Ntơưv jiês khiêz phêv tiv 10, Hội đồng tỉnh Điện Biên khóa 14, six cxiv 2016-2021 muôx jiês têz nus đros ntâu njiêz luv coaz tsôngv, tâu ntâu lênhx nênhs tsov cưv txos.

Zơưv Nguyễn Thành Phong, giám đốc Sở cxiv tsa tỉnh Điện Biên puz pâuz: 208 ziv chuôz zis tsi puz nhoz hâur đề án paz txưv lok tsêr nhoz trâu nênhs muôx côngz sâuv thax tsav zos tiv tov kaz no thâuv qênhz yuôx, seiz car pov cov nhoz têx tiv phaz mak xav tênhv tâu ntâu lênhx nênhs tsi trơưk lênhx nênhs, tsi trơưk cui tênhv, hâur co muôx têx ziv chuôz zis tưz tâu paz txưv tsêr nhoz lơưr têx phênhv pênhr paz txưv txơưr./.

(Vũ Lợi- Txâur Vax cxeik nhênhv)

Tsênhv qơư kriê hâux lưv uô thiêz paz trâu pêx xênhv-Hôiv nôngx mênhx tỉnh Lai Châu sik côngv đros uỷ ban xar Tung Qua Lìn (huyện Phong Thổ) kriz lớp kriê hâux lưv uô trâu lox tôngv jêx jok shông 2019, đros muôx 30 lênhx zos hôiv viên, pox niêv sâuv thax tsav xar Tung Qua Lìn cxaz chuôz cơưv. Hâur 2 hli, chor nênhs no zuôr tâu cơưv shâuv lok tsưr ziv txiêr, xơưk tsôngk yo. Cxaz chuôz lớp kriê hâux lưv uô no zuôr paz gra siêz đuô txux chi txiêr, xơưk têx tsôngk yo cxôngx nzor thiêz nhiv no. Đhâu thâuv cơưv tiêr, zos muôx zoz qơưx mak chor nênhs cơưv zuôr tâu hêik kriê nriêr hâux lưv uô ntơưv têx qơưk xơưk tsôngk yo sâuv thax tsav tỉnh Lai Châu./.

(VOV4-Lik Thox cxêik nhênhv)

Ntơưv tỉnh Yên Bái, iz xã tox siêz muôx 90% ntâu tsôngv box mênhx cxưx tsơưs nênhs tưz zuôr uô tiêr tsaz yênhx cxiv tsa nôngx cxênhz yiêz, co zos xã Kiên Thành, huyện Trấn Yên. Chiê muôx cêr zaoz thôngz jông muk lok, ntâu ziv chuôz zis ntơưv xã Kiên Thành tưz txưv zênhv gôngr ar trâu xã uô cêr, tsov cưv krêz đar mênhv chêx tsêz chos. Đros tsoz chos tsênhv zos ciêv fix thiêz njuôs shôngz Bát độ, huyện Trấn Yên tưz paz txưv pox nhuôs xã Kiên Thành tsưr tsix uô kôngz lôngk lơưr tsưr ziv yiêz, ndar txos cxuôv yeiz thiv pluôs truôx vênhs. Zơưv Nguyễn Thế Phước, Bí thư huyện ủy Trấn Yên puz pâuz:

“Zuôr xar 5 shôngk tsưr tsix uô mak txos nhiv no tưz muôx tâu thax tsav tsêz chos chêx chôngk, đros têx ziv tsoz chos tsiêx tu zus muôx tsiv gri. Tas nro têx xiv huv no tâu sik côngv đros têx HTX thiêz doanh nghiệp hâur sâu zuôr xiv huv, viv li tsiv gri hâur uô kôngz nuv tâu muôz siêz, pox nhuôs luz nênhx tâu muôz siêz”./.

(Tuấn Xuân- Txâur Vax cxeik nhênhv)

Cxuô coz nas chuô uô ar poz muôx yưv hâur 6 luz hli hâur shôngk shông no tưz uô ruôr hiêv txos pêx xênhv nhoz huyện Mường La, tỉnh Sơn La têx vax tsêr thiêz cxuô zav, đros têx trâus ruôr hiêv, zos xav nhiêx tas xar muôx 3,6 tiv đêiv. Zơưv Nguyễn Văn Tâm, Trưởng phongx kôngz nuv huyện Mường La, Phưv trưởng ban sêiz car phax tar ntux têz uô ruôr hiêv-zok nriêr chơưv paz huyện Mường La puz pâuz:

“Ban sêiz car phax tar ntux têz uô hiêv tưz hêik sir jos bax phax tar txix ntơưv qơư. Ban sêiz car huyện tưz paz chor ban sêiz car phax tar ntux têz uô hiêv txix têx jêx jok cxiv luôs loa thôngz mông, chiê thâuv tưs muôx ntux nas chuô lox, lok sik têx phiv liv txơưr mak hêik trâu pêx xênhv pâuz sêi chiê phax tar, txar jav”./.

(Thu Thùy-Lik Thox cxêik nhênhv)