Tsưr ziv sir zôngv kror chuz tênhv tênhz taz por tiv zix ( 2 suôz)

Qơư tso kror chuz tênhv tênhz:

          Kror chuz tênhv tênhz tsuv tso ntơưv qơư muôx tênhv chiê zôngv tâu. Viv li qơư tso kror chuz tsuv muôx qơư tik tênhv tênhz jông tiv zix, tsuv muôx iz kror qơư chiê tik txơưr muôx công suất siêz li kror chuz tênhv tênhz.

          Qơư tso Đức zav kror chuz tênhv tênhz tsuv tiêx, truôx thiêz lax khiêv. Kror chuz tso kuôk nja tsêr muôx nhos 1 đok, tsi tso jê têx chuôz zênhx txơưr. Tsi tso sâuv têx đeiv ntâuz lok sik đeiv hlâu viv zôngx ziv uô zênhr shar txos kror chuz.

          Tsi tso ntơưv qơư nông lok sik jê hluôr tơưk. Tsi zôngv kror chuz ntơưv qơư cuz sor, jê tưv jông tiv zix chiê zôngv kror chuz tênhv tênhz zos cxôngx 20-40 tưv.

          Cux tsov cưv tso kror chuz tênhv tênhz ntơưv têx qơư tsik chiê mê nhuôs muk lok đhâu, tsik chiê uô muôx yưv têx tsik jông trâu mê nhuôv.

          Sir zôngv tênhv tênhz huv đros, taz por:

          Việt Nam zôngv tênhv tênhz zos 220V, hâur co muôx iz cxiê kror chuz tênhv tênhz zuôr saz đrâuv têz qơưk lol mak tênhv tênhz zos 100-200V li têx kror chuz tênhv tênhz cxôngx Nhật.

          Viv li thâuv zuôr kror chuz tênhv trâu chuôz zis, tsuv qênhz yuôx tênhv tênhz chiê zôngv cov huv đros, tsi zôngv tênhv tênhz tsi huv mak zôngx ziv uô cuz hnhiêz, lok six riêz nênhs.

          Đros công suất lox 1800-2200W, kror chuz tênhv tênhz tsuv zôngv iz txox xor tênhv tik txơưr muôx dung lượng siêz đuô 15V, muôx xor tênhv lox 2,5mm vuông chiê zôngv cov taz por.

          Sir zôngv tênhv tênhz cov jông:

          Tsuv qênhz yuôx jông txix luôs hâux lưv sir zôngv tênhv tênhz hâur tsêr chiê taz por công tơ tênhv tir tâu thâuv zôngv kror chuz tênhv tênhz. Zos tâu mak tsuv bax têx chuôz zênhx tênhv tênhz zuôr trâus trâu cxix luôk tênhv tênhz hâur chuôz zis.

          Kror chuz tênhv tênhz thâuv zôngv mak cuz zov chênhr thiêz sei viv li zôngx ziv uô cuz nhiêx têx zav nox thâuv uô, viv li tsuv tsưv ziv thâuv uô jâuz mor sâuv kror chuz tênhv tênhz, tsuv zôngv phênhv kis uô ntêx thâuv  tơưk kror chuz, thiêz mav li max mav tơưk txos phênhv siêz đuô.

          Chiê kror chuz uô jâuz mor đros công suất siêz ntêr mak kror chuz zôngx ziv trâus liêv, riêz nênhs đros lênhx nênhs sir zôngv.

          Tsi ro tênhv tênhz kror chuz thâuv nhiv kruôr uô tâu jâuz mor.

          Thâuv uô tâu jâuz mor, nênhs zôngv tsuv hlôngr công suất kror chuz tênhv tênhz thiêz tuô kror chuz. Tsi ro ciês xor tênhv mak tsuv tos 15 phênhz chiê kror chuz txiêk mê njik mak li ro thiêx li por vêv tâu jông kror chuz.

          Vêv xênhz kror chuz thâuv zôngv tas

          Hâux lưv vêv xênhz tsi taz paz kror chuz hur si đuô, yiêz ntêr đuô mak tsênhv taz por đuô thâuv sir zôngv. Thâuv vêv xênhz nênhs sir zôngv cux zuôr zôngx ziv pov têx trâus puôk tsuôx saz đrâuv luz kror chuz chiê muôx tsưr ziv yưr lir taz por đuô zos zuôr trâus./.

(Thanh Thủy- Txâur Vax cxeik nhênhv)