Zar hnuz keix hnuz xiêz 10/7, đros Giáo sư- tiến sỹ Trần Thiết Sơn, tsar Bộ môn fuô moz, đại học y Hà Nội, Tsar khoa fuô moz tsêr kho moz Xanh-pôn Hà Nội li paz txưv, tsêr kho moz đa khoa tỉnh Sơn La tưz fuô moz yênhx côngz trâu iz lênhx nênhs moz trưx phax ntơưv njêx muôs. Nênhs moz môngr jông tâu fuô yênhx côngz zos Mùa Thị Pax, 25 shông, nhoz jos Pá Liếng, xã Ẳng Cang, huyện Mường Ẳng, tỉnh Điện Biên. Nênhs moz co trâus moz trưx phax lox thiêz tâu ntâus grê ziv hnuz ziv huôv lox đuô, hnhar 0,7 cir. Vênhv thix tso tơưv zos fuô li chas chiê tsi uô lol nyar, uô ruôr hiêv txos têx qơư txơưr sâuv njêx muôs, chax đaz. Đros Giáo sư bác sĩ Trần Thiết Sơn thiêz têx y bác sỹ tsêr kho moz đa khoa tỉnh Sơn La li truôx siêz uô, jiês fuô moz yênhx côngz jông đhâu zuôr xar 2 six hơưv fuô./.

(Chẻo Thu- Txâur Vax cxeik nhênhv)

Hnuz xiêz 10/7, ntơưv TP Yên bái, tỉnh Yên Bái, Chi cục seiz car ciêz đrôngs tỉnh đros cxuô ngênhx muôx vax huôv qir hlơưr por tsês 105 cxênhz luz kê keiz nhiês zuôr txix Trung Quốc lok. Tas nro têx kê keiz no tâu ngênhx muôx vax huôv zôngv meir muôz luôv tơưs tal, tsuôs yuôx thiêz phâuk trơưk li cui tinhv. Đhâu qênhz yuôx, tâu pâuz lênhx tsưr chor kê keiz co zos zơưv Nguyễn Văn Dũng nhoz jok 3, xã Phú Hộ, thị xã Phú Hộ, tỉnh Phú Thọ. Iz chas sâu thiêz muôz têx kê keiz sâuv hlơưr por tsês, ngênhx muôx vax huôv tsênhv xưv bluô zơưv Dũng 90 tsov đeiv nhiêx lok sâuv nhiês zuôr muôs, uô luôv têx zav nox tsi trơưk chei./.

(Tuấn Xuân-Riê Lâux cxeik, nhênhv)

Lơưr têx chiz coaz muôx txơưx jênhv li seiz car, sâuv thax tsav 9 huyện, thành phố Lào Cai puôr lênhx pov muôx têx qơư njuôs xav muôx tox poz ar lơưk, tas nro muôx 551 qơư. Hâux lưv têx chiz coaz muôx txơưx jênhv tsưr tsix seiz car têx qơư njuôs xav muôx tox poz ar lơưk lok six coaz tsôngv, paz têx tiv phaz chuv tôngv uô côngz xưv txar qơư nhoz trâu tsôngv box, cxiv tsa têx cơ sở chuôz zênhx chuôz tas huôv tsar kinh têr huv đros. Đhâu co, zuôr paz txu grês thiêz phax tar têx ruôr hiêv lok lênhx nênhs tiv ntux nas, tox poz uô ruôr hiêv./.

(An Kiên-Txâur Vax cxêik nhênhv)

Hâur ntâu shông đhâu, Điện Biên thâuv tưs tưz zos qơư cuz nxor yax hâur têz qơưk lok zuôr muôs, uô luôv zax zênhz. Lok six ntâu txuz tưz trâus ruôr por tsês, ntâu lênhx nênhs tuôr hâur, sơưr thơưx zos nênhs Lok Tsuôk, nênhs VN trâus ntêk cxov, taz sik nhoz suôv thax tsav faz Tây hâur têz qơưk no thâuv tưs cux muôx têx cuz nxor, phiv liv li ntơư. Tsuôk xav ciês hâur 6 luz hlik hâur shôngk shông 2018, têx lưv lươngv phax tar zax zênhz tỉnh tưz ruôr por tsês tâu 79 qơư phiv liv lok zax zênhz; qênhz pov, qênhz yuôx uô tsênhz mênhx zuôr xar 284 txuz, 329 lênhx nênhs. Têx chuôz zênhx sâu tâu xar muôx 264 cir zênhz đơưz; 5 cir zênhz đuz; 58 cir ntâu têx zax zênhz cxuô zav; iz traz fov, 20 luz muôk txưr; 38 luz yêz meir; iz luz yêz lox, 50 luz xor tôngx tuôr ntơưv têk thiêz ntâu zav chuôz zênhx txơưr đuô cik txos...../. 

(KT-Riê Lâux cxeik, nhênhv)