Lơưr Sở Y têr tỉnh Yên Bái lok qênhx shênhx caz moz uô paz zos tiv caz moz corona uô muôx yưv moz, xav txos hnuz 11/2, tas nro chor nênhs xav tiêk trâus moz corona sâuv thax tsav tỉnh puôr lênhx tâu njuôk xav tiêk tsik trâus moz corona. Nhiv no, sâuv thax tsav tỉnh Yên Bái tsênhv yuôr muôx 100 ntâu lênhx nênhs tâu cêv kuôk, sêiz shuôk ntơưv tsêr thiêz côngv thôngx, tiv lok thiêz tuôx trâu Yên Bái txix qơư muôx caz moz tsik tâu đhâu 14 hnuz. Chor nênhs no cux tsik tâu pov lênhx tưs trâus moz corona. Zơưv Đỗ Đức Duy, Chủ tịch UBND tỉnh Yên Bái hêik:

“Nhiv no pêz tưz cxiv uô tsưr ziv lok six tsênhz mênhx chiê phax, tar caz moz corona lơưr 4 thênhv. Tas nro têx tsưr ziv uô no pêz puôr lênhx uô jông lơưr UBND tỉnh, têx Sở, nganhx thiêz UBND cxuô cấp hêik kriê. Khov lơưr têx kror muôx yưv, caz moz li txơưr txar mak pêz zuôr kriz uô têx tsưr ziv cov huv đros chiê tir tar tâu jông caz moz sâuv thax tsav”./.

(Thừa Xuân-Lik Thox cxêik nhênhv)

Txos iz jiês no, Phongx zoz zux thiêz thox cxov TP Sơn La tưz đros ngênhx muôx vax huôv uô tiêr luôs hâux lưv tsuôs yuôx tuô, lov caz moz ntơưv têx qơư nhoz cơưv ntơưr, vêv xênhz têx trôngx tos, qơư cơưv ntơưr, taz por phax tir thêir caz moz corona trâu shux xênhz nhoz hur tiz si cxuô luz tsêr cơưv. Phongx cux tưz chox kriê têx qơư zoz zux bax uô cxuô faz tsưr ziv chiê tok têx nhuôs shux xênz tror tuôx tsêr cơưv cơưv ntơưr đhâu six hơưv tso so, cxiv tsa tsưr ziv kriê thiêz cơưv cov huv đros trâu qơư cơưv, têx chuôz zênhx thiêz cưk kriê ntơưr muôx nhiv no. Zơưv Trần Quốc Bình, Phưv Tsar Phongx Zoz zux thiêz thox cxov TP Sơn La heik:

“Nhiv no hâur pêz tsav TP tsênhv muôx nhos 13 cxênhz lênhx shux xênhz nox nhoz hâur tsêr cơưv, cơưv ntơưr niêv txir zus mor, xav hur si txix cxênhx nhuôs zâu txos trâu cxênhx iz. Tsưr ziv mak pêz cux tưz xav lok six jông, iz zos tsuv sir jos uô luôs hâux lưv phax tar moz, nox siêr hâuk bâu thiêz qênhz shuôs jông têx zav nox. Zos tiêk caz moz huôv xênhz phiv liv, pêz zuôr xav txos iz tsưr ziv thiêz zos tax tso têx shux xênhz tsi nox mor hâur tsêr cơưv, tar su niêv txir tok têx nhuôs muk tsêr nox suk”./.

(TTTB-Riê Lâux cxeik, nhênhv)

Ntơưv tsêr mnov Bảo Hà nhoz Lào Cai, đros gra têx hnaz yuôx njuôz sâuv têk, chôngz lênhx nênhs nziêk đas tiêk zos nênhs zuôr yuôx, chiê nziêk pêx xênhv zuôr. Pâuz tsik tâu tsênhz chor yuôx co jông lok tsik jông, taz sik chor yuôx no cux tâu muôs txos 3,5 triệu đêiv iz cir. Txơưv civ lok cux tsik tsơưs nênhs tưz trâus đas zuôr têx yuôx co. Chor nênhs thêv gri nhiêx siêz tiv zix, zuôr ntâu yuôx tiv zix ho zos chor nênhs nziêk cov luôx têx zuôr xưz. Đhâu ciês thâuv chor kruô zuôr yuôx tas muk lơưv mak, chor nhiêx co ho tâu nênhs muôs yuôx muôz tror trâu chor nênhs nziêk đas zuôr yuôx co thiêz chor yuôx ho tror tâu muôz trâu nênhs muôs. Kror no tưz muôx ntâu nhoz cxiê qơư ntơưv tsêr mnov Bào Hà. Kror tsuv hêik zos Ban sêiz car hêik tiêk tsik pâuz, tsik pov, viv li lok six chôngz chor nênhs fêv nziêk đas cux tsênhv uô li no chiê muôs yuôx, đas nziêk tsôngv kruô zuôr txix oz pêz shông lok no./.

(VTV news-Lik Thox cxêik nhênhv)

Công an huyện Nậm Pồ, tỉnh Điện Biên nhiv kruôr đros hâu nov ntơưv qơư thiêz Công an xã Nà Bủng, huyện Nậm Pồ ro por tsês tas 300 xưv phaz liêx têz chos tsoz zênhz tsi trơưk chei ntơưv thax tsav ntus đriv, nhoz jê đriv têz têz qơưk Lol Tsuôk. Thax tsav qênhz pov chos zênhz ntơư nhoz đêz pêv har jôngr, lok six phiv liv mul lok, chênhr viv li, têx lưv lươngv muôx vax huôv tưz xav tsi tâu tâu shor zos lênhx nênhs tưs chol chor zênhz heik sâuv. Taz sik, tas nro têx têz zênhz no đhâu hlo co tưz tâu luôx, ro por tsês, choz trâu huyện Nậm Pồ chiê qênhz yuôx, xưv lik trơưk li chei têz qơưk cui tinhv./.

(Vũ Lợi-Riê Lâux cxeik, nhênhv)