsik jông thiêz tsik chox têx nênhs muk lol đhâu ntus đriv tsik trơưk chêi

Uô lơưr Đảng ủy, Bộ Tư lệnh bôv đôiv Pênhz phax li chox kriê lok phuôx tôngv phôngz yaox “Tas nro tsôngv px sik đros phax tir thêir moz Covid-19 thiêz têx lênhx nênhs muk lol đhâu đriv têz tsi trơưk chei” nhoz thax tsav ntus đriv, txix hnuz 13/5 txos nhiv no, têx zênhx Pênhz phax nhoz Bôv đôiv Pênhz phax hâur 44 tỉnh, TP tưz hux jos đros 923 xã, fuô uô luôs hâux lưv yax kriê, phuôx tôngv phôngz yaox thiêz tsưr tsix trâu 5.229 luz jok cir ntơưr chos luk trâu xã, yênhx châuv cxênhz chuôz zis px cir ntơưr chos luk trâu tsar jok lol phax tir thêir moz Covid-19, tsik chox kriê muk lol đhâu ntus đriv tsik trơưk chei. Txix ntơư, hu zâuv tas nro tsôngv px sđ sik đros phax tir thêir chor nênhs muk lol đhâu thax tsav ntus đriv tsi trơưk chei, tir thêir tsi chiê moz siz cik txix saz đrâuv luôs 2 chas thax tsav lok hâur pêz têz qơưk.

Lar heik zos fuô ntâu faz tsưr ziv uô jông cux muôx nhoz cxuô thax tsav qơư, paz tsôngv px gra siêz txux chi tsưr ziv jênhv pâuz, đros chênhr phax, tsi chuôz têk đros uô têx hâux lưv uô tsi zos chei thiêz muk lol đhâu đriv têz tsi trơưk chei.

Đros co, tsaz yênhx nta suôz muôx njiêz luk: phax tar moz Covid-19 zos Zênhx Pênhz phax Huổi Luông, Bôv đôiv Pênhz phax Lai Châu đros hâu nov ntơưv qơư uô tâu tso nta suôz thâuv 6 six tsâuk ntux hâur niêx hnuz, yax kriê txos trâu tsôngv box Hà Nhì, Cho, Hmôngz hâur thax tsav. Tiv muôx cêr đriv têz zôngx ziv muk lol; viv li xã Huổi Luông khênhr muôx lênhx nênhs muk lol đhâu ntus đriv tsi trơưk chei.

Txix têx mông tsôngv px heik pâuz, chor tuz lênhv Pênhz phax Lai Châu tưz qênhz pov 48 txuz thiêz chox 101 lênhx nênhs muk lol đhâu đriv têz tsi trơưk chei, tưz tâu chox muk cêv kuôk ntơưv trôngx đriv Ma Lù Thàng. Heik chor nênhs muôx tsưr ziv, zuôr xar muk lol đhâu đriv têz trâu saz Trung Quốc tror kaz muk lơưr qơư nhoz muôx 49 txuz, 85 lênhx nênhs; tir thêir 3 txuz, 3 lênhx nênhs Trung Quốc xar tuôx hâur thax tsav qơư.

Đhâu têx tsaz yênhx nta suôz zôngx ziv pâuz, tsôngv px tsi tiêk gra siêz tsưr ziv, chênhr phax lok chor nênhs fêv hâuz nziêk li uz li no thiêz uô têx nuv muk lol đhâu thax tsav tsi trơưk chei; iz chas ntơư, chênhr tsôngv box tưz yênhx qơư khov trâu chor tuz lênhv pênhz phax, sik thôngx siêz đros phax tir têx nênhs fêv, uô hâux lưv phax tir nênhs moz Covid-19 ntơưv qơư.

Lok sik iz zav li thax tsav ntus đriv Tây Nam, tsôngv box cxuô heir nênhs cux tsênhv niêx hnuz hmo sik đros chor tuz lênhv pênhz phax thiêz hâu nov ntơưv qơư, phax tir thêir têx lênhx nênhs muk lol đhâu đriv têz tsi trơưk chei, phax tar moz gênhk, tsưx phưv truôx tuk têz qơưk.

