13 tsưr ziv cxênhx txuôs tênhv tâu truôx jông

Thêv nhiêx tênhv tas lok six ntâu mak tsik pâuz zos tiv kror tưs. Sơưr đơưk xar txo grêk nhiêx sir zôngv tênhv. Jax sâu đrav kaz no zuôr hêik trâu sơưr đơưk têx tsưr ziv cxênhx txuôs tênhv zôngx ziv thiêz lok six jông.

Hlôngr suôz: 1. Tsik so vêv xênhz têx chuôz zênhx tênhv hâur tsêr. Viv têx kror tsik hur co zuôr uô trâu tênhv tâu sir zôngv ntâu đuô.

2. Ro tas nro chor chuôz zênhx điện tử têx hluô njiê tênhv viv txơưv muôz tuô lơưv lok chor chuôz zênhx co cux tsênhv sir zôngv tênhv. Pox nhuôs tsuv ro tas nro chor chuôz zênhx no têx hluô njiê tênhv lok sik zôngv qơư njiê tênhv muôx qơư chiê tuô tênhv thâuv tsik sir zôngv.

Hlôngr suôz: 3. Sir zôngv cxiv luôs năng lươngv yar ntux, no zos tsưr ziv cxênhx txuôs tâu tênhv jông, sưv đros tênhv qơư, txix co paz txo grêk tsơưs nhiêx txiêx lok sik tsik tas nhiêx txiêx sir zôngv tênhv hâur yênhx hli.

4. Zôngv ntâu têx pov cêr txix đrâuv jôngr. Tso trôngx tos jâuv uô hâux lưv lok sik qơư tsik so xênhz huôx (qơư uô jâuz mor, qơư kruô jâuz hâuk đêx) jê trâu ntơưv têx qơư muôx ntâu pov cêr txix saz đrâuv jôngr.

Hlôngr suôz: 5. Xêir têx chuôz zênhx tênhv cov huv đros.

Tsuv nriêr pâuz têx chuôz zênhx tênhv, kỹ thuật thiêz nriêr pâuz txix nênhs sir zôngv li ntâuk gri uô ntêx thâuz zuôr têx chuôz zênhx tênhv. Xêir tsov têx chuôz zênhx cov huv đros thiêz jông tiv zix zos zôngv tênhv tsơưs lok sir zôngv.

6. Hlôngr têx kê tênhz trâu kê tênhz led viv sir zôngv tênhv tsơưs đuô, sir zôngv tâu ntêr đuô thiêz chis pov cêr đuô, huv đros trâu sir zôngv tênhv tsơưs đuô.

HLôngr suôz: 7. Zôngv mêir nxuôx chuô hlôngr trâu mêir điều hòa. Mêir nxuôx chuô zôngv tênhv tsơưs đuô thiêz zuôr paz tas tsơưs nhiêx sir zôngv tênhv đuô.

8. Tsik chiê têx chuôz zênhx tâu kriz tok chiê sir zôngv. Tsuv tuô ciês têx chuôz zênhx tênhv thâuv tsik sir zôngv chiê tsik uô tuôr xuôv tênhv thiêz paz cxênhx txuôs tênhv.

Hlôngr suôz: 9. Kho đuô jêx tưv, cơư chor kror trôngx cov ntov thâuv kriz điều hòa. Uô li zuôr paz trâu jêx tưv hâur tsêr tâu tuôr truôx tuk thiêz paz trâu mêir điều hòa tsik zôngv tas ntâu tênhv.

10. Xêir tsov têx chuôz zênhx muôx ntơưr lo chiv cxênhx txuôs tênhv. Kror no zuôr paz uô trâu chor chuôz zênhx phưx vưv tâu jông, huv đros trâu sơưr đơưk thiêz cux paz cxênhx txuôs tênhv trâu chuôz zis.

Hlôngr suôz: 11. Sir zôngv têx chuôz zênhx tênhv tâu six hơưv tuô thiêz tso tênhv chiê sir zôngv. Li no zuôr paz txo grêk six hơưv sir zôngv thiêz tir tar têx chuôz zênhx co zôngv tas ntâu tênhv thâuv tsik muôx nênhs sir zôngv uô tuôr xuôv.

12. Sir zôngv chor hax huv công nghệ Inverter, paz kho đuô chor chuôz zênhx li côngz suất huôx tôngv lơưr zoz qơưx tsênhv tsênhz, cxênhx txuôs năng lươngv thiêz txo grêk uô tuôr xuôv tênhv.

13. Tsik sir zôngv tênhv hâur ntu zôngv ntâu tênhv chiê tsik uô trâu tênhv tâu zôngv ntâu hênhr thiêz uô phiv liv txos sir zôngv tênhv li tơưs cuz, lok sik tsik muôx tênhv.

Cxênhx txuôs tênhv paz muôx tâu ntâu kror liv zov chênhr trâu tiz nênhs, xar hôiv thiêz tênhv qơư. Sơưr đơưk tsuv uô trơưk jông thiêz cxơưz cxiz sir zôngv têx tsưr ziv cxênhx txuôs tênhv chiê paz muôx tâu iz luz nênhx muôx năng lươngv hur thiêz huôv tsar truôx đrênhk./.

Hồng Việt-Lik Thox cxêik nhênhv