Tỉnh Điện Biên muôx 18 lênhx nênhs uô cxâuv têx chei têz qơưk tâu txo grêk tsơưs six hơưv, hnuz nhôngs nhoz tux thiêz tso lok tsêr hâur six hơưv xiêz 2/9 shông no.

Hâur têx lênhx nênhs heik sâuv, muôx 10 lênhx tsênhv nhoz cêr cxâuv ntơưv qơư cơư tux têx nênhs uô cxâuv chei têz qơưk Công an tỉnh; têx lênhx tsênhv yuôr tsênhv mak lơưr tsênhv nhoz cêr cxâuv ntơưv têx qơư cơư tux têx nênhs fêv, uô cxâuv chei têz qơưk hâur công an têx huyện, thị xã, TP hâur tỉnh.

Chor nênhs txo grêk tsơưs six hơưv, hnuz nhôngs nhoz tux thiêz tso lok tsêr hâur iz jiês no zos têx lênhx uô cxâuv chei têz  qơưk jiês xuz thơưx; sir jos uô lơưr jông têx chei, cui tinhv nhoz tux, shâuv uô têx nuv jông...; têx lênhx tưz nhoz tas six hơưv, hnuz nhôngs tik cêr cxâuv cxaz nzir zos bluô nhiêx, pâux nzir têx trâus uô hiêv thiêz thêv tas têx nhiêx uô cxâuv...../.

(TTT-Riê Lâux cxeik, nhênhv)

Hnuz 31/8, ntơưv huyện Mộc Châu, tỉnh Sơn la, tưz piz tsưr tsix nthuôr uô cêr lov jêv, vênhx huôv cxuô hêir nênhs shông 2017.

Cxuô luôs hâux lưv nthuôr uô cêr lov jêv ntơư, cux chênhr zos hêik kriê, cxuô hêir nênhs sđ têx cêr nênhx vênhx huôv jông, huôv tsar du lix txuôk đros kriz ciêz muôs cxuô zav hax huv, nôngz kôngz lôngk…trâu tsôngv kruô sđ pâuz txos. Đros trâu cxuô luôs hâux lưv nthuôr uô cêr lov jêv co, huyện Mộc Châu cux tsưr tsix sik tưr tuô hnênhr, yuôz kênhx, đhiê pax vuôs, hêik cưr cxiêx….. Ntơư zos muôx 100 ntâu lênhx tuz nxêik hluôk nhoz trâu cxuô xã hâur thax tsav huyện tuôx tưr, nthuô uô cêr lov jêv. Iz lênhx kruô nhoz têz qơưs Niu di lân hêik pâuz:

Băng: “Tuôx ndis ntux sêiz shuôk têz qơưs txos Mộc Châu, cur sêiz pov cux lov jêv hênhr thiêz cxuô hêir nênhs sđ nhoz thax tsav Mộc Châu nthuôr uô cêr lov jêv jông sêiz hênhr”./.

                                                      (Chu dịch đọc-Hoàng Long)

Ntơưv Yên Bái, nhiv kruôr muôx iz txuz "têx lênhx nênhs nhiês ntor luôx, cơư ntông" tuô iz lênhx nênhs uô hâux lưv yuôx jôngr hâur Htạ yuôx jôngr huyện Trạm tấu trâus saz. Thâuv 6 six tsâuk ntux hnuz 29/8, tổ côngz  xưv lênhx ngênhx zos têx lênhx yuôx jôngr Hôx Xênhv Hơưx thiêz Lường Văn Quí nhoz Hạt yuôx jôngr Trạm Tấu đros tix lâus Văn Ngọc Phương, canr bôv ban seiz car jôngr phax phưv huyện Trạm Tấu tsênhv uô hâux lưv qênhz yuôx, qênhz shuôs têx shôngz ntông mak qênhz pov Đruôl Xênhv Thox, muôx iz luz bê hu txơưr zos Jêz Xênhv Thox nhoz ntơưv jok Háng Tầu, xã Túc Đán cheix yêz meir thâux 2 thôngx ntông tâus cêr lok txos jê trôngx vas UBND xã Túc Đán. Tổ côngz  xưv tưz heik cov đrêk yêz, taz sik Đruôl  tưz ro triêv tuô tổ côngz  xưv lênhx ngênhx, qênhz yuôx jôngr Hôx Xênhv Hơưx, trâus Hôx cxeik têk lâus, Đruôl tso têk khiêr lok trâu jok Háng Tầu, xã Túc Đán, huyện Trạm tấu. Đhâu hlo muôx têx li heik no yưv siv, tix lâus Hôx Xênhv Hơưx tưz tâu chox muk chơưv kho trâu tsêr kho moz đa khoa Nghĩa Lộ. Tâu têx nênhs hâur tsêr heik, hnuz 30/8/2017, Đruôl Xênhv Thox tưz tuôx lênhk zuk cêr cxâuv. Nhiv no Công an huyện Trạm Tấu tsênhv ntêk Đruôl tsês thiêz qênhz yuôx, uô tsênhz mênhx qir tiv tir ntâuk têx lênhx nênhs uô hâux lưv têz qơưk./.

(Đinh Tuấn-Riê Lâux cxeik, nhênhv)