Ban Thường vụ Đảng ủy Dân chính Đảng tỉnh Điện Biên nhiv kruôr tsưr tsix phêv ziv fuô kriê Nghị quyết t.Ư 7 khóa 12 thiêz Ban Bí thư Chỉ thị sôr 23 CT/TW. Dưv phêv ziv muôx 300 lênhx đại biểu BCH Đảng bộ Dân chính Đảng; hâu nov têx ban, văn phongx Đảng ủy, têx đoanx thêv nhoz hâur co. Đhâu hlo phêv ziv, têx tsưr tsix đảng, đoanx thêv zênhx max cxiv tsa tsưr ziv tsưr tsix fuô kriê cơưv shâuv thiêz yax kriê 3 Nghị quyết thiêz Chỉ thị trâu têx canr bôv, đảng viên ntơưv zuk taz viv./.

(KT-Riê Lâux cxeik, nhênhv)

Hâur 6 luz hli kaz shông, tỉnh Sơn La njuôk xav zuôr uô tiêr thiêz muôz lok sir zôngv 10 ntâu côngz trinhx cungz đêx xênhz huôx, paz trâu xar muôx 43.000 lênhx nênhs nhoz têx jêx jok tâu sir zôngv đêx hur tax ploz tsênhr Bộ y tế. taz sik, tiv Sơn la zos luz tỉnh tox siêz muôx thax tsav đar, pêx xênhv li txux chi tsik siz bâus, iz cxiê pêx xênhv cux tsênhv xav tiêk têx đêx no tâu tok txix têx cưx ha, kror đêx zos đêx hur, uô trâu côngz xưv lôngx đhok, tso đêx, kho đuô têx côngz trinhx đêx hur tsênhv yuôr ntâu kror phiv liv. Zơưv Trần Văn Hải, phưv giám đốc tsênhv qơư đêx hur thiêz vêv xênhz tênhv qơư Sơn La puz pâuz:

“Hâur 6 luz hli kaz shông mak sir jos cxiv uô đros yax kriê. Zos cxiv tsa mak taz por tsơưr lươngv, uô huv li hux thôngx; yax kriê, hêik pêx xênhv gra siêz jênhv pâuz lok đêx hur thiêz đros tsưr yưv pênhr cxiv tsa têx tsưr ziv, chor tsưr tsix sêiz car chiê taz por côngz trinhx tâu phuôx huiz muôx chêx cur cov truôx jông”./.

(Trấn Long-Lik Thox cxêik nhênhv)

Chiê uô tâu luôs hâux lưv tas nro ngênhx kôngz nuv uô tâu muôx 6.920 tỷ đeiv ntâu hâur shông 2018, six hơưv zuôr txos, ngênhx kôngz nuv tỉnh Yên Bái zuôr tror sir jos fuô uô “Đêx anr hlôngr yiêz ngênhx kôngz nuv” rêik đros cxiv tsa jêx jok yiêz lơưr tsưr ziv gra siêz tsơưr lươngv têx xiv huv, sik côngv tês huôv tsar uô truôx cxuô luôs hâux lưv; chox kriê uô têx kôngz tâu trơưk tsưr ziv siêz xar. Iz chas ntơư chuôz tsar tiês cxơưz cxiz muôv muôs, cxiv uô qơư têx xiv huv jông, piêr kriê, đas cir bê têx xiv huv kôngz, jôngr nuv hâur tỉnh./.

(KT-Riê Lâux cxeik, nhênhv)

Txos six hơưv nhiv no, 8 lênhx nênhs tsik pov hâur jiês ntux nas đêx ngaz cuôr thiêz ar poz nhoz Lai Châu cux tsênhv tsik tâu nriêr pov txơưv côngz xưv zok nriêr tsênhv tâu lưx lươngv dân quân thiêz chính quyền xar sir jos kriz uô. Lok hâux lưv zok nriêr chor nênhs tsik pov, zơưv Lê Trọng Quảng (Phưv chủ tịch UBND tỉnh Lai Châu) puz pâuz: UBND tỉnh tưz choz trâu chor huyện sêiz car hâux lưv zok nriêr. Txos six hơưv no mak tsik pov kaz zok lơưv, zos chính quyền tiv phaz thiêz chor chuôz zis thôngx ziv mak zuôr tso tsês côngz xưv zok nriêr./.

(KT-Lik Thox cxêik nhênhv)