Lào Cai krêz tsưr ziv hla đhâu cêr pluôs trâu nôngx mênhx cxôngx txeik pênhr nhiêx têz qơưs

          Hâur oz pêz shông đhâu lok no, cxôngx Zênhx hangx tsênhv chei xã hôiv li phênhv pênhr puz txeik tsov cưv zos 30 tsov đeiv, zơưv Hoàng Ngọc Viễn, nhoz jos Khe Phịa, xã Lương Sơn, huyện Bảo yên, tỉnh Lào Cai tưz truôx siêz yưv pênhr zuôr tưv lol nus, nhiêx liv sâu lol tâu siêz đuô lok six ntâu pir đros hâux lưv chos poz cưk, chos blêx. Nhiv kruôr đhâu, zơưv ho tâu zênhx hangx tror paz txưv puz txeik pênhr cxôngx tsaz yênhx huôv tsar uô xênhz yar chiê chos cxaz 2 hecta ciêv fix thiêz ntông nox txir. Zơưv Viễn puz pâuz:

          “ Muôs tâu 2,3 tul mak cur cux thêv tâu phênhv nux grê, zuôr tâu ntâu zav trâu chuôz zis. Nhiv kruôr đhâu cur muôx tsưr ziv txeik cxaz chiê huôv tsar kinh têr chos jôngr”.

          Cux xưk li zơưv Viễn, yênhx puôk ziv chuôz zis pluôs, zuôr xar pluôs nhoz Lương Sơn thiêz têx xã nhoz buôk co cux tâu txeik pênhr tsov cưv chinhr sách. Phênhv puz txeik siêz tiv zix zos 50 tsov đeiv, tsi ntâu pir đros lênhx nênhs bluô nux, taz sik đros nênhs pluôs mak zos iz phênhv yưv pênhr lok six lox. Zơưv Hoàng Văn Vạn, jos 2, xã Long Khánh, huyện Bảo Yên heik:

          “ Đros ntâu chuôz zis li pêz mak 50 tsov đeiv zos lok six muôx ziz njiêz. Zuôr tưv, yik tu zus thiêz muôs chiê thêv nux grê trâu zênhx hangx. Muôx phênhv sâu chiê cxơưx trâu mê nhuôs”.

          Xav txos tas quý 2 shông 2018, ntơưv Bảo Yên tưz muôx 1.100 ntâu jiês chuôz zis tâu txeik pênhr cxôngx Zênhx hangx tsênhv chei xã hội huyện. Lơưr ntâus grê, têx lênhx nênhs txeik puôr lênhx zos têx chuôz zis txov nhêv, zuôr trâus pênhr chiê huôv tsar cêr uô nox uô hâuk. Đhâu côngz xưv heik kriê, pênhr chính sách tưz tsênhz tsênhz tâu nênhs pluôs txeik, sir zôngv trơưk tsưr ziv, phuôx huiz chêx cuk tsênhv tsênhz. Pos Nguyễn Thị Thương Thương, Phưv giám đốc Phongx giao dịch Zênhx hangx tsênhv chei xã hội huyện Bảo Yên puz pâuz:

          “ Hâux lưv puz txeik pênhr đhâu Zênhx hangx tsênhv chei xã hội tâu uô tsênhz mênhx đhâu Tuêv cxênhx txuôk pênhr tâu tsưr tsix Hội thiêz tsar jos seiz car. Thâuv txeik pênhr mak hâur 30 hnuz têx tsưr tsix Hội cấp xã zuôr seiz car chuôz zis txeik pênhr seiz pok sir zôngv trơưk tsưr ziv lok sik tsi trơưk”.

          Cxôngx têx li ntơư tso pov, pênhr puz txeik tsov cưv nhoz Bảo Yên tưz thiêz tsênhv paz ntâu ziv chuôz zis nôngx mênhx pluôs ntơưv no muôx cxaz đas jos huôv tsar cêr uô nox uô hâuk, sir jos hla đhâu cêr yeiz pluôs truôx vênhs./.

                                            An Kiên- Txâur Vax cxeik nhênhv

Zơưv Trịnh Văn Y, zos nênhs paz kho thiêz uô đuô têx qox trâus puôk tsuôx nhoz têx jêx jok

Hâur zuôr xar 20 shông đhâu, zơưv Trịnh Văn Y (Lok zos hu Hai Y) thiêz chor nênhs sik côngv đros tưz cxiv uô 2.000 ntâu tuk qox, 500 cêik cêr muk lok hâur thax tsav thiêz oz chas tỉnh, tsiv gri xar muôx 500 tiv đêiv. Tsênhz mênhx, zơưv muk txos kror tưs mak têx qox trâus puôk tsuôx tưz tâu cxiv kho đuô, paz muôx cêr shir phaz thiêz hlôngr yiêz trâu cxuô jêx jok. Hêik txos nriêr nhiêx txiêx cxiv uô cêr muk lok hâur jêx jok, zơưv Trịnh Văn Y hêik:

“Tsaz yênhx no, zuk sik côngv đros xar, jêx jok chiê hêik pêx xênhv sik côngv đros uô, xưk li tsaz yênhx “têz qơưk thiêz pêx xênhv sik đros uô”. Pêx xênhv côngv paz zos kror chênhr, đhâu co zuk uô ntâuz ntơưr, njuôk xav thiêz muk hêik chor nênhs siêz jông paz. Cur lok six shir phaz tiêk muk txos tưs luôs cux jông siêz paz hur si. Muôx ntâu Tổng công ty, tập đoàn kinh tế luôs paz nhiêx tiv, Ban siêz jông hâur têx tsêr mnov cux sir jos paz lok thiêz”.

