Xa nhiêx zuôv cêr trâu têx tài khoản txơưr puôr zuôr tror gra tâu nhiêx?

Nam: Thâuv xa nhiêx zuôv cêr trâu nênhs txơưr đuô tài khoản tsês nhiêx, nênhs xa nhiêx tsuv gra đros chứng minh thư, đêiv ntơưr thâu nhiêx ATM, đêiv ntơưr xa nhiêx hâur mêir ATM lok, thiêz hêik pâuz xor mông lok số tài khoản thiêz chữ ký nênhs xa zuôv cêr, số tài khoản xa zuôv cêr, số tài khoản zos nênhs xa zuôv cêr xar xa nhiêx trâu, muk trâu zênhx hangx nênhs xa nhiêx zuôv cêr chiê hêik pâuz lok hâux lưv zuk xa nhiêx zuôv cêr, thôngx cxix hêik cov qênhz yuôx đros thiêz uô zuôv cêr hâur xa nhiêx hâur zênhx hangx.

Nữ: Thâuv zênhx hangx pov muôx têx uô zuôv, tsik zos zuôr hêik trâu tus tsưr tài khoản pâuz thiêz khóa kror tài khoản co txos thâuv nriêr pâuz tsênhz mênhx, khưx phưx tiêr têx uô zuôv tsik zos co.

Nam: Zos tiêk tài khoản xa nhiêx co tưz trâus khóa, lok sik trâus tir thêir jông tsênhv yuôr nênhs xa zuôv cêr co chor nhiêx nhoz hâur mak zênhx hangx zuôr tror muôz chor nhiêx co lok trâu nênhs xa zuôv cêr.

Nữ: Zos tiêk chor nhiêx xa zuôv cêr co tưz tâu thâu lok zôngv, zênhx hangx zuôr hêik trâu tsưr tài khoản pâuz thiêz cov tror thêv chor nhiêx co.

Nam: Trơưk li grê 599, chêi têz qơưs 2005: Lênhx nênhs sir zôngv chor nênhs txơưr đuô li nhiêx txiêx cxuô zav tsik zos lơưr chêi têz qơưs, tsuv tror thêv trâu lênhx nênhs uô tsưr huv lơưr chêi sêiz car nhiêx txiêx; zos nriêr tsik tâu nênhs uô tsưr huv chêi sêiz car nhiêx cxiêx, tsuv choz zok trâu cơ quan têz qơưk muôx vax huôv trơưk li quy tênhv ntơưv ntu 1 grê 247 chêi têz qơưs.

Nữ: Zos tiêk nênhs uô tsưr tài khỏan xa zuôv cêr co tưz tâu zênhx hangx hêik pâuz, hêik cov tror thêv chor nhiêx co, taz sik lênhx nênhs  co cux tsik thêv mak têx jâuv zuôr trâus bluô trơưk li grê 141, chêi têz qơưs shông 1999 cxiv kho đuô cxaz nzir 2009: “Lênhx tưs cxoz txưv tsik tror thêv trâu nênhs uô tsưr, nênhs sêiz car huv chêi lok sik tsik muôz chor nhiêx txix 10 txos 20 triệu đêiv, têx zav muôx tsiv gri, vênhx huôv tâu choz zok zuôv cêr, lok sik tâu zuk nriêr tâu, đhâu thâuv lênhx nênhs uô tsưr, nênhs sêiz car huv chêi lok sik cơ quan muôx vax huôv hêik cov tror muôz têx nhiêx txiêx cxuô zav co lok, mak tsuv trâus tik cêr cxâuv tsik nhoz tux txos 3 shông lok sik cơư nhoz tux txix 3 luz hli txos 2 shông”.

Nam: Zos tiêk Zênhx hangx, hêik tsik tâu têx luôs hâux lưv zuk xa nhiêx zuôv cêr trâu đuô tus tài khoản mak lênhx nênhs xa nhiêx zuôv cêr  co tâu vax huôv uô ntâuz ntơưr pênhr lênhx nênhs muôx tài khoản zuk xa nhiêx zuôv cêr co trâu têx cơ quan muôx vax huôv đros tu thiêz tik cêr cxâuv trâu lênhx nênhs co./.

(Thanh Thủy-Lik Thox cxêik nhênhv)