Phênhv “Cêr nênhx vênhx huôv” hnuz 26/9/2015:

Mù Cang Chải hâur luz chêix jông jav

Iz lênhx kruô zos hêir nênhs nhoz têz qơưs Đức tuôx txos trâu VN, tưz uô siêz truôx bo zok nriêr cêr tuôx muk trâu Mù Cang Chải, huyện tox siêz tỉnh Yên Bái, chiê sêiz shuôk ciêz vênhx huôv du lix têz qơưs; sêiz shuôk blêx liêx tơư ntêir, tâu tsưr tsix trâu ntơưv huyện. Lênhx tix lâus ntơư hêik pâuz tiêk: Tuôx trâu Mù Cang Chải, iz chas seiz shuôk pov tox trôngz câuv har jông jav, cux tsênhv tâu cxêik têx đuôz blêx liêx tơư ntêir, zos hâur luz chêix cxuô jêk blêx liêx tsênhv taz tov siêr đax jông jav thiêz tsênhv tâu đros tsôngv px Hmôngz muk car ciêz tox siêz; tâu đros tsôngv px Hmôngz yuôz trax; tâu sêiz tsôngv px Hmôngz tso yik siz đrâuk ….Lar hêik đuô zos tâu muk sêiz shuôk tsôngv px Hmôngz têx jêx jos, sêiz shuôk tsôngv px Hmôngz têx cêr khưr uô kôngz lôngk hâur yênhx hnuz.

Băng: “Cur tuôx sêiz shuôk tsôngv px ntơưv no luz nênhx nox nhoz muk lok sêz jông li chas thiêz tâu đros tsôngv px ntơưv no nox nhoz hâur têx qơư du lix côngv thôngx. Cur pov tsôngv px ntơưv no pâuz chơưx kruô hênhr”.

Pos Nguyễn Thị Tuệ, iz lênhx kruô nhoz Hà Nội tuôx trâu ntơưv no hêik pâuz tiêk: Thâuv zuôr tuôx sêiz shuôk ndis ntux trâu Mù Cang chải, nưs cux mnôngs pâuz ntâu xor mông hêik lok tsôngv px Hmôngz têx blêx liêx tơư ntêir. Taz sik, thâuv tuôx txos ntơưv qơư, sêiz pov têx blêx liêx tơư ntêir, uô yênhx hax sâuv têx ntar trôngz, cux jông hênhr thiêz pâuz tâu tsôngv px Hmôngz ntơưv no têx tsưr ziv gruôs khưr, tsuôk zos xuôk nhux tưv lêix thiêz muôz qox cxưx khươz uô, cux uô tâu cxuô jêk blêx liêx ntơư. Chiê pâuz nzir tâu tsôngv px Hmôngz têx cêr khưr thiêz lưv shông, pos Tuệ tsênhv zuôr tror tuôx sêiz shuôk Mù Cang Chải iz jiês nzir  thiêz.

Băng: “Thơưx jiês cur tuôx txos trâu Mù Cang Chải, cur sêiz pov têx blêx liêx tơư ntêir ntơư jông jav hênhr; ntơư zos tsôngv px Hmôngz ntơưv no uô tơưv. Zos lưv shông, muôx six hơưv hnuz nhôngl, cur tsênhv zuôr tror tuôx sêiz shuôk Mù Cang chải iz jiês thiêz”.

Shông 2007, 500 ha blêx liêx tơư ntêir nhoz ntơưv 3 xã: Chế Cu Nha, La Pán Tẩn, Dế Xu Phình, tưz tâu Bộ vênhx huôv côngz jênhv zos thax tsav  qơư jông jav hâur têz qơưs. Txos trâu nhiv no, huyện Mù Cang Chải tưz muôx 4 cxênhz ha blêx liêx tơư ntêir. Iz chas yax kriê tsôngv px sđ gra siêz tsưr ziv tuôr truôx thax tsav qơư jông jav thiêz tsuv kriz đar uô blêx liêx tơư ntêir cov muôx phênhv sâu tâu blêx trâu tsôngv px nhoz thax tsav no thiêz hâur niêx shông, huyện cux tsưr tsix kriz ciêz vênhx huôv, du lix qơư jông jav zos blêx liêx tơư ntêir chiê hêik kriê trâu tsôngv kruô cxuô thax tsav pâuz txos. Luôs hâux lưv tsưr tsix sêiz shuôk thax tsav jông jav zos blêx liêx tơư ntêir đros trâu kriz ciêz tox siêz, du lịch côngv thôngx, rêik đuôz blêx liêx tơư ntêir chiê tsôngv kruô sđ tuôx sêiz shuôk. Xav hâur hnuz nhiv kruôr kriz ciêz vênhx huôv tưz muôx xar 6 cxênhz lênhx kruô tuôx sêiz ndis shuôk. Pos Lương Thị Xuyến, phó chủ tịch uỷ ban huyên Mù Cang Chải hêik pâuz:

Băng: “Chiê tsôngv kruô pâuz txos Mù Cang Chải li hnuz no, pêz cux xav tiêk: Tsuv uô cov cxuô thax tsav qơư jông jav, nziv tsôngv kruô sđ nhiêv txos, tuôx sêiz shuôk”.

Ciêz vênhx huôv du lịch thax tsav blêx liêx tơư ntêir jông jav huyện Mù Cang Chải, tỉnh Yên Bái, chênhr zos hêik kriê thax tsav qơư nhoz thiêz tsôngv px cxuô hêir nênhs ntơưv no têx cêr nênhx vênhx huôv jông trâu tsôngv kruô sđ pâuz txos./.

                                                                   (Bích Thuỷ+Chẻo Thu)