Chôngz lênhx ntâu tus canr bôv, đảng viên tỉnh Lào Cai tưz thôngz đhâu cơưv txuôk đros hâur jiês cơưv tas nro têz qơưk lol cxiv kho Đảng. Trơưk li zơưv Dương Đức Huy, Tsar ban Tuyên giáo Tỉnh ủy Lào Cai, têx tsênhv njiêz heik ntơưv jiês cơưv zuôr paz chor canr bôv, đảng viên pâuz tsênhz đuô lok têx luôs hâux lưv jông, zov chênhr hâur cxiv kho Đảng đros trâu cxix luôs chính trị nyiêz hur, truôx jông iz zav li Tổng Bí thư Nguyễn Phú Trọng heik ntơưv jiês cơưv “Xar cov yêz, fuôx gox muk tâu truôx tsuv muôx lênhx nênhs txơưx tsar”, iz chas ntơư, sâu jênhv têx hlôngr yiêz thiêz jông hâur cui tinhv lok iz ndis têx luôs hâux lưv zov chênhr no. Têx cui tinhv yiêz lok hâux lưv cxiv tsa đảng cux krêz đar uô têx luôs hâux lưv co; viv li hâur ntu zuôr txos no, Lào Cai tsênhv zuôr uô tsênhz mênhx têx li heik ntơư reik đros tsênhv tsênhz hâur yênhx thax tsav, suôv qơư, uô đros trâu têx tsưr tsix, cơ sở đảng li txơưx jênhv. Đhâu hlo jiês cơưv, Tỉnh ủy Lào Cai zuôr nzor muôx tsaz yênhx, têx hâux lưv uô tsênhv tsênhz chiê fuô kriê, heik đêz đar txos trâu yênhx lênhx canr bôv, đảng viên thiêz tsôngv pêx xênhv sơưr đơưk pâuz, uô lơưr./.

(An Kiên-Riê Lâux cxeik, nhênhv)

 Jiês cơưv cán bộ tas nro têz qơưk hêik pâuz, kriz uô Trung ương li kết luận thiêz cui tênhv lok côngz xưv cxiv tsa, kho đuô Đảng tưz tâu kriz cơưv têis cik hnuz 9/12, ntơưv tỉnh Sơn La, chor têiv plor dự jiês cơưv ntơưv Tsênhv qơư tỉnh thiêz ntơưv 12 huyện, thành phố. Zos iz hâur 8 lênhx têiv plor muôx jax hêik pâuz ntơưv jiês cơưv, zơưv Nguyễn Hữu Đông, Ủy viên Trung ương Đảng, Bí thư Tỉnh ủy Sơn La puz pâuz: Tỉnh ủy tưz hêik pâuz thiêz kriz uô truôx jông côngz xưv chiv chir phê bình thiêz phê bình lơưr Nghị quyết Trung ương 4 khóa 12. Hâur co, uô tsênhz mênhx 27 kror tsuv nriêr pâuz, cơưv shâuv lok cêr uô nênhx zos yênhx 82 kror tsuv cơưv shâuv, kriz uô tsênhz mênhx chiê kiểm điểm, ntâuk gri cán bộ, đảng viên lơưr yênhx shông. Côngz xưv phax, tar nox nhiêx têz qơưk, tuôr xuôv tâu sir jos kriz uô; xưv lik truôx jông chor nênhs uô cxâuv. Txix thâuv kriz uô Nghị quyết Trung ương 4 tưz sêiz shuôk thiêz kriz uô kỷ luật 1.654 đảng viên uô cxâuv têx kror đảng viên tsik tsuv uô. Zơưv Nguyễn Hữu Đông hêik:

“Sir jos kriz uô truôx jông Kết luận sôr 21 thiêz cui tênhv sôr 37 Ban chấp hành Trung ương. Tror chox kriê uô jông côngz xưv cxiv tsa Đảng lok chính trị, siêz xar, tsưr tsix thiêz cán bộ. Tsêx trung cxiv tsa chor cán bộ cxuô cấp, tiv zix zos cán bộ chênhr thiêz nênhs sơưr thơưx. Tror hlôngr yiêz tsênhv njiêz, tsưr ziv ntâuk gri cán bộ. Sir jos hlôngr yiêz ntâuz ntơưr hành chính hâur Đảng, đơưk kho ndar six hơưv têx vênhv thix muôx yưv ntơưv cxuô thax tsav qơư”./.

(Lê Hạnh-Lik Thox cxêik nhênhv)

 Txix hnuz 24-26/12, ntơưv tỉnh Lai Châu zuôr uô Hnuz hội Vênhx huôv heir nênhs Hmôngz tas nro têz qơưk jiês tiv 3 shông 2021, muôx 13 tỉnh, 1.200 ntâu lênhx nênhs zos têx lênhx muôx txux chi jông, txơưx hu gâux, heik cưr cxiêx…..tuôx đros côngv cêr lov jêv uô si. Hnuz hội Vênhx huôv heir nênhs Hmôngz tas nro têz qơưk jiês tiv 3 shông 2021 zos Bộ Vênhx huôv, Thêv thao thiêz ju lix, Ủy ban tỉnh Lai Châu sik đros uô. Hnuz hội uô lov jêv co muôx 13 tỉnh zos: Lai Châu, Lạng Sơn, Bắc Kạn, Điện Biên, Nghệ An, Thanh Hóa, Hòa Bình, Lào Cai, Cao Bằng, Tuyên Quang, Hà Giang, Yên Bái thiêz Đắc Lắc zos têx qơư muôx ntâu tsôngv box Hmôngz uô nênhx nhoz tuôx đros nthuôr uô lov jêv. Hnuz hội muôx njiêz luk “Por hưv, phuôx huiz nênhs Hmôngz li têx txux chi jông-muôx vax huôv siz luôs, sik thôngx siêz, sik côngv, sik đros huôv tsar” . Iz chas nênhs Hmôngz têx txux chi uô si thâuv ntêx, zuôr muôx heik pâuz lok Hmôngz li têx cêr nênhx vênhx huôv, nthuôr uô cêr lov jêv hu gâux, heik cưr cxiêx, sik tưr hnar Hmôngz têx tsôngk yo jông….đros trâu ntâu zav hâux lưv txeik tok tsôngv kruô ndis seiz têz qơưk uô si, piêr kriê  têx xiv huv ju lix jông ntơưv qơư./.

 (Khắc Kiên-Chia dịch đọc)

 Lơưr Tsênhv qơư qênhz yuôx phax tar caz moz tỉnh Điện Biên li hêik pâuz sêi, têis cik hnuz 9/12, ntơưv thax tsav qơư muôx nzir 4 lênhx nênhs trâus moz Sát-Covi-2. Kror tsuv hêik zos hâur 4 lênhx nênhs trâus moz yiêz no muôx 2 lênhx nênhs zos cưk kriê ntơưr tưz njiz, nhoz jê chôngz lênhx nênhs thiêz kriê ntơưr ciês trâu zuôr xar 100 lênhx shux xênhz. Li co, xav txix hnuz 1/11 txos hnuz 9/12, tỉnh Điện Biên pov muôx tas nro 425 lênhx nênhs trâus moz Covid-19, hâur co chôngz tiv zix zos huyện Điện Biên muôx 247 lênhx nênhs, thành phố Điện Biên Phủ 94 lênhx, huyện Mường Nhé 50 lênhx. Đrâuv sir jos uô côngz xưv phax tar caz moz, tỉnh Điện Biên cux tsênhv sir jos kriz uô cxax yuôx vắc xin trâu pêx xênhv./.

(Vũ Lợi-Lik Thox cxêik nhênhv)