Têz qơưk tsaz yênhx lok huôv tsar kinh tế-XH thax tsav tsôngv box heir nênhs thiêz tox siêz, ntu 2021-2030

53 heir nênhs tsơưs hâur VN muôx 14 tsov ntâu lênhx nênhs, zuôr xar 3 tsov chuôz zis, nhoz uô nênhx uô cê ntơưv 51 tỉnh, TP, 548 huyện, 5.266 taz viv hành chính cấp xã, hâur co muôx 382 xã ntus đriv, phênhv ntâu nhoz thax tsav Tây Bắc, Tây Nguyên, Tây Nam Bộ thiêz Tây Duyên hải faz Trung, tsav ¾ qơư nhoz hâur tas nro têz qơưk. Nhiv no thax tsav tsôngv box heir nênhs thiêz tox siêz cux zos qơư txov nhêv đuô hur si, tsơưr lươngv pênhr jos tsơưs, kinh tế-XH tsi yuô huôv tsar, têx chuôz zis pluôs ntâu….

Qir tiv chênhr uô muôx têx li heik no zos viv thax tsav tsôngv box heir nênhs tsơưs thiêz tox siêz phênhv ntâu zos tox trôngz hâur pêk nxaz, ntus đriv, phiv liv muk lol, têx côngz trênhx uz no tsi huôv tsar, ntux txơưr txar ntâu; nhiêx txiêx tsiv uô, thâux xa têx huv tas ntâu…viv li lok six lax chiê hu zâuv têx pênhr jos XH yưv pênhr huôv tsar kinh tế-XH.

Luôs hâux lưv cxiv têz qơưk tsaz yênhx huôv tsar kinh tế-XH thax tsav tsôngv box heir nênhs tsơưs thiêz tox siêz ntu 2021-2030 zos tsưr ziv zov chênhr, quyết tinhv uô tâu jông têx hâux lưv tưz tâu Côx hôiv cir ntơưr thôngz đhâu ntơưv Nghị quyết sôr 88/2019/QH14 hnuz 18/11/2019. Iz chas ntơư tsaz yênhx zuôr sir jos paz chiê uô tâu têx muôx jông, khưx phưx têx uô tsi tâu tsi tiêr hâur côngz xưv mênhx cxưx thiêz uô lơưr tsênhv chei mênhx cxưx nhiv no. Kuz Chủ tịch Côx hôiv Nguyễn Thị Kim Ngân khav tinhv:

“Hâux lưv tso tơưv Nghị quyết lok tsênhv njiêz zov chênhr no zos quyết tinhv huv chei, trơưk li Đảng tsưr ziv xar, Hiến pháp; tror uô trơưk Lâul Hôx luk kriê trâu côngz xưv mênhx cxưx, lar heik zos têx heir nênhs tsơưs nhoz tox siêz đêz đrôngs, ntus đriv, thax tsav qơư tir ntâuk trol châuz thâuv ntêx, chiê cxuô lênhx sđ lênhx tưs cux muôx mor nox, tsôngk tril yo hnar, tâu muk cơưv ntâuz cơưv ntơưr cxix cxuô, jux juk muôx tsưr ziv, txux chi đros luôs lưv tus siz tưr huôv tsar uô nox, tox siêz lơưr chuôs tiêx đras, tsôngv box ziv hnuz ziv muôx luz nênhx tsâu sor, vav mênhx”.

Ủy ban mênhx cxưx zos cơ quan tâu Chính phủ choz uô hâux lưv thường trực, thiêz zơưv Hầu A Lềnh-Ủy viên T.Ư Đảng, Bộ trưởng, seiz car Ủy ban mênhx cxưx tưz tâu Thủ tướng Chính phủ Phạm Minh Chính choz hâux lưv zos Phưv Tsar ban Thường trực Ban chox kriê T.Ư têz qơưk tsaz yênhx huôv tsar kinh tế XH thax tsav tsôngv box heir nênhs tsơưs thiêz tox siêz ntu 2021-2030. Bộ trưởng, seiz car Ủy ban Mênhx cxưx Hầu A Lềnh heik pâuz:

“Nhiv no Ủy ban Mênhx cxưx tsênhv hux jos đros cxuô Bộ, ban, ngênhx, cơ quan cik txos chiê cxiv tsa cxix luôs têx ntâuz ntơưr, tsênhv chei chiê muôz trâu Thủ tướng Chính phủ cir hâur ntu txix nhiv no txos hli 9 shông 2021, sir jos cov hâur shông 2021 zuôr tsuv uô tiêr têx ntâuz ntơưr, tsênhv chei co thiêz têx ntơưr  fuô kriê chiê muôx cêr thôngx ziv, txix T.Ư txos ntơưv qơư, fuô uô tsaz yênhx no cov tâu jông trơưk tsưr ziv”.

          Têx lênhx nênhs cxiv kho paz max trơưk tsaz yênhx no zos: Xã, jêx jok thax tsav tsôngv box heir nênhs tsơưs thiêz tox siêz; chuôz zis, lênhx nênhs zos heir nênhs tsơưs;  chuôz zis, têx lênhx nênhs Choz Tsiz zos chuôz zis pluôs, zuôr xar pluôs uô nênhx nhoz hâur xã, jok txov nhêv; Doanh nghiệp, HTX, têx tsưr tsix kinh tế, XH uô hâux lưv nhoz hâur thax tsav lok six txov nhêv.

Tsưr ziv zos truz cxuô lênhx sđ, cxuô heir nênhs, cxuô thax tsav qơư tox siêz thiêz tiêx đras lok siz jê jux juk, txos shông 2025 txo grêk 50% chor xã, jok txov nhêv; txos shông 2030 phênhv ntâu tsi yuôr xã, jêx jok txov nhêv.

Six hơưv uô tsaz yênhx zos 10 shông (2021-2030), pheiz uô 2 ntuk: Ntu 2021-2025 thiêz ntu 2025-2030. Xav hur si têx pênhr uô ntu 2021-2025 tsơưs tsơưs zos zuôr xar 137.665 tyv đeiv. Hâur co nhiêx txiêx T.Ư tsơưs tsơưs zos 104.954 tyv đeiv ntâu, pênhr huôv tsar tsơưs tsơưs zos 50.629 tyv đeiv ntâu. Xav hur si têx pênhr uô ntu 2025-2030 njuôk xav tas zuôr xar 134.271 tyv đeiv./.

(VOV4-Riê Lâux cxeik, nhênhv)