Uô lơưr hnuz jênh số ntiêx têz 11/7 shông 2025

           Njiêz luv hnuz jênh số ntiêx têz 11/7/2025:

          “Qênhx chiv chir cuiz tênhv lok xênhz zus nhuôk hâur iz ntiêx têz tsênhv hlôngr yiêz”

          Jênhv số zos lok six coaz tsôngv hâur hâux lưv cxiv tsa thiêz por vêv têz qơưk;

          Côngz xưv jênhv số zos tas nro Đảng, tas nro tsôngv box li luôk hâux lưv;

          Jênh số jông- chuôz zis shir phaz- têz qơưk bluô nux;

          Xênhz zus nhuôk zos qênhx- tsoz phưz mê nhuôk jông zos txơưx jênhv;

          Xênhz zus nhuôk thiêz tsoz phưz kruôz kriê mê nhuôk jông zos gôngr phênhv cxiv tsa têz qơưk tov kaz no;

          Tsuv chiê hâux lưv xênhz zus nhuôv tuz lok sik nhuôv nxeik tâu uô lơưr têx zênhx muôx tsênhv tsênhz;

          Tsi xênhz tuz ci thâuv tsi tâu hloz tiêr nênhs viv đas jos, viv chênhr lênhx nênhs co li luz nênhx tov kaz no;

          Tsi siz zuôr nzor thâuv tsi tâu txâuk hnuz nhôngs, siz zuôr cxênhz jê chiê por vêv lênhx nênhs;

          Muôz siêz tsơưr lươngv jênh số chiê huôv tsar têz qơưk sei thiêz truôx tul;

          Huôv tsar lênhx nênhs muôx tsơưr lươngv siêz chox têz qơưk hla trâu ntu hlôngr yiêz thiêz huôv tsar.

Sơn La sir jos txos shông 2030 tax phênhv xênhz zus huv đros

          Lơưr Bộ y tế li côngz fur lok bê têx tỉnh, TP nhoz têx thax tsav muôx phênhv xênhz zus tâu uô trâu ntu 2020-2025, Sơn La zos iz hâur 33 tỉnh, TP nhoz hâur thax tsav muôx phênhv xênhz zus siêz. Têx cấp, nganhx, tiv phaz hâur tỉnh tưz thiêz tsênhv krêz uô ntâu tsưr ziv hlôngr yiêz phênhv xênhz zus huv đros, muôz siêz tsơưr lươngv jênh số. Taz sik, tỉnh li jênh số tsênhv siêz fênhx pheiz 15 txos 19 cxênhz lênhx iz shông. Taz sik, jênhv số hâur tỉnh tsênhv muôx siêz xar xênhz zus nhuôv tuz chiê tov kaz muôx lênhx nênhs txi côngv, viv li 2,3 shông tror lok no, qênhx shênhx xênhz zus tul nhuôk tiv 3 chuôz ndê nhoz phênhv ntâu têx tiv phaz, uô zênhr shar txos tsưr ziv txu grês hâux lưv xênhz zus chiê nzor tax phênhv huv đros thiêz muôz siêz tsơưr lươngv jênhv số...

          Shông 2025, côngz xưv jênh số ntơưv Sơn La tsênhv chêx chôngk lok hâux lưv hlôngr yiêz phênhv xênhz zus chiê muôz siêz tsơưr lươngv jênh số, thôngx cxix car chêx têx vênhv thix cik txos cơ cấu jênh số thiêz jênh số lâuk. Hâur co, sir jos txu grês phênhv xênhz zus, tiv zxĩ zos nhoz têx thax tsav muôx phênhv xênhz zus siêz, chiê tax phênhv xênhz zus huv đros thiêz hlôngr yiêz tsơưr lươngv jênh số; muôz siêz tsơưr lươngv jênh số; car chêx vênhv thix nhuôv tuz nhuôv nxeik tsi siz bâus; chuôz tsar têx jix vuv tsoz phưz đas jos, seiz njuôs đas jos trâu nênhs muôx hnuz nhôngs siêz, taz por nênhs muôx hnuz nhôngs siêz tâu nhoz uô nênhx muôx jông đas jos thiêz sir phaz; chuôz tsar côngz xưv yax mông chiê muôz siêz tsôngv box li jênhv pâuz lok têx vênhv thix jênh số thiêz huôv tsar; tiv zix zos đas jos xênhz zus nhuôk, tsưr ziv xênhz zus nhuôk thiêz tsoz phưz đas jos nênhs muôx hnuz nhôngs siêz; krêz uô têx đề án, trâur nuv, huôx tôngv uô tsưr ziv xênhz zus nhuôk, taz por côngz xưv jênh số tâu truôx tul thiêz huôv tsar hâur ntu nhiv no. Tỉnh Sơn La sir jos txos shông 2030 tax phênhv xênhz zus huv đros (iz lênhx pox niêv xênhz zus 2 txos 1 lênhx mê nhuôk txơưv huv đros)./.

Bích Thủy-Txâur Vax cxeik nhênhv