Heir nênhs tsơưs vax huôv đros sêiz car têz qơưs

Uô trơưk vax huôv ntơưv grê 28 chêi Hiến pháp, uô ntêx zos vax huôv đros seiz lax lok cxuô luôs hâux lưv uô hâur têz qơưk thiêz ntơưv cxuô tsênhv qơư, vax huôv heik trâu cơ quan têz qơưs. Txix ntơư, tsôngv px tâu vax huôv hêik cxaz nzir zuk tsưr ziv, siêz xar trâu hâur ntu tso tơưv quyết tênhv, têx hâux lưv lês car uô têz qơưk hâux lưv chiê cxiv tsa iz XH huôv tsar, côngz fênhx, truôx tuk chính trị, huôv tsar kinh tế-XH, hâur co tsôngv px têx vax huôv tâu por hưv truôx.

Taz por tsôngv px luôs hâux lưv đros seiz car têz qơưs tưz tâu sâu hâur ntâuz ntơưr chêi Hiến pháp, chei têz qơưs: Chei bâux xeir Côx hôiv thiêz Hội đôngx, chei tsưr tsix Côx hôiv, chei tsưr tsix Chính phủ, chei tsưr tsix Hội đôngx thiêz Ủy ban, chei pênhr cov, chei phax tar tsik uô tuôr xuôv têz qơưs têx nhiêx.

Hâur co cui tinhv tsênhz têx chei, tsưr ziv, hâux lưv đros trâu têz qơưs têx hâux lưv uô heik sâuv iz zav li chor đại biểu, têx cơ quan lês uô têz qơưs têx hâux lưv tsuv lênhk txeik thiêz đơưk tu tsôngv px têx lul heik, thix ziv; sâu jênhv px li ziv chênhv gôngr trâu têx chei têz qơưs tâu tso tơưv, chor tsaz yênhx, tsưr ziv huôv tsar kinh tế-XH.

VN zos têz qơưk muôx ntâu heir nênhs. Choz Tsiz ntâu đuô hur si, lơưr uô nênhx nhoz trâu têx thax tsav qơư kis thiêz jê ntus đêx hiêr. Đuô li 53 heir nênhs zos heir nênhs tsơưs uô nênhx nhoz cxuô nro trâu thax tsav tox siêz, ntus đriv, poz hiêr. Txơưv tiêk tox trôngz hâur pêk nxaz, tsi zôngx ziv muk lol, luz nênhx tsênhv yuôr ntâu txov nhêv, txux chi tsưr ziv jênhv pâuz tsik siz txis, taz sik cxuô heir nênhs tsơưs nhoz pêz têz qơưs lok six zov chênhr trâu huôv tsar kinh tế XH, uô muôx ntâu zav txux chi cêr nênhx vênhx huôv jông txơưr tsik siz thôngx cux li tuôr truôx txiv ngaz, chính trị, Côx phax, tsưx phưv truôx ntus đriv, poz hiêr.

Tsôngv px đros uô hâur ntu cxiv tsa têx tsênhv chei: Txix têx tsưr ziv xar tơưv xuz thơưx, txos trâu fuô uô, cxiv sâu, quyết tinhv thiêz uô trơưk têx chei co.

Tsôngv px đros uô hâur ntu cxiv tsa têx chei têz qơưs, tsênhv chei, hâux lưv seiz car têz qơưs tưz tâu cui tinhv cxix cxuô. Tsôngv px muôx tâu chêi hêik zuk tsưr ziv, siêz xar trâu têx cơ quan lês uô  têz qơưs hâux lưv chiê cxiv sâu têx chei têz qơưs cux li quyết tênhv thiêz uô trơưk têx chei co.

