Phênhv thưr  7: 21/11/2015

Têx lok luk kruôz kriê muôx suôz muôx luk

Zơưv Hoàng Trần Ngịch, lênhx nênhs nhênhz chơưv vênhx huôv nhiv no uô nênhx nhoz Sơn La. Tsês tas siv nênhx nhênhz chơưv vênhx huôv Thái, zơưv tưz sâu tâu tsês mênhx cxưx Thái li yênhx châuv jax luk kruôz kriê. Nhoz trâu kror tưs, saz tưs hâur luz nênhx, mênhx cxưx Thái cux zuôr muôz pir hêik tâu uô têx suôz pax huôv, suôz luk hêik muôx tsiv gri. Tsik zos li xưz, hêik lok gâux đrâus li cêr siz hluz, tsuôk oz pêz lo xưz cux uô trâu sơưr đơưk xar tsik tas.

Hêik mênhx cxưx Thái muôx têx suôz luk jông mak cux zos. Lơưr siêz xar ntu nênhx muôx 10 shông, xưk li iz lênhx nênhs muôx 100 shông, iz shông hnuz nhôngs mak muôx iz zav hêik. Zơưv Vi Trọng Liên, nhoz Sơn La, iz lênhx nênhs pâuz tsênhz lok mênhx cxưx li cêr sik thav hâur luz nênhx puz pâuz: txix muk lok, nox nhoz, hêik luk, tuz nxêik, lâul hluôk, mênhx cxưx Thái puôr lênhx uô lơưr cêr chêi. Hâur coangz siv cxuô, mênhx cxưx Thái nhoz yênhxx têx luz jêx jok, yênhx chuôz xênhv nênhs, cưr tix nênhx tsa nhoz siz jê sik côngv siêz sik paz

(Hoài Thu-Lik Thox cxêik nhênhv)