Tror uô tsaz yênhx hâux lưv ntơưv tỉnh Điện Biên, têik cik 11/3, zơưv Phạm Minh Chính, Ủy viên Bộ chính trị, bí thư Trung ương Đảng, Trưởng Ban tsưr tsix Trung ương đros đoanx côngz xưv tưz muôx jiês uô hâux lưv đros lênhx tov tỉnh Điện Biên. Ntơưv jiês uô hâux lưv, zơưv Phạm Minh Chính hênhr kruôk têx chêx cur mak tỉnh Điện Biên tưz uô tâu hâur ntu đhâu. Taz sik đros iz luz tỉnh muôx ntâu kror li Điện Biên, Trưởng Ban tsưr tsix Trung ương hêik tiêk: Điện Biên tsuv sir jos đuô thiêz hâur côngz xưv qênhz shuôk cêv kuôk cán bộ; nriêr pâuz tsar tov chiê yưv pênhr huôv tsar. Đros co zos tsov cưv tir tar, txo grêk têx tsik jông, phiv liv, tsov cưv đuô txos côngz xưv hlôngr yiêz ntâuz ntơưr hành chính…/.

(Vũ Lợi-Lik Thox cxêik nhênhv)

Uô lơưr hnuz ciêz njuôz zos TW Đoanx phuôx tôngv, tas cik hnuz 11/3 tỉnh đoàn Yên Bái tsưr tsix hnuz Ciêz njuôz- uô lơưr tsaz yênhx “ Viv iz VN njuôz” ntơưv cei cêr 5, TP Yên Bái đros 2 cxênhz ntâu lênhx đoàn viên hluôk nênhs cxaz chuoz. No zos six hơưv chiê têx cấp bộ đoanx hâur tỉnh muôz siêz jênhv pâuz thiêz pưs txux txơưx jênhv hluôk nênhs thiêz côngv thôngx hâur côngz xưv por vêv tênhx qơư, tir tar qiv hơưv txơưr txar; phuôx huiz hluôk nênhs li siêz sei đrơưv, txưv zênhv thiêz txơưx jênhv hâur têx huôx tôngv por vêv tênhx qơư, đhâu co gôngr phênhv muôz siêz tsôngv box li siêz xar por vêv tênhx qơư hur đu-njuôz thiêz jông jav./.

(KT- Txâur Vax cxeik nhênhv)

Nhiv kruôr đhâu, tỉnh Sơn La sik côngv đros Đảng ủy Quân chủng Hải quân tsưr tsix jiês cơưv cir jênhv tsaz yênhx yax kriê lok đêx hiêr, poz hiêr. Tsaz yênhx sik côngv yax kriê đêx hiêr, poz hiêr zos 10 tsênhv njiêz, li: sik côngv yax kriê sâuv cxuô chuôz zênhx xa mông; sik côngv tsưr tsix chor huôx tôngv nhoz taz viv Hải quân đros chor tiv phaz, tsưr tsix đoanx thể tỉnh Sơn La; sik côngv tsưr tsix chor huôx tôngv piêr pâuz…Chuẩn đô đốc Đoàn Văn Chiều, phưv chủ nhiệm chính trị Quân chủng Hải quân puz pâuz:

“Tiv zix hnuz no, Tỉnh ủy thiêz Đảng ủy Quân chủng Hải quân tưz cir jênhv tsaz yênhx sik côngv yax kriê lok đêx hiêr, poz hiêr. Têx siêz jông Đảng bộ, chính quyền, pêx xênhv tỉnh Sơn La tsês trâu Hải quân zos kror jông chiê tôngv vênhx bộ đội Hải quân tso siêz, sir jos uô tiêr jông zuk têx jênhv vưv tâu choz”./.

(Hoàng Long-Lik Thox cxêik nhênhv)

Hnuz ntênhs “ Sik tưr lênhx nênhs txơưx njê” tâu Phongx zaoz zux thiêz thox cxov thành phố Lai Châu tsưr tsix hnuz xiêz 10/3. Cxaz chuôz Hnuz ntênhs muôx 160 ntâu lênhx shux xênhz têx khối lớp 3,4,5 nhoz 9 tsêr cơưv sâuv thax tsav thành phố. Têx shux xênhz thik 3 phênhv đros 30 ntâu lul nus muôx lênhx coaz txos vênhx huôv xã hôiv, lix xưv, địa lý, xav fax, lul việt, lul đrâuv luôk oz chas têz qơưk....Ban tsưr tsix tưz khơưk muôz 16 giải trâu têx shux xênhz muôx yênhx tix siêz hâur co muôx 2 giải 1, 4 giải 2 thiêz 10 giải 4./.

( KT-Txâur Vax cxeik nhênhv)