Đhâu 15 shông uô lơưr Bôv Chính trị li Nghị quyết số 37 lok tsưr ziv huôv tsar kinh têr-xar hôiv, taz por côx phax-ngaz tuk thax tsav Trung du thiêz tox siêz Bắc Bộ txos shông 2020, Lai Châu tưz tơưv đhâu qênhx shênhx txov nhêv tiv zix thiêz huôv tsar kênhz, uô grêiv juk cêv kuôk lok huôv tsar pir đros têx tỉnh Trung du, tox siêz faz Bắc thiêz tas nro têz qơưk. Tsênhv tsênhz, xav lơưr lênhx nênhs tâu muôx 33 triệu đêiv, ndê 12,7 jiês pir li shông 2004; chuôz ndê kinh têr muôx 11,75% iz shông; chor hax huv kôngz lôngk chuôz ndê sêi…cxiv luôs cêr, vax tsêr cxuô zav nhoz tỉnh tâu tsov cưv yưv pênhr uô thiêz hlôngr yiêz ntâu, tiv zix zos cêr muk lok; côx phax-ngaz tuk thiêz đối ngoại tâu chuôz cxaz./.

(Khắc Kiên-Lik Thox cxêik nhênhv)

Hôiv đôngx tỉnh Yên Bái khóa 18 (six cxiv 2016-2021) tsưr tsix jiês cơưv tiv 14, seiz lax, tso ziv chênhv lok têx ntâuz ntơưr, luôs hâux lưv uô thiêz quyết tinhv iz cxiê tsênhv njiêz zov chênhr zos zuk vax huôv. No cux zos thơưx jiês cơưv Hộiv đôngx tỉnh Yên Bái tsi zôngv têx ntơưr, mak zôngv uô lơưr công nghệ thôngz xor mông. Lar heik, hlôngr viv tsa têk, chor đại biểu tưz thôngx ziv thôngz đhâu uô lơưr hâur têx meir tính. Ntơưv jiês cơưv, đros trâu têx sir jos chêx tsôngk, huv đros, 100% chor đại biểu Hôiv đôngx tỉnh tưz thôngx ziv thôngz đhâu 8 nghị quyết zov chênhr. Heik suôx câuv jiês cơưv, Bí thư Tỉnh ủy, Chủ tịch Hôiv đôngx tỉnh Yên Bái  Phạm Thị Thanh Trà heik mênhx txos iz cxiê hâux lưv, tsưr ziv chiê tsưr tsix uô tâu jông lơưr jiês cơưv li têx nghị quyết. Iz chas ntơư, heik cxuô cấp, ngênhx tror lês uô têx hâux lưv chính trị hâur 5 luz hlik kaz shôngk shông, sir jos uô tiêr têx tsưr ziv, hâux lưv tưz tso tơưv./.

             (Đinh Tuấn-Riê Lâux cxeik, nhênhv)

 “Nhuôs zâu đros nhuôs zâu li têx vênhv thix” zos tsênhv njiêz Diễn đàn nhuôs zâu tỉnh Điện Biên shông 2019 nhiv kruôr tâu tsưr tsix zar hnuz kêix 31/7. Dự diễn đàn muôx 90 lênhx nhuôs zâu hlôngr njêx muôs trâu 200.000 ntâu lênhx nhuôs zâu tas nro tỉnh Điện Biên cxaz chuôz. Lơưr Ủy ban tỉnh Điện Biên ntâuk gri, đros thiêz Điện Biên li thax tsav tox siêz, txov nhêv tiv zix hêik taz, thax tsav Tây Bắc hêik cxuô, tsênhv muôx ntâu lênhx nhuôs zâu njiz trâus phiv liv li yêiz pluôs, ntux no, tsik txâuk tsơưr pưr shưz, trâus ntâuk tsiv…Txơưv tiêk ntu đhâu cxuô cấp, cxuô nganhx hâur tỉnh tưz muôx ntâu tsênhv chêi tsoz phưz chor nhuôs zâu, taz sik tsênhv yuôr chôngz lênhx nhoz tox siêz njiz ntâu kror phiv liv. Pos Phan Thị Kim Liên, Sêiz car tsaz yênhx por vêv nhuôs zâu, tsưr tsix njiê đêz đar ntiêx têz ntơưv Việt Nam puz pâuz:

“Hâur ntu zuôr txos pêz sir jos trâu 3 jênhv vưv zos por vêv nhuôs zâu tsik trâus ntâuk tsiv thiêz uô hiêv; tsơưr pưr shưz thiêz chor tsaz yênhx uô nênhx chiê muôx nzir phênhv sâu trâu chuôz zis chor nhuôs zâu muôx luz nênhx jông đuô. Ntơưv têx qơư côngv thôngx pêz tsênhv kriz uô dự án đros chor uô niêv, lênhx tov thiêz chor nhuôs zâu mak pêz pov muôx têx phiv liv thiêz pêz uô 3 tsaz yênhx no chiê cêir chêx têx vênhv thix tsuv tsov cưv txos hâur côngv thôngx”./.

(Vũ Lợi-Lik Thox cxêik nhênhv)

Qir txix hnuz 15/7, Công an tỉnh Sơn La qir qênhz yuôx têx yêz lox thâux xa kruô, yêz lox thâux ntâu têx hax huv thiêz yêz meir trơưk Cục Cảnh sát zoz thôngz-Bộ Công an tsưr ziv. Xav txos hnuz 31/7, lưv lươngv tưz qênhz pov, xưv bluô 510 lênhx nênhs uô cxâuv, bluô nhiêx 330 tsov đeiv, gra tsês 17 đeiv ntơưr tsar yêz. Lar heik zos hâur têx lênhx nênhs uô cxâuv, cux qênhz pov 3 lênhx nênhs sir zôngv zax zênhz, 11 lênhx uô cxâuv lok sâuv hâuk chơưr bia thâuv tsar yêz mul lok tâus cêr. Txix têx li heik ntơư, Công an tỉnh Sơn La tror chox kriê lưv lươngv cảnh sát zoz thôngz hâur tas nro tỉnh sir jos uô jông hâux lưv qênhz yuôx, qênhz shuôs, xưv bluô ntov jông têx lênhx nênhs uô cxâuv chei, lar heik zos têx lênhx tsar yêz sir zôngv zax zênhz thiêz sir zôngv chơưr bia thâuv tsar yêz mul lok. Jiês tiv 2 hâur qênhz yuôx shuôs têx yêz zuôr qir uô txix hnuz 31/7 txos tas hnuz 14/8/2019./.

(BTS-Riê Lâux cxeik, nhênhv)

Têis cik 31/7, iz lênhx nênhs tưz trâus đêx cuôr yôngz thâuv muk đhâu qox tuk đêx Nậm Mả, xar Võ Lao, huyện Văn Bàn, tỉnh Lào Cai. Thâuv zok nriêr, chor lưx lươngv txơưx jênhv tưz pov lênhx nênhs co luz yêz mêir trâus đêx cuôr muk đêz muôx 500 thiêr, hok lênhx nênhs mak tsênhv tsik pov. Hâux lưv zok nriêr tsênhv tâu sir jos kriz uô. Tau pâuz, hmo 30/7, sâuv thax tsav xar Võ Lao, huyện Văn Bàn muôx ntux nas lox, đêx huôv lok sêi. Chính quyền xar tưz tso lưx lươngv công an viên sêiz jor, tơưl tênhz hêik kriê, taz sik tiv lênhx nênhs co tsik uô jông sêiz shuôk viv li tưz muôx yưv txuz hâux lưv pôngz siêz no./.

(VOV4-Lik Thox cxêik nhênhv)