Quyết tinhv 124 paz max ar uô nox, tsêr nhoz thiêz têx zoz qơưx zuôr trâul txos lok phưx vưv huôv tsar uô nox thiêz

luz nênhx trâu tsôngv box pluôs

Hâur têx sông đhâu, iz cxiê lênhx tsôngv px thax tsav tsôngv box heir nênhs tsơưs muôx tsi txâuk ar uô nox, muôx têx tsi muôx ar liêx têz uô nox, tsi muôx tsêr nhoz, viv ntâu qir tiv nhiêk txơưr nhiêk tsi sik thôngx. Zơưv Hà Ngọc Chiến-Chủ tịch Hôiv đôngx mênhx cxưx, Côx hôiv heik pâuz:

“Pêz tsênhv yuôr txos 58.123 chuôz zis tsi muôx ar nhoz, 330.578 chuôz zis muôx tsi txâuk ar uô nox, 96.256 chuôz zis xar kêr txeik têx pênhr chiê huôv tsar uô nox uô hnar, 313.219 chuôz zis muôx tsi txâuk đêx xênhz huôx”.

Chiê paz max, txo grêk tsơưs têx cêr txov, phiv liv trâu tsôngv px, Đảng, pêz têz qơưk tưz muôx tsênhv chei paz max ar uô nox, ar nhoz trâu tsôngv box. Têx zov chênhr hâur đơưk uô têx li heik no zos hnuz 20/7/2004, Thủ tướng Chính phủ tso tơưv Quyết tinhv sôr 134, đros thiêz tsênhv njiêz zov chênhr zos paz max ar uô nox, ar nhoz thiêz đêx xênhz huôx trâu chuôz zis tsôngv box heir nênhs tsơưs, muôx luz nênhx txov nhêv. Viv Quyết tinhv no têx uô huv chei thiêz zuôr trâul txos zênhx max, cxuô thax tsav qơư tưz sei đrơưv chox kriê cxuô ngênhx, cxuô cấp zênhx max uô têx hâux lưv co. Cxuô thax tsav li: Thanh Hóa, Cao Bằng, Lạng Sơn, Phú Thọ..... uô tâu jông thiêz taz por ar uô nox, ar nhoz trơưk li cui tinhv, tsưr ziv lok sâuv khor truôx, jông.

Taz por ar nhoz, ar uô nox trâu tsôngv box heir nênhs tsơưs tsi tiêk zos luôs hâux lưv uô tâu sei hâur 1, 2 hnuz, mak tsuv khov lok yênhx thax tsav li pênhr xưv, têx muôx hâur qơư nhoz. Iz chas ntơư, tsuv phênhz tâu lênhx nênhs, nhiêx txiêx...uô têx li heik co. Thiêz tsuv yax kriê, heik tsôngv box heir nênhs tsơưs hlôngr yiêz tsưr ziv, siêz xar, đros têz qơưk fuô kriê thiêz uô Quyết tinhv no cov tâu jông. Trơưk li Tiến sĩ Hà Việt Quân, Vụ tsar Vụ hux jos ntiêx têz, Ủy ban Mênhx cxưx heik:

 “Pêz tsênhv heik zuôr paz max ndê txos 100 tsov đeiv trâu iz chuôz zis muôx tsi txâuk ar liêx têz uô nox, txix 50% tror zar sâuv, hâur co têz qơưk zuôr paz nhos 22 tsov đeiv ntâu, yuôr đuô li zuôr tâu kêr txeik txix têx nhiêx txiêx tsênhv chei, six hơưv, hnuz nhôngs ntêr txos 10 shông, thiêz nhiêx nju tsuôk bâuv iz đraz têx nhiêx nju tso têx chuôz zis pluôs kêr txeik”.

Txơưv tsênhv yuôr têx phiv liv, taz sik tsênhv chei paz max ar uô nox, ar nhoz, tsêr nhoz thiêz đêx xênhz huôx trâu têx chuôz zis tsôngv box heir nênhs tsơưs pluôs,  muôx luz nênhx txov nhêv lơưr Thủ tướng Chính phủ Quyết tinhv 134 tưz zênhx max tâu uô hâur luz nênhx, paz uô hlôngr yiêz têx jêx jok thax tsav tsôngv box heir nênhs tsơưs. Trơưk li ntâu lênhx nênhs nhênhz chơưv ntâuk grê, no zos iz tsênhv chei huv đros px, uô tâu jông thiêz muôx liv trâu tsôngv box heir nênhs tsơưs hâur cxuz cêr yeiz pluôs, paz tsưx phưv truôx tuk XH, muôz cêr sik thôngx siêz, siz paz trâu thax tsav tsôngv box cxuô heir nênhs tsơưs. Zơưv Vũ Hồng Thanh, seiz car Côx hôiv Ủy ban Kinh tế khav tinhv li no:

“Co zos têx sir jos chiê muôz hâu cêr, tsưr ziv trâu tsôngv px huôv tsar uô nox uô hnar, thiêx zuôr txo grêk tâu yeiz pluôs truôx. Hâur six hơưv zuôr txos, tsuv lok six moz siêz têx chei li heik sâuv txos shông 2025, cov muôx  ar nhoz, ar uô nox, đêx xênhz huôx trâu tsôngv px”./.

(Thu Hòa VOV4-Riê Lâux cxeik, nhênhv)