Txix hnuz 29 txos 31/12/2019, ntơưv huyện Mường Tè, tỉnh Lai Châu zuôr muôx ntênhk hôiv lêiv poz pêz luz têz qơưk Việt Nam-Lào-Trung Quốc jiês tiv 6 shông 2019. Cxaz chuôz ntênhk hôiv zuôr muôx 1.000 lênhx nênhs tuôx txix chor tỉnh Điện Biên, Lai Châu (Việt Nam); huyện Nhọt U, tỉnh Phông Sa Ly (Lào) thiêz huyện Giang Thành, tỉnh Vân Nam (Trung Quốc). Ntênhk hôiv tâus cêr, hnar tsôngk yo mênhx cxưx, têx qơư piêr pâuz vênhx huôv, du lịch thiêz tsưr tsix têx zav uô si cxôngx nzor. Ntênhk hôiv zos xor xưv muôx tsiv gri lox chiê paz thơưz siz côngv, siz njiz nhoz chor huyện ntus đriv; paz thơưz huôv tsar kinh têr-xar hôiv, ngaz tuk, côx phax, cxiv tsa cêr sik côngv siêz, thôngx ziv nhoz Đảng, chính quyền, pêx xênhv thax tsav ntus đriv./.

(Khắc Kiên-Lik Thox cxêik nhênhv)

Hnuz ntênhs vênhx huôv mênhx cxưx Hmôngz huyện Điện Biên jiês tiv 4, shông 2019 nhiv kruôr tâu tsưr tsix ntơưv jos Loọng Luông, xã Mường Phăng, huyện Điện Biên, tỉnh Điện Biên đros 250 ntâu nghệ nhân, diễn viên cxaz chuôz tuôx cxôngx 11 xã sâuv thax tsav huyện Điện Biên. No zos jiês chiê tsôngv box mênhx cxưx Hmôngz tsi taz nhoz 11 xã sâuv thax tsav huyện mak tsênhv muôx têx huyện nhoz buôk co, tsôngv kruô nhoz cxuô qơư tâu sik njiz, nriêr pâuz lok tsôngv box mênhx cxưx Hmôngz li têx vênhx huôv jông.Đhâu co tror heik kriê vênhx huôv tiv phaz txos cxuô qơư, cxơưz tiês huôv tsar Kinh têr xã hội./.

(Báo DTMN- Txâur Vax cxeik nhênhv)

Sơn La cux tsênhv nhoz hâur bê ntơưr chor tỉnh tsik siz bâus tuz nxêik thâuv xênhz zus siêz tiv zix têz qơưk. Hâur 9 luz hli shông no, chor nhuôs xênhz zus zos 117,4 lênhx nênhs tuz sâuv 100 lênhx nhuôs nxêik; shông 2017 thiêz 2018, kror no jux juk zos 117,1 lênhx nhuôs tuz sâuv 100 lênhx nhuôs nxêik thiêz 116,8 lênhx nhuôs tuz sâuv 100 lênhx nhuôs nxêik. Tsik siz bâus nhuôs tuz nhuôs nxêik zuôr uô phiv liv ntâu txos xar hôiv, xuz thơưx mak zuôr muôx yênhx châuv lênhx hluôk nênhs Sơn La tsik muôx pox niêv hâur 10 txos 15 shông zuôr txos. Niêv tix Quàng Thị Bun, cán bộ phongx yax mông, Chi cục Dân số tỉnh Sơn La puz pâuz:

“Thâuv muk yax kriê ntơưv tiv phaz mak phiv liv tiv zix zos pox nhuôs li jênhv pâuz, ntâu qơư tsênhv kik, lơưr pâuz tsik tâu tsênhz txos têx phiv liv muôx yưv hâur tsik siz bâus nhuôs tuz nhuôs nxêik, xav ciês lơưr luz nênhx tov kaz no li chak cux pâuz tsik tâu. Tiv 2 zos iz lênhx cán bộ cộng tác viên sêiz car cux ntâu, cêr muk lok đêz, phiv liv…”./.

(Đắc Thanh-Lik Thox cxêik nhênhv)

Xav cxôngx hâur hlik hli 12 txos nhiv no, tsêr kho moz Sản nhi Yên Bái tưz tos jênhv zuôr xar 500 jiês nênhs moz tuôx seiz njuôs thiêz kho moz, hâur co muôx 250 ntâu zos mê nhuôs zâu tiv trâus moz cêr uô pa, moz njưk, thox plaz, moz kror njêx....Lơưr bác sĩ Nguyễn Thị Hường, tsar khoa mê nhuôs zâu- tổng hợp, tsêr kho moz Sản Nhi Yên Bái: Ntơưv khoa mê nhuôs zâu, iz hnuz tos muôx nhos 30 lênhx mê nhuôs tuôx seiz njuôs thiêz kho moz, muôx 120 txos 130 lênhx kho moz hâur tsêr kho moz, chuôz ndê 2 jiês pir đros thiêz ntu uô ntêx jiês no njiv no. Bác sĩ Hường heik:

“ Hâur cheix ntux no no tsi cxoz tso mê nhuôs nzuôr chêr ntâu, 2,3 mav nzuôr iz jiês. Thâuv mê nhuôs trâus no mak zôngx ziv trâus moz lok cêr uô pa. Cheix ntux no tsuv uô jông tuôr cov mê nhuôs sor si thiêz tsi puz mê nhuôs tơưv mul đrâuv jôngr ntâu”./.

(Thừa Xuân-Txâur Vax cxeik nhênhv)