PHÊNHV NRIÊR PÂUZ CHÊI TÊZ QƠƯK

Tsôngv pox nhuôs sơưr đơưk hmor yuô! Hâur phênhv nriêr pâuz chêi têz qơưk ciêz no, pêz  tror xa txos pox nhuôs sơưr đơưk mnôngs iz cxiê grê tsuv pâuz hâur chêi siz zuôr uô txix gơưv.

Grê 14. Đơưk tu têx hâux lưv pox niêv, txir nênhx nox nhoz uô cê xưk li niêv txir, taz sik ho tsik uô ntơưr siz zuôr.

1. Pox niêv, txir nênhx muôx txâuk cxuô kror chiê siz zuôr trơưk cui tênhv hâur Chêi no, uô nênhx nhoz uô cê xưk li niêv txir, taz  sik tsik tâu uô ntơưr siz zuôr mak tsik muôx vax huôv xưk li niêv txir. Qênhx, vax huôv trâu têx mê nhuôv, vax tsêr cxuô zav, jênhv vưv thiêz hux thôngx nhoz cxuô tos tâu đơưk tu lơưr cui tênhv ntơưv Grê 15 thiêz Grê 16 hâur Chêi no.

2. Zos tiêk pox niêv, txir nênhx uô nênhx nhoz uô cê xưk li niêv txir trơưk cui tênhv ntơưv ntu 1 Grê no, taz sik lơưr co mav uô ntơưr siz zuôr trơưk chêi têz qơưk li cui tênhv mak cêr txix gơưv, niêv txir tâu xav txix thâuv uô ntơưr siz zuôr co.

Grê 15. Niêv txir thiêz mê nhuôv li vax huôv thâuv pox niêv, txir nênhx uô nênhx nhoz uô cê xưk li niêv txir, taz sik ho tsik uô ntơưr siz zuôr

Pox niêv, txir nênhs uô nênhx nhoz uô cê xưk li niêv txir thiêz mê nhuôv li vax huôv tâu đơưk tu lơưr cui tênhv hâur chêi no lok niêv txir thiêz mê nhuôv li vax huôv.

Grê 16. Đơưk tu pox niêv, txir nênhx uô nênhx nhoz uô cê xưk li niêv txir têx chuôz zênhx, chuôz tav, taz sik ho tsik uô ntơưr siz zuôr

1. Pox niêv, txir nênhx uô nênhx nhoz uô cê xưk li niêv txir, taz sik ho tsik uô ntơưr siz zuôr li têx vax tsêr, chuôz zênhx, chuôz tav cxuô zav, tâu đơưk tu trơưk oz tos sik sêiz lax; zos tiêk tsik muôx sik sêiz lax mak tâu đơưk tu lơưr Bôv chêi têz qơưs cui tênhv thiêz lơưr têx chêi cik txos cui tênhv.

2. Luôs hâux lưv đơưk tu têx vax tsêr, chuôz zênhx chuôz tav cxuô zav, tsuv uô huv đros pox niêv thiêz mê nhuôv li vax huôv uô hâux lưv hâur vax tsêr thiêz têx hâux lưv txơưr cik txos chiê uô nênhx nhoz uô cê tâu xav li lox tôngv muôx phênhv sâu tâu./.

(Tuyết Lan-Lik Thox cxêik nhênhv)