Ntơưv jiês cơưv Sơ kết côngz xưv taz por ngaz tuk zoz thôngz tỉnh Lào Cai 10 hli hâur shôngk shông 2018, Phưv chủ tịch UBND tỉnh Nguyễn Thanh Dương tưz hêik UBND thành phố Lào Cai tsuv chox kriê xưv lik truôx iz lênhx cán bộ nhoz Ban sêiz car Dự án Yưv pênhr cxiv tsa thành phố. Lênhx nênhs no đrâuv uô cxâuv lok hâuk chơưr bia thâuv tsar yêz ô tô, tsênhv tsik uô trơưk cêr chêi, tsik côngv đros lưx lươngv Cảnh sát Zoz thôngz hâur qênhz yuôx, xưv lik kror uô cxâuv.

Hâur six hơưv kaz shông 2018, chor lưx lươngv txơưx jênhv nhoz tỉnh tror huiz tôngv tas nro lưx lươngv, chuôz zênhx kriz uô qênhz yuôx, xưv lik truôx chor nênhs uô cxâuv lok hâuk chơưr, bia thôngx cxix hêik pâuz tsênhz mênhx lok chor nênhs no sâuv têx chuôz zênhx xa mông./.

(An Kiên-Lik Thox cxêik nhênhv)

Chiz coaz muôx txơưx jênhv nhoz tỉnh Điện Biên nhiv kruôr pov, ntês tâu iz lênhx nênhs thâux tsi trơưk chei chor los chav lox zuôr xar 5 yiv đruôz ntông far tôngx. Co zos Điêu Chính Ngoan ( xênhz shông 1996 nhoz xã Cà Nàng, huyện Quỳnh Nhai, tỉnh Sơn La) tưz zôngv yêz gox đêx thâux 830 ntâu luz los chav mul txos thax tsav buôk huyện Tủa Chùa thiêz huyện Quỳnh Nhai Sơn La. Nhiv no lênhx nênhs thiêz luz yêz gox đêx tưz trâus ntês cxov chiê phưx vưv côngz xưv qênhz yuôx. Công an huyện Tủa Chùa ( tỉnh Điện Biên) tsênhv đros têx chiz coaz muôx txơưx jênhv uô tiêr ntâuz ntơưr choz trâu chiz coaz muôx txơưx jênhv huyện Quỳnh Nhai ( tỉnh Sơn La) chiê yưr lir lơưr pháp luật li cui tênhv./.

(Vũ Lợi- Txâur Vax cxeik nhênhv)

Cơ quan cảnh sát qênhz yuôx Công an huyện Trạm Tấu, tỉnh Yên Bái nhiv kruôr tso tơưv cuêz tênhv khởi tố txuz án hình sự đros 4 lênhx nênhs uô cxâuv chêi muôl muôs lênhx nênhs.

Chor nênhs co zos Xú Xênhv Thox, Cu Xênhv Lik, zus shông 1988; Sử Xênhv Thox, zus shông 1998 thiêz Zax Xênhv Lik, zus shông 1997 puôr lênhx nhoz ntơưv xar La Pán Tẩn, huyện Mù Cang Chải. Ntơưv cơ quan qênhz yuôx, chor nênhs co jênhv tiêk tưz nziêk đas muôs Phàng Thị Sinh trâu iz lênhx nênhs tsik pâuz tsênhz nhoz Trung Quốc tâu 20 triệu đêiv thiêz muôz nhiêx siz phêiz. Nhiv no cơ quan cảnh sát qênhz yuôx Công an huyện Trạm Tấu tưz khởi tố chor nênhs co lok kror cxâuv nziêk đas muôl muôs lênhx nênhs./.

(Thừa Xuân-Lik Thox cxêik nhênhv)

Thâuv 5 six 30 phênhz hnuz 11/11, ntơưv jos Tân Lập, xã Lóng Luông, huyện Vân Hồ, tỉnh Sơn La, công an huyện Vân Hồ đros Công an huyện Mộc Châu thiêz têx taz viv Công an tỉnh Sơn La tưz ruôr yênhx côngz chuyên án, ntês tâu 1 lênhx nênhs muôx muôs zax zênhz. Co zos Pùa Láo Sáu, lok sik muôx luz bê txơưr zos Pùa Láo Súa xênhz shông 1967 nhoz jos Căng Ty, xã Chiềng Khùa, huyện Mộc Châu, tỉnh Sơn La. Sâu tâu 30 đeiv zax zênhz, 15 hnaz zax zênhz cxuô zav, 1 luz yêz ô tô thiêz iz cxiê chuôz zênhx txơưr muôx lênhx coaz. Nhiv no hâux lưv no tsênhv tror tâu qênhz yuôx uô cov tsênhz mênhx./.

( Tuyết Lan- Txâur Vax cxeik nhênhv)