Đêx hur thiêz vêv xênhz tênhx qơư tox siêz

Têx moz lok sâuv kror muôs, tơưr grêix, moz qơư mok: Phênhv ntâu têx moz lok kror muôs, tơưr grêix thiêz moz qơư mok muôx têx cik tâu txix lênhx nênhs muôx moz trâu nênhs tsi muôx moz đhâu têx đêx. Chênhr viv li, chiê phax txar jav tâu têx moz li heik co tsuv muôx txâuk đêx hur zôngv hâur niêx hnuz, iz chas ntơư vêv xênhz hur si tuk khênhx, đa đêx lok sik tsâus têx tsôngk trik yo tsuv zôngv xaz phôngx thiêz đêx hur, sđ nhiêk muôx nhiêk iz txox fuôv nzuôr muôs, tsi zôngv uô cê thiêz tsi tâu hnar têx tsôngk trik yo đros tuk nênhs moz, tsi hnar têx trik yo tsênhv ntuz nông tsi tâu kruôr jông.

Luôs hâux lưv côngz txâuk đêx hur thiêz truôx tuk chiê trâu nox hâuk, xênhz huôx, uô têx jâuz mor, zav nox lok sik zôngv uô têx uz têx no lok six jông trâu đas jos côngv thôngx. Uô jông hâux lưv côngz đêx, vêv xênhz tênhx qơư thiêz seiz car têx hâur đêx, muôx têx cxơưz cxiz chuôz tsar kinh tế têz qơưk thiêz paz jông trâu cxuz cêr yeiz pluôs. Thâuv têx hâur đêx tâu por hưv jông thiêz muôx txâuk đêx hur zôngv, cxuô lênhx sđ tsi tas pôngz ntâu six hơưv thiêz côngz đas jos gra đêx. Têx li heik co cux paz sđ tâu truôx tuk đuô viv tsi tâu muk êv, muk thâux gra đêx đêz. Muôx đêx hur zôngv cux jông iz kro, zos tsi tas ntâu nhiêx txiêx trâu seiz njuôk shuôs têx moz gênhs, viv sđ tsi yuô muôx moz thiêz txo grêk tsơưs nhiêx txiêx seiz kho moz, iz chas ntơư sđ cux muôx đas jos jông đuô chiê huôv tsar uô nox uô hâuk. Lar heik đros thiêz têx nhuôv zâu zôngx ziv trâus têx moz txơưx siz cik đhâu đêx, tâu zôngv chor đêx hur zuôr paz têx nhuôs muôx đas jos jông đuô thiêz cux chênhr viv li heik co, mak têx nhuôs zuôr cơưv tâu txux chi jông đuô thiêz muôx luz nênhx chi cax đuô trâu zar tov kaz.

Hâur 5 shông đhâu, đros thiêz têz qơưk tsaz yênhx qơư tsov txos lok đêx hur thiêz Vêv xênhz tênhx qơư tox siêz, tsaz yênhx cxiv tsa jêx jok yiêz, têx tsưr tsix phi chính phủ li têx cêr paz max txos thiêz Ủy ban tỉnh tsưr ziv chox kriê; hâur hur si tsôngv box tox siêz muôx nhos 1.009.764 lênhx nênhs, têx lênhx tsôngv box tâu zôngv đêx xênhz huôx huv vêv xênhz muôx 828 cxênhz lênhx, bâuv li 82% tsưr ziv tso tơưv. Hâur Ủy ban tỉnh Sơn La Quyết tinhv sôr 3414/QĐ-UBND hnuz 31 hli 12 shông 2015 lok luôs hâux lưv thôngz đhâu dưv anr qênhz shuôs, kho đuô cxaz nzir tsưr ziv njuôk hov côngz đêx thiêz vêv xênhz tênhx qơư tox siêz tỉnh Sơn La ntu 2015-2020 thiêz uô ndar txos trâu shông 2025 tưz tso tơưv tsưr ziv lok sâuv côngz đêx hur phưx vưv trâu xênhz huôx tox siêz li đrav kaz:

Txos tal shông 2020: Sir jos cov 95% tsôngv box tox siêz tâu zôngv đêx xênhz huôx huv vêv xênhz, hâur ntơư muôx 65% têx chuôz zis tsôngv box tox siêz tâu côngz đêx hur.

Txos tal shông 2025: Sir jos cov 100% tsôngv px tox siêz tâu zôngv đêx xênhz huôx huv vêv xênhz, hâur ntơư 80% chuôz zis tsôngv box tox siêz tâu côngz đêx hur.

Chiê uô tâu luôs hâux lưv heik co txix nhiv no txos trâu shông 2025, iz chas hâux lưv cxơưz tiês yax mông fuô kriê đêz đar têx luôs hâux lưv sâuv txos trâu cxuô lênhx sđ pâuz txos, lar heik zos  têx chuôz zis mak tsuv muôx têx faz tsưr ziv uô huv đros lok sâuv pênhr yưv uô, kriê  txux chi tsưr ziv yuôr trâus trâu lênhx nênhs, cux li têx tsưr ziv lok tsênhv chei thiêz công nghệ. Iz chas co Tsênhv qơư đêx hur thiêz Vêv xênhz tênhx qơư tox siêz tỉnh cux tưz cxiv tsa tsưr ziv cơưv px sđ yax kriê lok đêx hur li têx jông thâuv tsôngv box jông siêz, thôngx ziv đros cxaz chuôz uô têx hâux lưv heik sâuv txix côngz trênhx côngz đêx chêx tsôngk tưz thiêz tsênhv bax krêz côngz cxiv uô chiê gra siêz luz nênhx nox nhoz thiêz đas jos trâu tsôngv box./.

(Tuyết Lan-Riê Lâux cxeik, nhênhv)