Paz max tsôngv box thax tsav txov nhêv truôx tuk luz nênhx uô ntêx cheix nas chuô

Dưv anr qơư nhoz yiêz jok Suối Thịnh, huyện Phù Yên, Sơn La jok tox siêz txov nhêv phênhz thiêz tso 20 chuôz zis hâur thax tsav trâus đêx nas, tox xưz poz uô ruôr hiêv lok nhoz. Đros thiêz xav hur si pênhr yưv uô tas 7 tyv đeiv, muôx têx côngz trênhx li: Khơưz kuô tsêr, uô cêr muk lol, chaz xor tênhv, đêx xênhz huôx; iz chuôz zis zuôr tâu iz luz kruô tsêr đar muôx 260 xưv phaz.....Fuô uô txix kaz shông 2022, txos nhiv no dưv anr têx côngz trênhx heik sâuv phênhv ntâu tưz uô tiêr, taz sik, cux tsi tâu muôx chuôz zis tưs yêik txar lok nhoz. Zơưv Khư Xênhv Muôk, nhoz jok Suối Thịnh, xã Suối Bau, huyện Phù Yên, tỉnh Sơn La heik:“Pêz tưz xeir kuô tsêr lơưv, taz sik cux tsi tâu paz nhiêx chiê yêik txar thiêz uô vax tsêr, zos tsi paz max mak shông no yêik txar tsi tâu.... Tsuv muôx nhos 40-50 tsov đeiv thiêx yêik txar thiêz cxiv uô tâu vax tsêr nhoz”.

Trơưk li pêx xênhv heik, txơưv lok six xar yêik txar lok nhoz qơư yiêz nzor, taz sik viv tsênhv txov nhêv hênhr, pêx xênhv tsi muôx nhiêx txiêx, cux tsênhv tok têz qơưk paz. Zơưv Nênhz Xênhv Muôk, Bí thư Chi bộ, Tsar jok Suối Thịnh, xã Suối Bau, huyện Phù Yên, tỉnh Sơn La heik pâuz:“Pêz tsôngv pêx xênhv tsưr ziv xar, lơưr heik đhâu hâur têx jiês cơưv zos tsuv muôx nhiêx thiêx yêik txar tâu. Cux muôx têx vênhv tôngv pêx xênhv chiv chir yêik txar qơư nhoz, taz sik zuôr ntêr, uô tsi yuô tâu trơưk tsưr ziv”.

Tâu pâuz, co zos iz hâur 5 dưv anr yêik txar qơư nhoz chiê truôx tuk luz nênhx trâu têx lênhx pêx xênhv trâus đêx nas, tox xưz poz uô ruôr hiêv mak huyện Phù Yên, Sơn La tsênhv fuô uô. Taz sik, cux seiz yênhx dưv anr, têx pênhr, nhiêx txiêx paz yêik txar tâu fuô uô txơưr tsi siz thôngx. Iz zav li dưv anr qơư nhoz yiêz Suối Thịnh, tâu muôz têz qơưk tsaz yênhx huôv tsar kinh tế xã hội thax tsav tsôngv box heir nênhs tsơưs thiêz tox siêz pênhr uô mak tsi muôx tsênhv chei paz max pêx xênhv yêik txar qơư nhoz. Zơưv Đinh Văn Lượng, Phưv Giám đốc ban seiz car dưv anr yưv pênhr uô thiêz cxiv tsa huyện Phù Yên, Sơn La heik li no:“03 qơư yiêz tsênhv yêik txar sơưr đơưk lol nhoz, yuôr Suối Thịnh cux tưz uô tiêr têx côngz trênhx, taz sik chor chuôz zis tsi tâu tâu yêk txar lok nhoz. Viv hâur quyết định cir heik pâuz kinh tế kỹ thuật dưv anr tsi muôx paz max yêik txar, tsôngv pêx xênhv sơưr đơưk chiv chir ruôr tsêr, njêik yêv têx đra thiêz cxiv uô tsêr nhoz xưz. Txos nhiv no txơưv tưz yax kriê, taz sik têx chuôz zis tsi tâu yêik txar, viv pêx xênhv tsi muôx nhiêx yêik lol nhoz qơư yiêz”.

Tsênhv tsênhz no tso pov, iz chas yưv pênhr uô têx côngz trênhx, lok six zuôr trâus tâu moz siêz, paz mê njik nhiêx txiêx chiê tsôngv pêx xênhv nzor truôx tuk luz nênhx nhoz qơư yiêz, lar heik zos thax tsav tox siêz đêz đrôngs, têx chuôz zis zuôr trâus tâu yêik txar, ho zos chuôz zis pluôs, chuôz zis txov nhêv ntơư.... Chiê đơưk têx phiv liv li heik co, ntơưv qơư tưz muôx ntâuz ntơưr xa trâu Ủy ban tỉnh thiêz hu lơưk xã hội sik đros paz uô luôs hâux lưv no. Zơưv Đặng Quang Hưng, Chủ tịch Ủy ban huyện Phù Yên, tỉnh Sơn La heik pâuz:“Hâur ntu zuôr txos, huyện Phù Yên zuôr fuô uô têx hâux lưv vênhv tôngv, yax kriê, têx chuôz zis tsi muôx nhiêx txiêx yêik txar mak tưz muôx ntơưr xa trâu cxuô cấp, cxuô ngênhx qênhz shuôs, muôx tsưr ziv paz li chas cov huv đros; iz chas ntơư, tror vênhv tôngv, sir jos paz mê njik iz phênhv tưs trâu chor chuôz zis pêx xênhv yêik txar qơư nhoz thâuv têz qơưk tsi muôx chei paz co”./.