Thâuv têx tuk qox trâus puôk tsuôx, tưz tâu hlôngr txix têx qox bê tông tâu uô truôx mak zơưv Hai Y muôx tsưr ziv kho đuô têx qox kuz tưz tsik jông, puôk tsuôx tas. Iz shông, zơưv muk xar muôx 100 jiês trâu têx jêx jos chiê nriêr pâuz, sêiz shuôk cêr muk lok, tiv zix zos têx xar nhoz thax tsav tox siêz đêz đrongl. Zơưv Trịnh Văn Y li têx hâux lưv uô co muôx lok six ntâu tsiv gri thiêz tâu tsôngv px sơưr đơưk njênhs njôngr. Zơưv Trần Quang Khải, phưv chủ tịch xar Phước Mỹ Trung, huyện Mỏ Cày Bắc, tỉnh Bến Tre puz pâuz, khov muôx zơưv Hai Y li sir jos paz têx jêx jos cxiv kho thiêz uô đuô yiêz têx qox trâus puôk tsuôx, cxiv kho cêr muk lok trâu px:

“Nhoz thax tsav xar tsik yuôr têx qox đaz tuôs tsik jông lơưv, tưz tâu hlôngr uô qox bê tông tas lơưv. Tiv phaz cux tâu zơưv Hai Y paz chiê uô tuk qox txuôk xar no muk trâu xar Thanh An taz por cêr muk lok tâu thôngz. Txơưv zơưv tưz so lâul lơưv, taz sik txos nhiv no zơưv cux lok six sir jos, paz uô lok six ntâu qox thiêz cêr muk lok. Pêx xênhv nhoz no mak thav txos zơưv tsik so xưz”.

Iz chas cxiv uô qox, têx cêr ntơưv tỉnh Bến Tre, zơưv tsênhv paz trâu chor tỉnh iz ndis cxiv uô muôx 200 ntâu côngz trinhx muôx tsiv gri…18 shông uô Chủ tịch Hôiv khoa học-Kỹ thuật qox cêr tỉnh Bến Tre, ntâu shông siz lơưr liês, zơưv tưz paz trâu phongz yaox hôiv sơưr thơưx hâur thôngz têz qơưk. Zơưv tsik so sưv jê đros pêx xênhv thiêz uô tâu truôx cxuô luôs hâux lưv tso tơưv. Kror tưs muôx liv trâu pêx xênhv, trâu têz qơưk mak zơưv sir jos uô, txơưv muôx ntâu kror phiv liv. Hâux lưv muk hêik sơưr đơưk paz nhiêx txiêx chiê cxiv uô qox, cêr muk lok, zos tsik sir jos, truôx siêz xưk zơưv Trịnh Văn Y mak zuôr uô tsik tâu tiêr têx luôs hâux lưv hêik ntơư.

“Shông tưs tsơưs tiv zix cux muôx nhos 100 jiês muk trâu têx xar, thiêz hêik chor nênhs kỹ thuật uô ntâuz ntơưr, njuôk xav. Txos thâuv kriz uô, uô tiêr cur cux muôx njêx muôs hur si. Kror no mak tâu uô tsik so, txix co paz trâu chor nênhs paz nhiêx txiêx lok six njênhs, nhiêv zuk. Nhiv no mak zuk hnuz nhôngs ziv hnuz ziv siêz. Zuk xar mak cux zuôr sir jos paz txos thâuv tưs uô tsik tâu lơưv mav chiê li”.

Ntơưv ntênhk chiv nhênhv 70 shông hnuz hloz Hôx muôx luk hu sơưr đơưk sik tưr nhiêv têz qơưk tsưr tsix trâu ntơưv Hà Nội nhiv kruôr đhâu, zơưv Hai Y tror tâu xêir zos iz lênhx uô tâu truôx cxuô luôs hâux lưv tso tơưv. Hâur 76 shông huôv tsar cêr uô nênhx, 50 shông nhoz Đảng, zơưv Trịnh Văn Y cux tsênhv sir jos uô luôs hâux lưv cxiv kho đuô têx cêr, qox muk lok hâur thax tsav tỉnh, paz uô trâu thax tsav qơư nhoz no zos thax tsav tsik yuôr têx qox thiêz cêr đaz tuôs. Zơưv zos iz lênhx nênhs uô tâu ntâu hâux lưv jông, paz cxươz cxiz luôs hâux lưv cxiv tsa jêx jok yiêz ntơưv Đồng Khởi-Bến Tre, zơưv cux chênhr zos iz lênhx nênhs chiê sơưr đơưk cơưv shâuv uô trơưk./.

                                             (TTĐBSCL-Lik Thox cxêik nhênhv)