Taz por truôx tuk zoz thôngz sâuv têx ntu cêr nkhâuk lêv nhoz Sơn La

Tỉnh tox siêz Sơn La muôx 18 cxênhz ntâu cêik zoz thôngz cêr ar; tox trôngz hâur pêk nxaz viv li muôx ntâu ntu nkhâuk lêv, tsi yuô zôngx ziv muk lol. Tix lâus Cầm Việt Hà nhoz jok 3, phường Tô Hiệu, TP Sơn La-tưz tsar yêz tâu 10 tơưv shông muk lol đhâu cxuô txox cêr hâur thax tsav Tây Bắc heik:

“Têx cêr muk lol nhoz Sơn La thiêz Tây Bắc lok six nkhâuk lêv cơưk, pok huôz ntâu, nas yâur njuôs njêz, cêr muk lol bluô. Chênhr viv li, lênhx nênhs cheix yêz muk lol sâuv têx txox cêr no, cur thâuv tưs tưz muk trơưk zuk saz cêr, têx fiêx heik pâuz thiêz tiz jông seiz njiê cêr chiê truôx; cur tsar yêz thâuv tưs tưz uô jông trơưk li têx fiêx heik pâuz chiê truôx tuk trâu zuk, truôx kruô thiêz têx lênhx nênhs cheix yêz muk lol tâus cêr”.

Ntu jê lok no, hâur thax tsav tỉnh Sơn La tưz muôx ntâu txuz uô yêz ntos, siz yar siz tsông tâus cêr. Lar heik li txuz hmo 21/2 nhiv kruôr đhâu, ntơưv thax tsav xã Sặp Vạt, huyện Yên Châu (Sơn La), luz yêz kruô muk txix Sơn La trâu Hà Nội, thâuv txos ntu cêr grêk har, nkhâuk lêv tiv ntux lok nas, bluô, lênhx tsar yêz tưz uô yêz yar trâus iz luz yêz lox tuôx saz tov tuôx, uô 6 lênhx nênhs, muôx hur si lênhx tsar luz yêz lox heik sâuv thiêz 5 lênhx kruô trâus tuôs, 9 lênhx txơưr đuô trâus saz. Chiê txo grêk tsơưs têx txuz uô yêz siz yar siz tsông tâus cêr, chor lưv lươngv muôx vax huôv tỉnh Sơn La nhiv no tsênhv tror sir jos uô luôs hâux lưv qênhz yuôx, qênhz shuôs, đơưk tu thiêz bluô têx uô cxâuv hâur ngênhx zoz thôngz cêr ar; phênhv ntâu zos uô trơưk chei têz qơưk têx cui tinhv lok tsar yêz thâux xa kruô, thâux hax huv muk lol sâuv têx cêr ar. Đros trâu têx li heik co zos sir jos yax mông, fuô kriê chei têz qơưk têx cui tinhv trâu tsưr yêz thiêz lênhx nênhs tsar yêz pâuz tsênhz, pâuz cxuô thâuv tsar yêz muk lol tâus cêr. Trung tá Nguyễn Trung Kiên, Phưv Tsar phongx Cảnh sát zoz thôngz, Công an tỉnh Sơn La heik pâuz:

“Lưv lươngv Cảnh sát zoz thôngz, Công an tỉnh tưz yax kriê, lar heik zos ntơưv têx ntu cêr khênhr pok huôz, seiz njiê pov tsi yuô đêz mak tso nênhs muk qênhz yuôx tsi so, heik sơưr đơưk thâuv muk lol đhâu tsuv tso tênhz yêz chis, còi yêz chiê lênhx nênhs tsar yêz đhâu muk trơưk zuk saz cêr, lơưr cui tinhv, tsi tâu txênhz cêr, hla cêr thiêx tsi uô yêz siz yar siz tsông”.

Uô trơưk tsưr ziv taz por truôx tuk zoz thôngz shông 2025 hâur thax tsav đros njiêz luk “Tsar yêz muk lol truôx tuk, sơưr đơưk zuôr muôx luz nênhx shir phaz”, sir jos txo grêk têx txuz uô yêz siz yar siz tsông tâus cêr, chor nênhs trâus tuôs thiêz lênhx nênhs trâus saz, txix ciês hâur shôngk shông, ngênhx zoz thôngz tỉnh Sơn La tưz sir jos fuô uô ntâu faz tsưr ziv li: Chuôz tsar lênhx nênhs qênhz yuôx, qênhz shuôs, xưv bluô ntov jông têx lênhx uô cxâuv, tsi taz por truôx tuk zoz thôngz sâuv têx cêr muk lol. Zơưv Nguyễn văn Chính, Phưv Giám đốc Sở zoz thôngz tỉnh Sơn La heik pâuz nzir:

“Ngênhx zoz thôngz sir jos đros cxuô ngênhx muôx vax huôv chuôz tsar qênhz yuôx, qênhz shuôs, seiz car chor yêz muk lol tâus cêr taz por truôx tuk, muôx txâuk thiêz cxix cxuô zav trơưk li cui tinhv, jux juk txo grêk tsơưs chor yêz thâux ntâu hax huv, lênhx nênhs tsi trơưk cui tinhv cux li yêz tsi taz por kỹ thuật muk lol tâus cêr”.

Chiê txo grêk tsơưs têx txuz uô yêz siz yar siz tsông, iz chas chor lưv lươngv muôx vax huôv têx sir jos, tsôngv pêx xênhv, lar heik zos têx lênhx nênhs tsar yêz tsuv gra siêz tsưr ziv jênhv pâuz uô trơưk têz qơưk chei cheix yêz muk lol tâus cêr; đhâu ntơư, zuôr truôx tuk trâu zuk thiêz côngv thôngx./.

Trấn Long-Riê Lâux cxeik, nhênhv