Thanh Thủy nênhs sâu xor xưv nhoz Đeix nta suôz Vn iz suôv faz Bắc tso mông cxôngx Sơn La: Đảng bộ huyện Sông Mã, tỉnh Sơn La nhiv kruôr tsưr tsix yênhx côngz Đại hội teiv plor jiês tiv 21, six cxiv 2020-2025. No zos đại hội cấp huyện thiêz zos huyện xuz thơưx nhoz Sơn La bo xeir ciês Bí thư huyện ủy. Đros chinhz yênhx uô jông, muôx txơưx jênhv thiêz chêx chôngk jông, đại hội tưz bo xeir Ban chấp hành Đảng bộ khóa yiêz muôx 37 lênhx. Zơưv Nguyễn Mạnh Hùng tror tâu đại hội njênhs njôngr, bo xeir uô Bí thư huyện ủy Sông Mã, six cxiv 2020-2025./.

(Thanh Thủy-Txâur Vax cxeik nhênhv)

Đinh Tuấn, nênhs sâu xor xưv Đaix TNVN nhoz thax tsav faz Bắc xa mông txix tỉnh Yên Bái: Shông no, 20 ziv chuôz zis txov nhêv tiv zix thiêz chuôz zis tâu sơưv cêr chêi nhoz huyện tox siêz Mù Cang Chải, tỉnh Yên Bái tâu paz lok tsêr nhoz xar hôiv lơưr HĐND tỉnh li Nghịu quyết 08. Ntâu ziv chuôz zis tưz lok six jong siêz thâuv tâu paz lok tsêr nhoz mak hâur luz nênhx zuôr xar tsik txos hlo. Pos Chù Xênhv Zax nhoz xar La Pán Tẩn, huyện Mù Cang Chải zos ziv chuôz zis muôx luz nênhx txov nhêv tâu paz cxiv uô vax tsêr nhoz. Đhâu xar muôx 1 hli kriz uô, txos nhiv no luz tsêr đar muôx 70 yiv ndis tưz uô tâu tiêr, taz por truôx đrênhk thiêz ngaz tuk:

“Shông no mak cur tsik cxơưx txos muôx ntux nas chuô lơưv. Tâu cán bộ tuôx paz uô tsêr, pox nhuôs sơưr đơưk tuôx paz uô, cur ntu lâul tâu nhoz hâur luz tsêr yiêz, tâu tuôr fâu sổ liêz mak hâur luz nênhx tsik tâu tuôr hlo. Cur uô tsâus ntâu txos Đảng, têz qơưk thiêz uô tsâus chor cán bộ hênhr”./.

(Đinh Tuấn-Lik Thox cxêik nhênhv)

Khắc Kiên nênhs sâu xor xưv nhoz Đeix nta suôz VN iz suôv faz Baz tso mông cxôngx Lai Châu: Cheix ntux lok nas niêx shông, tỉnh ntus đriv Lai Châu yax six trâus ruôr hiêv hnhar lok lênhx nênhs thiêz chuôz zênhx chuôz tas, hâur co muôx cxix luôk tênhv tênhz. Chiê tir tar đros têx hâux lưv tsi jông muôx yưv, taz por trâu cxix luôk tênhv tênhz, CÔng ty tênhv jos Lai Châu tưz krêz uô ntâu tsưr ziv chiê txu grês têx trâus ruôr hiêv tiv ntux nas, taz por muôx tênhv tênhz cungz trâu tsôngv box xênhz huôx thiêz huôv tsar KTXH tiv phaz. Zơưv Kiều Thành Trung, tuêv phó Tuêv coar lik tênhv tênhz, Công ty tênhv jos Lai Châu puz pâuz:

“Hâur côngz xưv taz por tênhv tênhz 110kv mak pêz muôx tsưr ziv yax six qênhz yuôx hâur yênhx ciêz, yênhx hli, yênhx shông. Tiv 2 zos yax six qênhz yuôx chuôz zênhx, pov têx trâus liêv chiê kho đuô, tiv 3 zos shông tưs pêz cux seiz car thiêz yưr lir tas nro têx tsi tâu uô tâu uô ntêx thâuv txos cheix ntux lok nas”./.

(Khắc Kiên-Txâur Vax cxeik nhênhv)