Đros trâu taz por px vax huôv tâu đros uô têx hâux lưv seiz car têz qơưs, Đảng thiêz têz qơưs thâuv tưs cux moz siêz txos, yưv pênhr cxiv tsa, kriê cxaz nzir txux chi tsưr ziv uô hâux lưv trâu têx lênhx nênhs txơưx njê, muôx txux chi siêz, lar heik zos chor canr bôv heir nênhs tsơưs chiê đros uô têx hâux lưv têz qơưs, paz cxơưz cxiz huôv tsar kinh tế XH, tuôr truôx txiv ngaz chính trị, truôx tuk XH têz qơưk heik cxuô, thax tsav tox siêz đêz đrôngs, ntus đriv, poz hiêr heik taz.

Iz zav li Yên Bái, đros trâu tsưr ziv khưx phưx muôx tsi txâuk canr bôv, bax ntâu lênhx canr bôv chiê txâuk trâu xeir zuôr têx lênhx nênhs txơưx njê, muôx txux chi tsưr ziv jông, tâu sđ nhiêv txos, njênhs njôngr, tsiv nhos lok lês uô têx hâux lưv têz qơưs, viv tsôngv px luz nênhx hâur ntu têz qơưs hlôngr yiêz, shông 2018, Tỉnh ủy Yên Bái tror tso tơưv luôs hâux lưv sôr 11 “cxiv tsa thiêz kriê tsưr ziv, txux chi uô hâux lưv trâu chor hluôk nênhs, canr bôv pox niêv, canr bôv heir nênhs tsơưs nhoz Ban Thường vụ Tỉnh Ủy seiz car txos shông 2030, uô ndar txos shông 2035”. No zos têx luôs hâux lưv jông uô hâur iz ntu ntêr, tâu seiz zos tỉnh hâux lưv zov chênhr lok côngz xưv canr bôv hâur têx shông zuôr txos.

Luôs hâux lưv uô sôr 11 tso tơưv zos txix shông 2020 txos shông 2025, Yên Bái sir jos uô cov chor canr bôv hluôk lês uô têx hâux lưv lox nhoz Ban Thường vụ Tỉnh ủy seiz car tax txix 10-15%; chor canr bôv pox niêv muôx txix 20-25%; chor canr bôv heir nênhs tsơưs muôx txix 20-25%. Hâur ntu 5 shông txuôk lơưr co, têx li heik no tâu sir jos cov tsar ndê nzir txix 5-10%.... Zơưv Hoàng Mạnh Hà, Phưv tsar ban, Ban tsưr tsix Tỉnh Yên Bái heik pâuz: “Hâur têx shông txuôk lơưr, Tỉnh ủy Yên Bái zuôr tror kriê cxaz têx tsưr ziv uô hâux lưv trâu chor hluôk đros uô têx luôs hâux lưv hêik ntơư, cê lok sâuv txux chi tsưr ziv, cê buôk ti uô têx nuv tsênhv tsênhz chiê têx hluôk tsi so muk trâu hâur  huyện, hâur xã....cơưv shâuv cov pâuz tâu, pov tsênhz têx luôs hâux lưv ntơư zuôr chox car, đơưk thiêz lês uô li chas. Têx lênhx tsi tâu muôx txâuk txux chi tsưr ziv uô hâux lưv mak tso muk cơưv têx txux chi co chiê gra siêz tsưr ziv uô hâux lưv, huv đros trâu ntu hlôngr yiêz nhiv no”.

Li ntơư, px vax huôv đros seiz car têz qơưs thiêz XH tưz tâu pêz têz qơưs sâu jênhv trâu hâur chei têz qơưs thiêz uô tâu truôx jông hâur tsênhv tsênhz, đhâu ntơư phuôx huiz jênh tsuv XHCN, taz por lênhx nênhs li vax huôv thiêz hu zâuv cxuô lênhx px muôx txâuk txux chi tsưr ziv, pênhr xưv đros uô, hâur co muôx cxuô heir nênhs tsơưs cxiv tsa thiêz huôv tsar têz qơưs./.

(VOV4-Riê Lâux cxeik, nhênhv)