Nhiv kruôr đhâu, UB huyện Phong Thổ, tỉnh Lai Châu tsưr tsix ntênhs uô tiêr Qơư y tế xã Huổi Luông- zos Đại tướng Trần Đại Quang, kuz Bộ trưởng Bộ công an, nhiv no zos Chủ tịch têz qơưk Việt Nam li iz phênhv huv khơưk muôz trâu xã. Côngz tsinhx qơư y tế xã Huổi Luông tâu yưv pênhr cxiv tsa cxôngx hnuz 12/8/2016 muôx 1 qơư seiz njuôs thiêz kho moz 2 yôngx, 2 luz kror chuz uô mor, qơư tsav yêz, kror chuz hlơưr têx vuôz tsuôz kiês nênhs thiêz têx côngz tsinhx txơưr. Txos hnuz xiêz 4/9/2017, côngz tsinhx uô tiêr taz por zoz qơưx zuôr trâus tâu thôngz đhâu đros pênhr yưv uô zos 5 tỷ đeiv. Côngz tsinhx muôx ziz njiêz coaz tsôngv gôngr phênhv muôz siêz tsơưr lươngv seiz njuôs thiêz kho moz trâu tsôngv box xã Huổi Luông./.

(KT- Txâur Vax cxeik nhênhv)

Lơưr nganhx y tế Lào Cai hêik pâuz, ntu jê lok no, chor nênhs moz suôz liêz nhoz tiv phaz cux tsik so chuôz ndê. Txos six hơưv no tas nro tỉnh Lào Cai tưz muôx 84 lênhx nênhs, hâur co 61 lênhx nênhs tưz tơưv tsêr kho moz, 21 lênhx nênhs tsênhv tâu chơưv kho ntơưv chor tsêr kho moz sâuv thax tsav. Ciês hâur 3 hnuz so ntênhk 2/9 nhiv kruôr đhâu, tas nro tỉnh tưz muôx nzir 9 lênhx nênhs moz suôz liêz yiêz. Hâur tas nro chor nênhs trâus moz suôz liêz, 98% nênhs moz zos muôx moz txix têx qơư txơưr đuô. Nhiv no, côngz xưv phax tar thiêz chơưv kho moz suôz liêz tâu nganhx y tế tỉnh Lào Cai sir jos uô chiê tir tar caz moz huôv xênhz lox. Zơưv Nguyễn Văn Sửu, Giám đóc tsênhv qơư phax tar caz moz-Sở y tế tỉnh Lào Cai puz pâuz:

“Đros xar muôx 100 lênhx nênhs trâus moz suôz liêz hâur ntu đhâu, pêz tưz muôz nyar muk njuôk shuôk, chor nênhs trâus moz mak tâu hêik pâuz thiêz chơưv kho ciês, đhâu co paz trâu côngz xưv phax moz, kho moz muôx tâu chêx cur, chor nênhs trâus moz mak cux tâu cêv kuôk, chơưv kho lok six jông”./.

(An Kiên-Lik Thox cxêik nhênhv)

Phòng cảnh sát qênhz yuôx nênhs phamv cxâuv lok zax zênhz- Công an tỉnh Yên Bái nhiv kruôr ntês tâu 2 lênhx nênhs muôv muôs zax zênhz, sâu tâu 2 poz zênhz đơưz. Lương Xuân Hiếu xênhz shông 1976 nhoz xã Bản Vược huyện Bát Xát, tỉnh Lào Cai thiêz Tô Thị Thu Hương xênhz shông 1976 nhoz tuêv 7, xã Đồng Tuyển, TP Lào Cai tưz trâu tuêv côngz xưv Phòng cảnh sát qênhz yuôx nênhs phamv cxâuv zax zênhz- Công an tỉnh Yên Bái ntês cxov viv muôv muôs zax zênhz thâuv 4 six zar hnuz keix hnuz xiêz 9/9/2017 ntơưv jos Bảo Yên, xã Minh Bảo, TP Yên Bái. Đrâuv 2 poz zênhz đơưz tsênhv sâu tâu 2 luz điện thoại, 6,5 tsov đeiv thiêz 2 luz yêz ô tô. Chiz coaz cảnh sát qênhz yuôx Công an tỉnh Yên Bái tưz krêz tik cêr cxâuv hâux lưv no đros 2 lênhx nênhs phamv cxâuv Lương Xuân Hiếu thiêz Tô Thị Thu Hương lok hâux lưv muôv muôs tsi trơưk chei zax zênhz chiê yưr lir lơưr cêr chei li cui tênhv./.

(Đinh Tuấn- Txâur Vax cxeik nhênhv)

Công an huyện Mường Nhé, tỉnh Điện Biên, nhiv kruôr ruôr tâu yênhx côngz 6 chuyên án thâux gra, muôl muôs tsik zos chêi tsơưr zax zênhz txix Lào lok Việt Nam, cxov tâu 7 lênhx nênhs đros chor zax zênhz sâu tâu xar muôx 5.000 gam. Đại tá Nguyễn Ngọc Tường, Trưởng công an huyện Mường Nhé puz pâuz: Chiê ruôr tâu 6 chuyên án no, Ban chuyên án Công an huyện Mường Nhé tưz kriz uô đros cxaz nzir lưx lươngv sik côngv đros tổ côngz xưv 420 xã Mường Tong thiêz Đônx Công an xã Mường Tong phêiz uô 6 tổ sêiz jor ntơưv chor thax tsav sâuv ntu ntus đriv Việt-Lào huyện Mường Nhé. No chuôs li zos chor nênhs muk trâu saz lào uô jos nriêr nhiêx zuôr zax zênhz chox lok chiê muôs trâu chor nênhs muôx zênhk zax zênhz thiêz chox muk muôs trâu têx qơư txơưr đuô./.

(Vũ Lợi-Lik thox cxêik nhênhv)