Nus pos Trần Chi Mai

Phưv Vụ trưởng Vụ sik côngv ntiêx têz Ủy Ban Mênhx cxưx

Yax kriê uô trơưk công ước ntiêx têz lok tso tsês cxuô tsưr ziv sêiz tsik muôx grik cxuô zav nênhs

PV: Thor cox puz pâuz, zos cơ quan uô cxiv tsa hêik pâuz têz qơưk jiês tiv 5 uô trơưk Công ước ntiêx têz lok tso tsês cxuô faz tsưr ziv sêiz tsik muôx grik cxuô zav hêir nênhs, thor cox puz pâuz tsênhz đuô lok tsưr ziv kriz uô cxiv tsa têx hêik pâuz no?

Pos Trần Chi Mai: Uô lơưr Thủ tướng Chính phủ li chox kriê, Ủy ban Mênhx cxưx tâu choz zos cơ quan sik côngv đros chor bôv, nganhx TW cik txos cxiv tsa uô hêik pâuz têz qơưk jiês tiv 5 uô trơưk Công ước ntiêx têz lok tso tsês cxuô faz tsưr ziv sêiz tsik muôx gri cxuô zav hêir nênhs nhoz Việt Nam. Txix ciês shông 2017, pêz tưz kriz uô tôv cxiv sâu xar tơưv thiêz tso tơưv tsưr ziv cxiv uô hêik pâuz têz qơưk. Txix shông 2018-2019, tsưr tsix chor jiês sêiz lax đros xar muôx 300 lênhx nênhs nhoz chor cơ quan trung ương, chôr Bôv, nganhx, hlôngr njêx muôs têx tỉnh, thành, chor tsưr tsix chính trị-xar hôiv, chor nênhs nhênhz chơưv, chor tsưr tsix phi chính phủ thiêz nênhs muôx côngz bê ntơưv cxuô thax tsav qơư đros sêiz lax cxaz nzir tsưr ziv trâu dự thảo hêik pâuz. Sâu jênhv tas nro chôr Bôv, nganhx thiêz cxuô thax tsav qơư li têx tsưr ziv sêiz lax trâu têx dự thảo hêik pâuz jiês 4, jiês 6 thiêz jiês 7; sêiz shuôk sâu tsês ntâu xor mông thiêz uô tiêr dự thảo jiês 8 hêik pâuz têz qơưk muôz trâu Thủ tướng Chính phủ. Hli 8/2020, Thủ tướng Chính phủ tưz tso  tơưv Hêik pâuz têz qơưk jiês tiv 5 uô trơưk Công ước ntiêx têz ntu txix shông 2013 txos 2019 thiêz choz trâu Ủy ban Mênhx cxưx sik côngv đros chôr Bôv, nganhx cik txos cxiv tsa Đề án por vêv hêik pâuz Công ước ntiêx têz trâu Liên hợp quốc li Ủy ban Nhân quyền.

PV: Chiê uô tiêr hêik pâuz têz qơưk jiês tiv 5, mak Tôv cxiv sâu, uô Hêik pâuz tsuv nriêr pâuz ntâu xor mông txix chor bôv, nganhx thiêz txix chor tsưr tsix ntiêx têz. Zos li uô chak chiê chor nênhs uô hâux lưv co uô cov tsênhz mênhx, ndax ndênhk, tsik njiz trâus phiv liv thiêz tsik uô zuôv têx kror muôx tsênhv tsênhz?

Pos Trần Chi Mai: Hêik pâuz công ước ntiêx têz zos ntâuz ntơưr piêr pâuz lok đuôz shav Việt Nam, hêik trâu ntiêx têz pâuz lok têx uô tâu hâur cxiv luôs cêr chêi thiêz tsưr tsix uô têx tsênhv chêi trâu tsôngv box mênhx cxưx tsơưs nênhs thiêz nênhs saz đrâuv têz qơưk uô nênhx nhoz ntơưv Việt Nam, côngz xưv tso tsês cxuô faz tsưr ziv sêiz tsik muôx gri cxuô zav hêir nênhs thiêz cux zos diễn đàn chiê tsav txênhz ngoại giao đros chor nênhs fêv tsênhv uô ruôr hiêv txos sik côngv siêz mênhx cxưx, tiv zix zos cik txos lênhx nênhs têx vax huôv. Chiê tâu uô jông, ndax ndênhk, tsik njiz trâus phiv liv thiêz uô trơưk têx kror muôx tsênhz, hâur ntu cxiv uô dự thảo hêik pâuz têz qơưk tưz tâu muôz lok trâu chor cơ quan trung ương, chor Bôv, ban, nganhx, hlôngr njêx muôs têx tỉnh, thành, chor tsưr tsix chính trị-xar hôiv, chor nênhs nhênhz chơưv, chor tsưr tsix phi chính phủ thiêz nênhs muôx côngz bê ntơưv cxuô thax tsav qơư đros sêiz lax, cxiv uô thiêz tâu tso trâu sâuv Ủy ban Mênhx  cxưx li cổng Thôngz mông điện tử. Zuôr txos no, Ủy ban Mênhx cxưx sik côngv đros chor tsưr tsix ntiêx têz ntơưv Việt Nam li Tsaz yênhx Huôv tsar Liên Hợp Quốc ntơưv Việt Nam (UNDP) chiê qênhz yuôx, nriêr pâuz têx xor mông txix ntâu kror lok uô trơưk Công ước ntơưv Việt Nam bax trâu hâux lưv por vêv Hêik pâuz têz qơưk jiês tiv 5 lok uô trơưk Công ước ntiêx têz lok tso tsês cxuô faz tsưr ziv sêiz tsik muôx gri cxuô zav hêir nênhs nhoz Việt Nam.

PV: Hêik pâuz têz qơưk jiês tiv 5 lok uô trơưk Công ước ntiêx têz lok tso tsês cxuô faz tsưr ziv sêiz tsik muôx gri cxuô zav hêir nênhs nhoz Việt Nam muôx têx kror yiêz tưs?

Pos Trần Chi Mai: Hêik pâuz têz qơưk jiês 5 lok uô trơưk Công ước ntiêx têz lok tso tsês cxuô faz tsưr ziv sêiz tsik muôx gri cxuô zav hêir nênhs nhoz Việt Nam zos chiê piêr pâuz đuôz shav lok Việt Nam, tiv zix zos têx hlôngr yiêz jôngr hâur têx chêi thiêz tsênhv tsênhz ntơưv Việt Nam hâur hâux lưv uô lơưr mênhx cxưx tsơưs nênhs thiêz nênhs saz đrâuv têz qơưk uô nênhx nhoz ntơưv Việt Nam li cxuô vax huôv tsuv muôx tưz tâu cui tênhv hâur Công ước ntiêx têz. Têz qơưk Việt Nam li tsưr ziv zos cxuô mênhx cxưx puôr lênhx muôx vax huôv siz bâus, sik côngv siêz, sik paz chiê sik đros huôv tsar; cxuô mênhx cxưx mak tsik xav txos chôngz nênhs lok zos tsơưs nênhs, txux chi siêz lok kik, puôr lênhx muôs vax huôv siz bâus nhoz cxuô kror hâur luz nênhx xar hôiv thiêz tâu uô truôx jông trơưk Hiến Pháp thiêz cêr chêi têz qơưk./.

PV: Thor uô cox tsâus ntâu!

(VOV4-Lik Thox cxêik nhênhv)