UÔ TÂU TIÊR HÂUX LƯV ZOK MUÔZ, TSIV NHOS SƠƯR ĐƠƯK KRUÔK

Têx lênhx nênhs fêv : Phạm Văn Truyền ( xênhz shông 1985) thiêz Đỗ Văn Quyết ( xênhz shông 1987) puôr lênhx nhoz xã Việt Dân, thị xã Đông Triều, tỉnh Quảng Ninh nhiv kruôr trâus công an TP Yên Bái ntês cxov viv uô tuz saz tuz nhiês yêz meir sâuv thax tsav Thành phố Yên Bái. Chiê tơưv txênhz yênhx côngz chuyên án no, têx cán bộ, chiến sĩ Tuêv cảnh sát qênhz yuôx nênhs phamv cxâuv lok trật tự xã hội, công an Thành phố Yên Bái, tiv zix zos Tuêv tsar, thiếu tá Vũ Minh Tiến tưz pôngz ntâu six hơưv thiêz đas jos, viv têx lênhx nênhs fêv no cxôngx tỉnh saz đrâuv tuôx, muôx têx tsưr ziv tir tar công an thâuv trâus qênhz pov. Thiêz no nhiv kruôr zos 1 hâur 20 chuyên án mak lênhx tuêv tsar no đros têx lênhx công an hâur tuêv ruôr yênhx côngz hâur shông no.

          Thiếu tá Vũ Minh Tiến, xênhz shông 1977, ntơưv Hải Dương; thâuv cơưv tiêr Đại học Luật Hà Nội, tix lâuk tâu jênhv lol uô côngz xưv ntơưv Công an thành phố Yên Bái. Têx shông tov kaz no, tix lâuk tsi so mul cơưv têx khóa thox cxov nghiệp vụ ntơưv Học viện cảnh sát nhân dân. 10 shông ntâu uô côngz xưv hâur lưx lươngv, tưz paz tix lâuk muôx ntâu chênhz zênhv hâur uô hâux lưv. Lơưr tix lâuk, đrâuv truôx siêz tuiv flu đros têx phêv ziv, riêz nênhs chiê por vêv luz nênhx ngaz tul trâu tsôngv box, hâur yênhx txuz xưv, kror coaz tsôngv tiv zix zos tsuv tsưv ziv qênhz yuôx, xav tênhv, ntâus grê jông, chiê pov thiêz ntês cxov nênhs phamv cxâuv. Thiếu tá Vũ Minh Tiến pheiz kênh: “Chiê uô jông côngz xưv tơưv txênhz đros nênhs phamv cxâuv hình sự mak uô ntêx iz lênhx cán bộ, chiến sĩ tsuv moz siêz đros zuk hâux lưv uô, tsi nyei lax, tsi nyei phêv liv, muôx têx tsi nyei tuôs...”

          Thành phố Yên bái zos thax tsav khênhr tâu têx lênhx nênhs fêv xeir tuôx nhoz uô tuz saz tuz nhiês, viv thax tsav ntơư cêr mul lol zôngx ziv. Thiếu tá Vũ Minh Tiến tưz chuv tôngv chox kriê cán bộ, chiến sĩ hâur tuêv krêz uô ntâu tsưr ziv nghiệp vụ, chiê pov têx huôx tôngv uô cxâuv, ntês cxov têx nênhs fêv phamv cxâuv. Nhiv no, têx lênhx nênhs fêv li têx huôx tôngv muôx ntâu zav, viv li têx chiến sĩ cảnh sát hình sự cux khưr đuô. Taz sik, thiếu tá Vũ Minh Tiến thiêz têx đồng đội tsi seiz co zos kror phêv liv mak ziv truôx siêz, sir jos đuô. Thượng tá Đỗ Tuấn Anh- Phưv tsar công an TP Yên bái, tỉnh Yên Bái heik: “Đồng chí Vũ Minh Tiến zos cán bộ hluôk, muôx pênhr xưv hâur uô côngz xưv đồng chí thâuv tưs cux muôz siêz chinhz yênhx txơưx jênhv, sir tas đas jos uô côngz xưv. Thâuv tưs cux zos đeiv iêr chi cax lul trâu tas nro cán bộ chiến sĩ hâur tuêv cux xưk li cán bộ chiến sĩ Công an thành phố Yên Bái uô lơưr”

          Thâuv tưs cux uô jông trơưk zơưv Hloz Hôx têx luk heik kriê, seiz co zos qơư tsov txos chiê sir jos uô cov tiêr cxuô luôs hâux lưv zok muôz, hâur 13 shôngk reik đros côngz xưv tơưv txênhz phax tar têx nênhs phamv cxâuv, thiếu tá Vũ Minh Tiến đros cxuô lênhx hâur đơn vị uô tâu tiêr ntâu luôs hâux lưv zok muôz, tâu Bộ công an, UB tỉnh Yên Bái kruôk txos./.