Chiv ntux tsâus yiêz 2018-2019, tỉnh Yên Bái chos muôx 19 cxênhz ntâu hec ta blêx. Taz sik, nhiv no muôx 1.300 ntâu héc ta blêx nhoz chor huyện Văn Chấn, Trấn Yên, Lục Yên, Văn Yên, thị xar Nghĩa Lộ thiêz thành phố Yên Bái trâus muôx têx zav moz li đạo ôn, kruôr đax, caz trâuk đuz, tur đax, caz tho nox car….ruôr hiêv. Ciês moz đạo ôn blôngx mak muôx 350 ntâu hec ta,  kruôr đax zuôr xar 200 hec ta. Pos Hoàng Yến, Phưv chi cục trưởng chi cục chos kôngz lôngk thiêz por vêv đrox tsuôs tỉnh Yên Bái puz pâuz:

“Chi cục tưz tso nênhs muk trâu têx huyện đros tsênhv qơư Dịch vụ thiêz huôv tsar kôngz nuv huyện qênhz yuôx thiêz kruôz kriê pox nhuôs phax tar. Tsưr tsix chor lớp kruôz kriê ciês ntơưv liêx chiê pox nhuôs pâuz cux xưk li zôngv têx yuôx huv đros chiê tir tar”./.

(Thừa Xuân-Lik Thox cxêik nhênhv)

Ủy ban tỉnh Điện Biên tưz muôx quyết tinhv lok sâuv lênhl txeik têx hax huv paz zos tsưr tsix seiz njiê ntiêx têz Hàn quốc thiêz tsưr tsix seiz njiê ntiêx têz Hoa Kỳ chơưv paz thôngz đhâu tsưr tsix seiz njiê ntiêx têz VN, tsiv grê nhos 8 cxênhz USD, bâuv li 187 tsov đeiv ntâu, muôx: Yo sor, pav sor, tril yo yiêz nhuôs zâu 100% tâu phênhz thiêz pheiz trâu têx nhuôv zâu, côngv thôngx pluôs ntơưv huyện Tủa Chùa. Ủy ban tỉnh Điện Biên, choz Ủy ban huyện Tủa Chùa seiz car, hux jos đros Sở Ngoại vụ thiêz têx cơ quan, taz viv cik txos lênhk nhav, car seiz thiêz sir zôngv chor huv paz co./.

(KT-Riê Lâux cxeik, nhênhv)

Xor mông txix Phòng Cảnh sát zoz thôngz, Công an tỉnh Lai Châu puz pâuz, zar hnuz kêix 9/4, iz luz yêz tải thâux tsơưz muk sâuv txox cêr 4D, txix Lai Châu muk huyện Phong Thổ tưz phênhk tsik nox muk đrâu trâu pêx xênhv tsêr, uô iz lênhx nênhs trâus saz mê.

Lơưr lưx lươngv tơưx jênhv tiv phaz puz pâuz, thâuv yêz đrâu trâu luz tsêr tsuôk yuôr iz lênhx nênhs tsênhv kho trur tsêr. Thâuv pov luz yêz muk chêr lok trâu ntơưv zuk, lênhx nênhs kho trur tsêr co tưz đhiê lok hâur ar chiê khiêr, viv li trâus saz mê njil. Hmôngr jông thâuv co hâur luz tsêr tsik muôx lênhx tưs hlo, viv li txuz txiêz nanv tsuôk uô oz luz yêz mêir đrêk ntơưv luz tsêr co thiêz iz cxiê chuôz zênhx hâur luz tsêr trâus puôk tsuôx./.

(Khắc Kiên-Lik Thox cxêik nhênhv)

Thâuv 10 six 15 phênhz tsâuk ntux hnuz xiêz 08/4/2019, ntơưv jok Mơ Tươi, xã Lóng Phiêng, Yên Châu, Sơn La, Zênhx pênhz phax Chiềng Tương bôv đôiv pênhz phax Sơn La seiz car hux jos đros Phongx phax tar zax zênhz thiêz têx nênhs fêv bôv đôiv pênhz phax tỉnh, Phongx PC 04 Công an tỉnh thiêz Công an huyện Yên Châu qênhz pov, ntêk tâu 2 lênhx nênhs zuôr muôs tsi trơưk chei zax zênhz. 2 lênhx nênhs trâul ntêk tâu co zos: Lìa Lao Bạ, zus shông 1992, nhoz ntơưv jok Pa Kha 2, xã Chiềng Tương, huyện Yên Châu, tỉnh Sơn La thiêz Nguyễn Văn Hoàn, zus shông 1970, nhoz ntơưv xã Đức Chính, thị xã Đông Triều, tỉnh Quảng Ninh. Têx zav sâu tâu muôx 300 gam zax zênhz poz jêz shơư yuôx uz no, 2 luz xor tôngx mê, iz luz yêz meir thiêz iz cxiê zav chuôz zênhx txơưr đuô cik txos.

Nhiv no, txuz plâuz co tsênhv tâu têx lưv lươngv muôx vax huôv tror qênhz yuôx, uô tsênhz mênhx./.

(CTV Hờ Thành-Riê Lâux cxeik, nhênhv)

Thâuv tar su nas hmo, iz lênhx nhuôs tuz hêir nênhs Hmôngz muôx 11 shông nhoz jok Co Sáy, xar Chiềng Hặc, huyện Yên Châu, tỉnh Sơn La tưz trâus tuôs thâuv trâus moz vưv.

Lơưr xor mông xuz thơưx txix tuk nhuôs tuz co muôx bê zos Shôngx A Nụ Tông li niêv txir zos tix lâus Shôngx A Lưv thiêz niêv tix Thox Thị Sao puz pâuz: Oz cưr tix nhuôs Tông trâus đêr hâur tsêr tov kuôk no muôx 3 hli. Pov mê nhuôv trâus đêr tov, chuôz zis tưz sir jos nriêr yuôx plênhr thiêz kror qơư đêr tov tưz jông moz. Zar hnuz kêix 7/4, thâuv pov Tông vưv, chuôz zis thiêx chox tuôx trâu tsêr kho moz đa khoa huyện Yên Châu chơưv paz. Pov nhuôs Tông moz hnhar, zar hnuz kêix 8/4 tsêr kho moz tưz xuôk yêz chơưv paz thâuv nhuôs tuôx trâu tsêr kho moz đa khoa tỉnh. Taz sik txos thâuv tar su hnuz 9/4, Shôngx A Nụ Tông tưz trâus tuôs. Viv li, pox nhuôs tsuv tsov cưv, zos trâus đêr tov mak tsuv tuôx ciês trâu têx qơư y têr chiê cxax yuôx phax tar caz moz./.

(Thanh Thủy-Lik Thox cxêik nhênhv)