Sir jos yax kriê bâux xêir hâur thax tsav tsôngv box

 mênhx cxưx tsơưs nênhs

Bâux xêir têiv plor Côx hôiv khóa 15 thiêz têiv plor hội đôngx cxuô cấp ntu 2021-2026 zos têz qơưk iz kror xor xưv chính trị zov chênhr, zos jiês chiê pêx xênhv uô zuk têx vax huôv thôngz đhâu hâux lưv xêir tsov, bâux xêir tâu chor têiv plor, zos chor nênhs muôx txux chi, sir jos thiêz moz siêz uô hâux lưv hlôngr njêx muôs trâu pêx xênhv ntơưv Côx hôiv thiêz hội đôngx cxuô cấp. No cux zos jiês chiê tror cxiv kho thiêz uô cov tiêr jông têz  qơưs têx chêi cov huv đros viv pêx xênhv. Chênhr viv li, côngz xưv thôngz mông, yax mông, hêik pâuz lok têx chêi bâux xêir zos iz kror lok six zov chênhr, paz muôx tâu thôngx ziv lok jênhv pâuz thiêz hâux lưv uô hâur xar hôiv, viv li hâux lưv chox kriê uô côngz xưv yax kriê bâux xêir têiv plor Côx hôiv khóa 15 thiêz têiv plor Hôiv đôngx cxuô cấp ntu 2021-2026 tsuv tâu chor cơ quan, tsưr tsix txix trung ương txos cxuô thax tsav qơư moz siêz, kriz uô txix ntâu tsưr ziv sik txơưr chiê paz trâu jiês bâux xêir tâu uô tiêr jông.

Côngz xưv yax kriê lok jiês bâux xêir têiv plor Côx hôiv khóa 15 thiêz têiv plor Hôiv đôngx cxuô cấp ntu 2021-2026 tâu kriz uô txix hli 1 shông 2021, sir jos uô tiv zix txix hli 4 shông 2021 txos trâu hnuz bâux xêir 23 hli 5 shông 2021 thiêz thâuv uô suôv câuv, hêik pâuz lok jiês bâux xêir.

Nhiv no, ntơưv têx qơư thax tsav nhoz đêz, tox siêz tsênhv sir jos kriz uô yax kriê bâux xêir txos yênhx jêx jok, paz tsôngv box cxuô mênhx cxưx pâuz lok zuk li vax huôv thiêz txơưx jênhv hâur jiês bâux xêir zuôr txos. Cấp ủy chính quyền ntơưv cxuô thax tsav qơư tưz xêir tsov chor cán bộ uô côngz xưv pâuz luk mênhx cxưx, txơưx uô côngz xưv dân vận chiê sir jos yax kriê txix ntâu tsưr ziv. Lưx lươngv Công an xar, pênhz phax, đoanx hluôk nênhs, hôiv pox niêv…cux tâu chiê uô côngz xưv yar kriê hur si. Pos Nguyễn Thị Hồng Vân, Phưv Chủ tịch MTTQ Việt Nam tỉnh Lạng Sơn puz pâuz: “Pêz tưz cxiv uô tsưr ziv sir jos yax kriê lok côngz xưv bâux xêir cov huv đros thiêz uô tâu truôx jông. Hâur co moz siêz txos sir jos yax kriê trâu cxuô lênhx nênhs ntơưv têx thax tsav txov nhêv, tsôngv box mênhx cxưx tsơưs nênhs nhoz ntus đriv…Txix co paz trâu sơưr đơưk pâuz tsênhz đuô, chiê hnuz bâux xêir Côx hôiv thiêz Hôiv đôngx cxuô cấp ntu 2021-2026 tsênhz tsênhz zos hnuz hôiv tas nro pêx xênhv”.

Chiê huv đros trâu vênhx huôv yênhx mênhx cxưx, hâux lưv yax kriê trâu pox nhuôs tâu uô txix ntâu faz tsưr ziv, sir zôngv tas nro cxuô zav chuôz zênhx thôngz xor mông, moz siêz txos uô têx tsưr ziv yax kriê txix luk hêi. Ntâu tsưr ziv yax kriê tâu kriz uô li phuôx huiz nênhs muôx suôz bê, txir ndâux txir luk chiê yax kriê, tsưr tsix uô vênhx huôv vênhx nghệ ntơưv têx ciêz lok sik yax kriê txix ntâuz ntơưr cxêik uô luk mênhx cxưx hâur thax tsav cov lơưr zôngx ziv pâuz tâu… Pos Phạm Thị Lan, Phưv chủ tịch Ủy ban Mặt trận têz qơưk Việt Nam tỉnh Gia Lai khav tênhv txos chor nênhs yax kriê viên txix luk hêik nhoz thax tsav tox siêz nhoz đêz li têx uô tâu: “Tiv zix zos chor nênhs muôx suôz bê, txir ndâux txir luk, chor lâul jok, tsar jok zôngv ciês lơưr têx luk xưk li Ja Rai thiêz Ba Na chiê yax kriê têx xor mông co txos trâu yênhx lênhx nênhs pâuz. Thôngz đhâu thôngz mông no mak pox nhuôs phênhv ntâu zos mênhx cxưx tsơưs nênhs lơưr cux pâuz tâu, sir zôngv zuk đêiv ntơưr chiê xêir tsov bâux xêir tâu têx lênhx nênhs muôx txâuk txux chi, sir jos thiêz moz siêz uô hâux lưv chiê nhoz trâu hâur têiv plor hội đôngx cxuô cấp”.

Tsuv hêik  tiêk, txix sir jos hêik pâuz xor mông lok bâux xêir đhâu ntâu faz tsưr ziv, hâux lưv yax kriê lok bâux xêir ntơưv têx thax tsav qơư nhoz đêz, tox siêz tưz paz tir tar tâu chor nênhs fêv li têx luk nziêk đas, hêik tsik zos; paz trâu tsôngv box mênhx cxưx pâuz tsênhz mênhx: Muk tso ntơưr bâux xêir zos paz xêir tsov tâu chor nênhs muôx txux chi, sir jos thiêz moz siêz chiê hlôngr njêx muôs trâu pêx xênhv tso tơưv têx tsênhv chêi huôv tsar….paz trâu lơưr luz nênhx hla đhâu tâu cêr pluôs, muôx luz nênhx truôx tuk. Txix co, tsôngv box mênhx cxưx tsơưs nênhs pâuz tsênhv đuô txos trâu zuk li vax huôv thiêz txơưx jênhv thiêz zuôr tuôx tso ntơưr hâur hnuz bâux xêir co./.

(Thu Hòa VOV4-Lik Thox cxêik nhênhv)