Sâuv thax tsav tỉnh Lai Châu nhiv kruôr muôx ntux lok nas lox. Ntux nas tưz uô ar poz ntơưv cêik cêr 11+100, txos cêr 12, uô trâu ntu cêr txix huyện Phong Thổ muk trâu trôngx đriv Ma Lù Thàng muk lok tsik tâu thiêz iz cxiê ntu cêr li: 129 txix thành phố Lai Châu muk huyện Sìn Hồ; 133 txix huyện Tân Uyên muk Sìn Hồ cux muôx yưv ar poz, uô cêr muk lok tsik tâu. Zơưv Nguyễn Văn Hưởng, Giám đốc Sở Zoz thôngz Vận tải tỉnh Lai Châu puz pâuz: Nhiv no, chor qơư muôx ar poz tsênhv tâu têx taz viv sêiz car cêr bax chuôz zênhx, cxuô zav chiê thoz huk. Sở cux tưz hêik têx taz viv sik côngv đros chinhr quyền ntơưv qơư bax nênhs chiê qênhz shuôk têx cêr, nriêr pâuz tsênhz têx qơư muôx ar poz, phiv liv chiê kriz uô têx tsưr ziv khưx phưx cov taz por ngaz tuk trâu chor nênhs muk lok đhâu têx cêr./.

(Khắc Kiên-Lik Thox cxêik nhênhv)

Hnuz 11/8, 12 shux xênhz zos tsôngv box Lào Cai tưz tâu choz trâu Tsêr cơưv cao đẳng thênh khoáng cxax VN chiê thox cxov, cam kết muôx hâux lưv uô đhâu 4 luz hlik thox cxov. No zos iz hâur têx hâux lưv sik côngv, heik kriê hâux lưv uô muôx ziz njiêz, tiv zix zos hâur qênhx shênhx moz Covid-19 tsênhv huôv xênhz phêv liv. Chiê taz por phax tar moz, tas nro têx shux xênhz tâu muk thox cxov tsuv njuôs siv caz moz SARS Cov 2 uô ntêx thâuk sơưr cêr muk tsêr cơưv. Lơưr zơưv Trương Hồng Trường, Giám đốc Tsênhv qơư jix vuv hâux lưv uô tỉnh Lào Cai, moz Covid-19 huôv xênhz uô zênhr shar ntâu txos huôx tôngv thox cxov hâux lưv uô, thâuv tsênhz mênhx mak doanh nghiệp li zoz qơưx xeir zuôr lox tôngv, cux xưk li nênhs lox tôngv li zoz qơưx nriêr hâux lưv uô tsênhv lok six lox. Zơưv Trương puz pâuz: Hâur têx lênhx nênhs lox tôngv Lào Cai tâu muk thox cxov, 65% zos tsôngv box mênhx cxưx tsơưs nênhs nhoz hov hnuz nhôngs cxôngx 18 txos 35 shông./.

(An Kiên-Txâur Vax cxeik nhênhv)

Shông cơưv 2021-2022, UBND tỉnh Sơn La tưz tso tơưv ntâuz ntơưr chiê shux xênhz phôv thôngz thiêz zoz zux thường xuyên  hâur thax tsav tỉnh zuôr piz tuôx tsêr cơưv ntơưr trâu hnuz 16/8/2021; ciês cxênhx cơưv nhuôs zâu mak tuôx tsêr cơưv trâu hnuz 1/9/2021. Têx qơư thiêz chor shux xênhz tuôx tsik tâu trâu tsêr cơưv ntơưr huv li hnuz nhôngs cui tênhv, Sở Zoz zux zuôr nzor hêik trâu UBND tỉnh pâuz chiê muôx tsưr ziv kriz uô cov huv đros.

Hnuz kriz cơưv, tas nro cxuô cấp cơưv nhuôs zâu, phôv thôngz thiêz zoz zux thường xuyên zuôr kriz cơưv trâu hnuz 5/9/2021. Njuôk xav shông cơưv zuôr tâu cơưv suôv câuv trâu hnuz 31/5/2022./.

(TTTB-Lik Thox cxêik nhênhv)

Đhâu 4 luz hlik khiêr tơưv muk đhâu qơư cơư tux Hồng Ca (Yên Bái), tas cik hnuz 11/8, Triệu Văn Tài tror trâus ntês cxov ntơưv huyện Văn Bàn, tỉnh Lào Cai. Văn Bàn cux zos qơư nênhs phamv cxâuv no đăng cir hộ khẩu nhoz uô nênhx thâuv muôx cuiz tênhv trâus cơư tux. Uô ntêx co, kaz shôngk shông 2020, Triệu Văn Tài (mênhx cxưx Cho xênhz shông 1978, nhoz xã Sơn Thủy, huyện Văn Bàn, tỉnh Lào Cai) trâus cơư tux ntơưv qơư cơư tux Hồng Ca viv tuz saz tuz nhiês. Txos hnuz xiêz 3/4/2021, Tài nhiês khiêr tơưv tâu muk thiêz tưz muôx lênhv nriêr zok lênhx nênhs no.

Uô ntêx thâuv trâus ntês cxov ntơưv Văn Bàn, nênhs phamv cxâuv no tưz muôx 2,3 jiês trâus nriêr pov, taz sik nưs tưz khiêr đrêiv./.

(An Kiên-Txâur Vax cxeik nhênhv)