                                                                                                              Lê Hạnh-Riê Lâux cxeik, nhênhv 

Zơưv Trịnh Xuân Trường: Lào Cai- Yên Bái xar uô tâu trơưk li siêz xar tsuv sir jos uô

          Zơưv Trịnh Xuân Trường, txix têx chủ trương, tsưr ziv zov chênhr txix Trung ương, têx jông trâu Lào Cai-Yên Bái thâuv sik côngv zos lok six lox. Viv 2 tỉnh muôx ntâu kror siz thôngx, siêz xar tơưv jông, sir jos hla đhâu phêv liv viv têx yênhx tix huôv tsar hnuz no.

Taz sik cux tsuv tsov cưv, Lào Cai- Yên Bái tsênhv zos tỉnh pluôk. Kinh têr 2 tỉnh nhiv kruôr muôx nhos 130 cxênhz tỷ, pir đros thax tsav tsuôk bâuv 1/3 tỉnh Phú Thọ (yiêz). Li Lào Cai li chuôz tsar kinh têr têx shôngk jê ntơưv no tsi muôx ntâu hlôngr yiêz. Chỉ số HDI lok huôv tsar lênhx nênhs kis pir đros tas nro têz qơưk. Khoa học công nghệ huôv tsar, hlôngr yiêz siêz xar tơưv hâur ntu 4.0. Têx jênhv vưv muôx lênhx coaz txos đối ngoại, taz por txiv ngaz ntus đriv, vênhv thix mênhx cxưx tsênhv zuôr trâus tâu tsov cưv xuz thơưx:“Taz sik pêz xar tiêk têx muôx jông mak muôx ntâu, têx tsi tâu uô tâu yuôr tsi ntâu. Pêz cux truôx siêz chiê uô tâu trơưk li siêz xar njôngr. Thâuv pêz muôx siêz sir jos uô, pêz sik đros côngv iz siêz uô txix đas jos txos siêz xar tơưv mak tỉnh zuôr muôx têx hlôngr yiêz jông đuô lok six ntâu”.

          Đros thiêz jênhv vưv uô tiêr Đề án sik côngv, Bí thư tỉnh ủy, Chủ tịch UB tỉnh Lào Cai Trịnh Xuân Trường thix ziv têx nganhx, tiv phaz 2 tỉnh tror sik côngv jông, ciêr chênhr uô lơưr zoz qơưx. Thôngx cxix tsov cưv, viv tiv phaz li têx muôx ntơưv qơư thiêz tsưr ziv huôv tsar tsi xưk iz zav viv li têx njiêz luv tsi tâu thôngx ziv tâu mak zos tsênhv tsênhz, tsi zos vênhv thix lox:“Coaz tsôngv tiv zix zos tov kaz no thâuv cxiv tsa Đề án, tỉnh yiêz huôx tôngv mak hâux lưv cxiv tsa tỉnh yiêz zos li chas? Txix nhiv no txos hnuz 30/6, Ban thường vụ 2 tỉnh uô li chas tsuv cxiv tsa tâu tsưr ziv, jênhv vưv trâu 5 shông zuôr txos. Tsuv muôx iz tsưr ziv choz trâu têx chiz coaz, choz trâu 2 đồng chí Phưv bí thư thường trực. Dự thảo Nghị quyết lok six coaz tsôngv, tsuv chox lok cấp xã chiê sik seiz lax viv 15/8 têx xã yiêz zuôr huôx tôngv thiêz uô tiêr Đại hội cấp cơ sở uô ntêx hnuz 31/8”.

          Zơưv Trịnh Xuân Trường cux heik mênhx 2 hâux lưv tỉnh Lào Cai- Yên Bái tsuv phuôx huiz chinhz yênhx sik côngv siêz, tiv zix zos sik côngv siêz hâur Đảng; tror chuôz tsar Đảng li lênhs tov; tsov cưv txos njuôs xav; kriê nzir, thox cxov lênhx nênhs txơưx njê hluôk; muôz siêz chinhz yênhx hlôngr yiêz, seiz đrơưv, xar tơưv, car xar, car uô; tas nro viv luôk hâux lưv cxuô, viv tsưr ziv lơưr kaz ciês zos tsôngv box tâu tsâu sor, shir phaz.

          Phuôx plov ntơưv jiês uô hâux lưv, zơưv Trần Huy Tuấn, Bí thư tỉnh ủy Yên Bái heik tơưv têx jông siêz đros Lào Cai li têx njuôs xav, chinhz yênhx xar tơưv, hla đhâu phêv liv. Thôngx cxix, thôngx ziv đros chinhz yênhx sik côngv siêz, sik côngv tês đros Lào Cai cxiv tsa iz tỉnh yiêz “tsi muôx tul tsi hlôngr yiêz đrâuv ziv hnuz ziv jông đuô”, txix co muôx tâu chor cán bộ, công chức, viên chức, nênhs lox tôngv li thôngx ziv cux xưk li tsôngv box thiêz doanh nghiệp li siêz njênhs njôngr txos:“Muôx lênhx coaz txos dự thảo Nghị quyết Đại hội Đảng bộ tỉnh (yiêz). Sir jos 2 saz tsuv thôngx ziv đề cương txix đề cương co thor Ban thường vụ li ziv chênhv. Pêz tưz muôx njuôs xav tỉnh 2 tỉnh lok six jông lơưv, co zos têx muôx tsiv grê, zos tsưr ziv paz pêz dự thảo nghị quyết, tsuv tsưr tsix cxaz iz cxiê jiês hội thảo chiê gôngr ziv chênhv uô tiêr”./.

                                                                                           An Kiên-Txâur Vax cxeik nhênhv