Tas cik hnuz xiêz 9/7, Tổng cục cêr ar VN heik pâuz, tiv coz nas lox hnuz xiêz 7-8/7/2018 uô  ruôr hiêv txos, tưz uô tox xưz poz ntơưv cêik cêr 155+300, txox cêr lox 279, tỉnh Lào Cai, uô ntu cêr mul lok no grêiv, tsuôk mul tâu iz saz đros thiêz têx yêz mê; iz chas ntơư, ntâu suôv qơư nhoz têx ntu cêr txơưr đuô zôngx ziv muôx tox xưz poz mak yêz zuôr mul lok tsi tâu đhâu. Nhiv no, Sở zoz thôngz Lào Cai tsênhv zênhx max krêz uô têx cêr lus chiê yêz muk lok đhâu tax, njuôk xav txos tas hnuz 12/7/2018 têx yêz cux zuôr mul lok tâu đhâu./.

(BTS-Riê Lâux cxeik, nhênhv)

Thôngz sâu txix Sở Thôngz mông thiêz Yax mông tỉnh Lai Châu, jiês ntux nas đêx ngaz cuôr nhiv kruôr đhâu tiv phaz muôx 19 ntu hluô cáp trâus tu, 259 ntu hluô cáp trâus hiêv… Đros co, muôx 162 trạm phát sóng tsik huôx tôngv…njuôk xav têx trâus hiêv tas muôx 8 tiv đêiv ntâu. Côngz xưv khưx phưx tsênhv tâu têx doanh nghiệp viễn thôngz thiêz công nghệ thôngz mông sâuv thax tsav sir jos kriz uô. Txos nhiv no, têx tiv phaz tưz siz txuôk tâu têx xor mông, paz zôngx ziv đuô hâur côngz xưv khưx phưx têx trâus hiêv tiv ntux nas chuô. Taz sik, chiê khưx phưx tas nro cxiv luôs viễn thông thiêz công nghệ thôngz mông sâuv thax tsav, zuôr tsuv tas ntâu six hơưv viv ntâu trạm, ntu hluô cáp nhoz têx thax tsav phiv liv ntơưv têx qơư tox trôngz siêz./.

(Khắc Kiên-Lik Thox cxêik nhênhv)

Chiê txo grêk tsơưs yax têx trâus uô ruôr hiêv hâur cheix ntux nas chuô shông no, tỉnh Sơn La tưz tso tơưv ntâu faz tsưr ziv bax phax tar ntux uô hiêv, hâur ntơư lar heik zos moz siêz txos yêik txar tsôngv box hâur thax tsav zôngx ziv muôx tox xưz poz, đêx nas cuôr yôngz muk nhoz qơư truôx tuk. Txix shông 2010 txos shông 2017, tỉnh Sơn La tưz phênhz 2.157 chuôz zis tsôngv box thax tsav trâus ntux uô ruôr hiêv muk nhoz qơư truôx tuk. Trơưk li tỉnh Sơn La tsưr ziv phênhz qơư nhoz trâu tsôngv box thax tsav zôngx ziv trâus ntux uô hiêv muk nhoz qơư taz por txos shông 2015 tâu thôngz đhâu zos 3.299 chuôz zis. Phênhv ntâu têx chuôz zis tsôngv box tsuv yêik txar ntơư puôr lênhx zos chuôz zis pluôs, chuôz zis zuôr xar pluôs. Chênhr viv li hâu nov ntơưv qơư thiêz tsôngv box tsưr ziv zos xar cov têz qơưk tsar ndê mê njik têx phênhv paz yêik txar chiê lơưr muôx têx cê taz por luz nênhx truôx tuk cê huôv tsar uô nox uô hâuk nhoz thax tsav qơư yiêz./.

(Thanh Thủy-Riê Lâux cxeik, nhênhv)

Bôv đôiv pênhz phax tỉnh Điện Biên nhiv kruôr pov, cxov tâu Chừ Xênhv Vax (zus shông 1985) nhoz ntơưv jok Háng Lia 1, xar Keo Lôm, huyện Điện Biên Đông, tỉnh Điện Biên, thâux gra 2 thôngx zênhz đơưz, 800 luz yuôx zax zênhz tổng hợp. Ntơưv cơ quan qênhz yuôx, Chừ Xênhv Vax hêik tiêk zos nênhs muôx zênhk zax zênhz, zuôr zax zênhz lok sir zôngv thiêz muôs zuôr liv. Chor zax zênhz co Chừ zuôr txix iz lênhx nênhs muôx bê hu uô Cuôv nhoz ntơưv jok Phú B, xar Na Tông, huyện Điện Biên, tỉnh Điện Biên, taz sik thâuv tsênhv chox muk muôs chêk trâus pov thiêz cxov tsês./.

(BTS-Lik Thox cxêik nhênhv)