Lơưr Phongx lox tôngv saz pênhz thiêz xã hội huyện Mường Chà, tỉnh Điện Biên li số laov thôngz sâu, sâuv thax tsav huyện muôx 430 ntâu lênhx nênhs trâus sêv khiz lok luz chêr lax muk lok tâu, las njês, heik tsi tâu, tsi pov cêr....Hâur co, phênhv ntâu nênhs trâus sêv khiz lok luz chêr puôr lênhx muôx luz nênhx txov nhêv, zuôr trâus tâu tas nro xã hội paz txưv.

Niêx shông, 100% nênhs trâus sêv khiz lok luz chêr sâuv thax tsav puôr lênhx tâu cungz ntơưr BHYT, tâu lênhx nênhs heik kriê lok têx jix vuv tsoz phưz đas jos, paz txưv fuô moz thiêz têx chuôz zênhx paz txưv zôngv trâu nênhs trâus sêv khiz lok luz chêr./.

(VOV4- Txâur Vax cxeik nhênhv)

Six hơưv jê ntơưv no, sâuv thax tsav huyện Lục Yên tỉnh Yên Bái muôx xor mông tiêk muôx lênhx nênhs khơưz tâu luz poz jêz tsiv grê muôs tâu ntâu tỷ đeiv nhoz thax tsav xã Liễu Đô. Cxôngx xor mông co tưz uô yênhx cxênhz lênhx tsôngv box tso hâux lưv vax tsêr tsês chiê muk khơưz poz jêz tsiv grê, uô txiv ngaz tiv phaz tsi taz por. Chiê coar lik thiêz por vêv jông trôngz jongr, khoáng cxax thiêz taz por txiv gnaz xã hội sâuv thax tsav, UB tỉnh Yên Bái tưz muôx ntâuz ntơưr heik UB huyện Lục Yên tsưr tsix chox kriê thiêz tir tar, car chêx txos qơư huôx tôngv khơưz nriêr poz jêz tsiv grê nhoz xã Liễu Đô, huyện Lục Yên. Yưr lir txos qơư lok sik thix ziv cấp muôx qênhx yưr lir txos qơư têx lênhx nênhs uô cxâuv./.

(VOV4- Txâur Vax cxeik nhênhv)