Hmo 11/7, ntơưv tsênhv qơư hôiv nghị tỉnh, Ủy ban mặt trận têz qơưk tỉnh Yên Bái tsưr tsix jiês hênhr kruôk tập thể, tiz nênhs uô tâu hâux lưv jông cxiv vênhv tôngv “Tas nro sơưr đơưk cxiv tsa jêx jok yiêz, đô thị vav mênhx”. Ntơưv jiês hênhr kruôk, 10 tập thể thiêz 10 lênhx nênhs tâu Ủy ban tỉnh Yên Bái khơưk muôz ntơưr kruôk thiêz 45 lênhx nênhs tâu Ủy ban mặt trận têz qơưk tỉnh khơưk muôz ntơưr kruôk viv tưz muôx têx hâux lưv uô jông muôx chêx cur hâur cxiv vênhv tôngv no./.

(Báo Yên Bái-Lik Thox cxêik nhênhv)

Tas cik hnuz 11/7, tỉnh Điện biên tsưr tsix Ntênhs chiv nhênhv 70 shông Hnuz chax chês lưx lươngv vũ trang tỉnh (12/7/1947-12/7/2019) thiêz tos jênhv Huân chương por vêv têz qơưk hov 2. Phuôx plov ntơưv ntênhs chiv nhênhv, zơưv Mùa A Sơn, chủ tịch UB tỉnh heik mênhx: hâur six hơưv zuôr txos, njuôs xav thax tsav muôx ntâu têx kror jông thiêz phêv liv, viv li lưx lươngv vũi trang tỉnh tsuv tsi so sir jos, tơưv txênhz, uô tiêr jông cxuô jênhv vưv tâu choz...

“Phuôx huiz lưx lươngv vũ trang tỉnh li cêr chax chês 70 shông cxiv tsa tơưv txênhz thiêz huôv tsar, hâur six hơưv zuôr txos cán bộ chiến sỹ têx lưx lươngv vũ trang truôx siêz chuv tôngv njuôs pov, uô jông côngz xưv, cxiv tsa quân đội truôx vênhs tas nro, tuôv zênhv zoz qơưx por vêv têz qơưk hâur ntu nhiv no”./.

(An Kiên- Txâur Vax cxeik nhênhv)

Piz txix iz đraz hlik hli 7 thiêz hli 8 zos six hơưv tỉnh Sơn La tsưr tsix chor xor xưv paz thơưz thương mại muôs kôngz nuv tơưv saz đrâuv têz qơưk. Kriz uô zos ntênhk ciêz txir lưv tsiz thiêz kôngz nuv ngaz tuk tỉnh Sơn La shông 2019 ntơưv siêu thị BigC Thăng Long (Hà Nội) zuôr tsưr tsix txix hnuz 17-27/7 thiêz ntơưv tỉnh Sơn La txix hnuz 8-19/8; xor xưv txir lưv tsiz thiêz hax huv kôngz nuv ngaz tuk tỉnh Sơn La shông 2019” tsưr tsix oz kror qơư ntơưv Hà Nội txix hnuz 24-31/7. Đros co, hnuz hôiv txir lưv tsiz Sông Mã shông 2019 zuôr tsưr tsix txix hnuz 2-3/8 ntơưv tsênhv qơư huyện Sông Mã; tsưr tsix kriz uô qơư muôs, piêr pâuz hax huv ngaz tuk, muôs trâus oz chas têz qơưk, piêr pâuz du lịch thiêz paz thơưz yưv pênhr tỉnh Sơn La ntơưv Hà Nội hnuz 5/8, ntơưv Quảng Ninh thâuv iz đraz hlik hli 7 thiêz ntơưv tỉnh Sơn La txix hnuz 21-25/8./.

 (Tuyết Lan-Lik Thox cxêik nhênhv)

Nhiv kruôr đhâu, UB MTTQVN thiêz Phongx lox tôngv saz pênhz thiêz xã hội huyện Sa Pa tỉnh Lào Cai tưz đros UB xã Bản Hồ muôz nhiêx txiêx paz txưv trâu tsôngv box trâus ruôr hiêv tiv ntux nas. Lơưr lênhs tov huyện SA Pa li chox kriê, uô ntêx, paz txưv 10 chuôz zis trâus ruôr hiêv hnhar lok tsêr nhoz. Tsênhz mênhx, paz txưv 2 chuôz zis trâus ruôr hiêv hnhar lok tsêr nhoz iz ziv 50 tsov đeiv; yuôr 8 ziv txơưr iz ziv tâu paz 20 tsov đeiv. Têx chuôz zis trâus đêx cuôr lơưv chuôz zênhx chuôz tas, ruôr hiêv kôngz lôngk zuôr jênhv tâu phênhv paz txưv tsov lơưr têx trâus ruôr hiêv./.

(VOV4-Txâur Vax cxeik nhênhv)