Uô lơưr tas nro tsôngv box sđ sik đros phax tar moz Covid-19 thiêz tir thêir chor nênhs muk lol đhâu têz qơưk tsi trơưk chei, tsuôk hâur tưz tsi tâu muôx 2 ciêz, 100% tsôngv px chor xã, phường nhoz jê đriv têz puôr lênhx cir ntơưr chos luk thôngx ziv paz max têx tuz lênhv pênhz phax, iz chas ntơư heik trâu hâu nov ntơưv qơư pâuz thâuv qênhz pov chor nênhs cxênhz jê thiêz luôs lưv tus zuk tsi pâuz tsênhz ntơư lok hâur VN đhâu đriv têz. Zơưv Lê Quốc Anh, Chủ tịch Ủy ban TP Hà Tiên heik pâuz:

“Phôngz yaox no tưz paz gra siêz tsôngv box Hà Tiên nhoz jê ntus đriv li txux chi tsưr ziv jênhv pâuz. TP Hà Tiên zuôr tror nthuôr uô đar phôngz yaox no chiê yax kriê trâu tas nro tsôngv px sđ nhoz jê đriv têz sâuv 13 cêik ntâu ntơư chiê lơưr pâuz tsênhz thiêz cxix cxuô lok têx li heik sâuv. Iz chas co, nhoz đriv têz, chor tuz lênhv pênhz phax thiêz tsôngv px cux zuôr zos têx lênhx đros phax tir thêir moz gênhk”.

Muôx qơư uô hâux lưv thiêz nhoz hâur thax tsav xã Phú Lợi, xã Phú Mỹ, huyện Giang Thành , tỉnh Kiên Giang zos zênhx pênhz phax Phú Mỹ. Co zos suôv qơư muôx 40% ntâu tsôngv box heir nênhs Khmer uô nênhx nhoz. Đros thiêz tsôngv box Khmer trơưk tsưr, tsêr mnov zos qơư tsôngv box xa thiêz heik zuk têx tsưr ziv, siêz njênhs trâu tsưr, uô trơưk chei chiê cxiv kho zuk luz nênhx, cêr nox nhoz xênhz huôx uô nênhs jông trơưk li têx lênhx tsưr heik kriê. Thôngz đhâu têx tsưr thiêz chor tuz lênhv pênhz phax li ntâu tsưr ziv yax kriê, tsôngv box cxuô heir nênhs nhoz no tsi tiêk gra siêz tsưr ziv jênhv pâuz, tsênhv sir jos đros paz max chor tuz lênhv uô luôs hâux lưv phax tir thêir moz thiêz.

          Ntâu chuôz zis px nhoz thax tsav ntus đriv cux chiv chir gôngr côngz đas jos đros tsưx phưv đriv têz. Zơưv Lý Văn Nhợi nhoz xã Phú Mỹ (huyện Giang Thành, tỉnh Kiên Giang) zos iz lênhs li heik sâuv. Hâur shôngk shông uô ntêx, txix thâuv uô đrux ntov, seiz shuôs jông tsi yuô khênhr lênhx nênhs muk lol đhâu đriv têz, zơưv Nhợi 2 niêv txir tưz đros chor tuz lênhv pênhz phax Phú Mỹ cxiv uô qơư seiz jor ndâux cêr thiêz paz max qơư so, nox nhoz trâu canr bôv tuz lênhv.

“Tuz lênhv pênhz phax thiêz công an xã ntơưv no, lơưr jông xưk iz zav li cur têx tuz nhuôs hâur tsêr. Nhoz no, sđ đros nox đros nhoz, đros txov, muôx đaz tsi lok sđ siz paz. Zuk tsuv qênhz shuôs, phax tir thêir moz Covid-19 tsi chiê siz cik tâu lok hâur thax tsav. Hmo ntux chor nhuôv muk qênhz shuôs, phax tir thêir tsav muôx nênhs zuôr muôs têx huv chuôr, huv txưr, muk lol đhâu đriv têz tsi trơưk chei. Pêz nox nhoz, uô hâux lưv uz no uô cê xưk iz zav zos iz tsêr nênhs. Têx tuz lênhv pênhz phax, công an, jênh quân muk uô hâux lưv qênhz shuôs têx đriv têz tax txos 1, 2 six iz tas hmo thiêx lok txos tsêr”.

Ntus đriv tỉnh An Giang cux zos thax tsav cuz nxor nhoz tiêx đras niêv đêx Cửu Long, muôx tox trôngz hâur pêk nxaz, ntâu cưx đês cưx ha, tsôngv px tsi nhoz uô cê iz paz iz pơưs, viv li luôs hâux lưv seiz car đriv têz, qênhz shuôs lênhx nênhs muk lol đhâu ntus đriv hâur six hơưv đhâu njiz trâul ntâu phiv liv. Chiê taz por truôx tuk thax tsav ntus đriv, paz max px huôv tsar uô nox uô hnar, tuz lênhv pênhz phax An Giang tưz yênhx lix tổ pox niêv chiv chir car seiz ntus đriv. Tsưr ziv uô no zos paz chor tuz lênhv pênhz phax pâuz tâu tsênhz thiêz mênhx đuô lok thax tsav ntus đris mak têx zênhx seiz car, iz chas ntơư yax kriê vênhv tôngv tsôngv px sik đros tsưx phưv truôx qơư nhoz, huôv tsar uô nox uô hâuk./.

(VOV4-Riê Lâux cxeik, nhênhv)