VN uô tâu ntâu luôs hâux lưv taz por lênhx nênhs li vax huôv, uô lơưr LHQ li tsưr ziv huôv tsar truôx

Đhâu têx sir jos, VN tưz uô tâu ntâu luôs hâux lưv jông hâur taz por lênhx nênhs li vax huôv, txix têx chei lok sâuv dân sự, chính trị txos kinh tế, vênhx huôv, xã hội thiêz têx lênhx nênhs zôngx ziv trâul ruôr hiêv li vax huôv. Nênhs VN li vax huôv tâu uô tsênhz mênhx, co zos: Vax huôv bâux xeir thiêz ứng cử; tâu vax huôv heik, uô têx ntơưr pov tsir….. Chiê taz por lênhx nênhs li têx chei, vax huôv thiêz cxiz huôv tsar kinh tế, xã hội hâur ntu têz qơưk hlôngr yiêz, pêz têz qơưk tưz yênhx lix Ủy ban têz qơưk, cxơưz sei cxiv uô “Chính phủ điện tử”, têx cơ quan lês uô hâux lưv têz qơưk li Cổng thôngz xor mông điện tử, chiê côngz dịch vụ txuôk đros luôs 2 chas thax tsav tỉnh, cxuô qơư chiê canr bôv, cơ quan, tsưr tsix chuôs njiz, sik thav đros tsôngv pêx xênhv, gra siêz têx luôs hâux lưv uô viv tsôngv pêx xênhv luz nênhx, viv doanh nghiệp.

VN iz hâur têx luôs hâux lưv uô tâu jông yax lok taz por lênhx nênhs li vax huôv zos cxuz cêr yeiz pluôs, huôv tsar lênhx nênhs thiêz tsơưr lươngv luz nênhx nox nhoz. Xav txos kaz shông 2020, têx ziv chuôz zis pluôs  tsênhv yuôr xar muôx 3% (trơưk cui tinhv pluôs uô lơưr trâu ntu 2016-2020). VN zos têz qơưk uô tâu jông hâux lưv qênhx nhênh shông lok txo grêk cêr pluôs, tâu côngv thôngx ntiêx têz côngk nhav. Phưv Giáo sư, Tiến sỹ Đặng Dũng Chí, Kuz Viện tsar Viện vax huôv lênhx nênhs, Học viện Chính trị quốc gia HCM jênhv tinhv: “Xưk li Chính phủ heik, pêz muôx têx tưz uô tâu lok six ntâu têx luôs hâux lưv, pêz tưz txo grêk tsơưs tâu sei têx chuôz zis yeiz pluôs thiêz tsi zos trơưk ntiêx têz cui tinhv kuz, pêz tsi so sâu jênhv, nriêr pâuz lok ntiêx têz têx mông yiêz, co zos txo grêk tsơưs cêr pluôs. Chênhr viv li, têx li heik co lok six jông. Muôx têx khav tinhv pêz zos iz têz qơưk uô tâu jông luôs hâux lưv txo grêk tsơưs cêr pluôs”.

Lar heik hâur shông 2020 thiêz 2021 nhiv kruôr đhâu, têx hâux lưv mak VN uô tâu jông lok phax tir thêir moz Covid-19 cux chênhr zos têx tsưx phưv tâu jông thiêz cxơưz lênhx nênhs li vax huôv lar kruôs txos. Tsưr ziv “tsi chiê lênhx nênhs tưs trâul pôngz kaz” zos têx hâux lưv tâu Đảng, têz qơưk fuô kriê, cxix luôs chính trị uô jông trơưk txix ciês thâuv moz Covid-19 huôv xênhz. Lar heik, Đảng, pêz têz qơưk thâuv tưs tưz xav tinhv, lênhx nênhs cê zos qơư khov, cê zos đas jos cxơưz cxiv tsa thiêz tsưx phưv têz qơưk, “muôz tsôngv pêx xênhv uô tsênhv qơư chiê phưx vưv, phax tir thêir moz viv tsôngv lax pêx xênhv”. Tsi tiêk, hâur têx moz gênhk, trâul ntux uô ruôr hiêv uz no…., txơưv nhoz kror tưs, uô li chas lok tsôngv pêx xênhv thâuv tưs cux tưz tâu cấp ủy, hâu nov thiêz têx lưv lươngv muôx vax huôv por hưv, truôx tuk lok lênhx nênhs, têx chuôz zênhx chuôz tav. Taz sik, hâur uô lơưr chei taz por lênhx nênhs li vax huôv, pêz cux txar jav tsi tâu têx tsi jông iz zav li Phưv giáo sư Đặng Dũng Chí heik:“Hâur cêr huôv tsar thâuv tưs tưz reik đros trâu huôv tsar têz qơưk, uô lơưr lênhx nênhs li vax huôv. Hâur co, têx nênhs fêv, lơưr khênhr liv zôngv iz cxiê canr bôv lês uô hâux lưv têz qơưk li têx uô zuôv, uô tsi yuô zos chei ntơư thiêz liv zôngv têx cui tinhv seiz car tsi yuô đrux ntov chiê nziêk đas, chênhr zos li co cux muôx iz cxiê lênhx pêx xênhv lok six zôngx ziv njênhs thiêz mnôngs trơưk têx nênhs fêv heik, hâuz nziêk uô cxâuv chei têz qơưk. No zos têx pêz tsuv uô tsênhz mênhx, paz tsôngv pêx xênhv sơưr đơưk chênhr phax lok têx tsi jông heik sâuv”.

Đros trâu têx luôs hâux lưv tưz uô tâu jông, pêz muôx têx shir phaz VN tsi tiêk zos iz hâur têx têz qơưk tưz uô tâu yênhx côngz ntâu luôs hâux lưv huôv tsar qênhx nhênhx shông trơưk LHQ li cui tinhv, VN nhiv no tsênhv tâu pâuz txos zos têz qơưk huôv tsar uô tâu ntâu zav nuv li: Cxuz cêr yeiz pluôs, paz têx lênhx nênhs txov nhêv…., tsi chiê lênhx nênhs tưs trâul pôngz kaz./.

(VOV4-Riê Lâux cxeik, nhênhv)