Hnuz 12/10, Tỉnh ủy Lào Cai cơưv pov tsir lok Đại hội đại biểu Đảng bộ tỉnh jiês tiv 16, ntu 2020-2025.

Heik ntơưv jiês cơưv, zơưv Mai Đình Định, Tsar ban Tuyên giáo Tỉnh ủy, Tsar mêr ban yax kriê uô Đại hội heik pâuz, tỉnh Lào Cai Đại hội jiês tiv 16 zuôr txos no, zuôr muôx ntâu hlôngr yiêz đuô pir li ntu uô ntêx.

“Tiv iz, Lào Cai jiês xuz thơưx muôx tsaz yênhx uô lơưr Nghị quyết muôz lok seiz lax ciês hâur Đại hội. Kror yiêz tiv 2 zos Đại hội zuôr ntâuk grê lok lênhx nênhs thiêz tsôngv box cxuô heir nênhs nhoz Lào Cai li têx cêr sik thôngx siêz, sik paz hâur lês uô têx hâux lưv uz no. Iz kro yiêz thiêz zos Đại hội zuôr tso tơưv tsưr ziv huôv tsar Lào Cai txos shông 2030 thiêz shông 2045, têx li heik no cux fiv đros trâu Đại hội Đảng tas nro têz qơưk jiês tiv 13 zuôr txos ntơư têx tsưr ziv xar”./.

(An Kiên-Riê Lâux cxeik, nhênhv)

Nhiv kruôr đhâu, ntơưv Ủy  ban Mênhx cxưx qơư uô hâux lưv tưz muôx tsaz yênhx sik njiz “Txêik tok chor shux xênhz yiêz mênhx cxưx Cho thiêz thôngx ziv tsênhv njiêz cxaz chuôz ntênhk hôiv Bàn Vương” zos Ban liên lạc hêir nênhs Cho tsưr tsix.

Ntơưv jiês njiz, Ban liên lạc hêir nênhs Cho tưz khơưk muôz chor nênhs siêz jông, têx doanh nghiệp li ntâu kror huv trâu chor shux xênhz yiêz thik tưr tâu siêz hâur jiês thik cơưv tiêr ntơưr cxênhx pêz têz qơưk thiêz đại học shông 2020. Triệu Thị Nguyệt Ánh, nhoz Văn Chấn, Yên Bái, zos shux xênhz yiêz tuôx cơưv Khoa xar hôiv học, Đại học Khoa học xar hôiv thiêz nhân văn đros tax tâu điểm cơưv đại học siêz hâur chor shux xênhz mênhx cxưx Cho yiêz shông no (muôx 28 điểm) hêik:

“Cur tsêr nhoz ntơưv huyện Văn Chấn. Cur lok six shir phaz thâuv tâu chor uô tix sơưr đơưk hêik kriê thiêz paz trâu zuk. Cur pov zuk mênhx cxưx chor vênhx huôv lok six jông, cur xar tuôr chiê thiêz phuôx huiz chiê sik đros huôv tsar”./.

(VOV4-Lik Thox cxêik nhênhv)

Tsuôk hâur 2 shông 2019, 2020, canr bôv, chiến sĩ nhoz zênhx Pênhz phax Mường Lạn thiêz Đội huôv tsar uô têx za hâux lưv sôr 1 nhoz Đoanx Kinh tế-Côx phax 326 hâur thax tsav xã Mường Lạn, huyện Sốp Cộp, tỉnh Sơn La tưz tsưr tsix tâu 7 lớp kriê hâur pâuk ntơưr trâu 200 ntâu lênhx, hur si têx lênhx lâuk, tuz nxeik hluôk tsi tâu pâuz ntơưr. Pâuz ntơưr, hâux lưv fuô kriê Đảng, têz qơưk têx chei txos trâu tsôngv px cux zôngx ziv đuô. Têx uô tâu co cux zos khov muôx tsi tsơưs Trung úy-lênhx cưk kriê bôv đôiv pênhz phax Vax Lao Lừ li têx tsưr ziv, đas jos paz. Bí thư Đảng ủy xã Mường Lạn Tòng Văn Hòa heik:

“Txơưv tiêk tsi tâu tâu cơưv đhâu lok sâuv têx txux chi tsưr ziv kriê ntơưr, taz sik đros thiêz cêr moz siêz, hur tiz si viv tsôngv lax px, mak chor cưk kriê ntơưr bôv đôiv pênhz phax tưz uô jông têx hâux lưv zok muôz, tiz jông max mav kriê têx tsưr ziv sâu ntơưr, nhênhv ntơưr....trâu têx lênhx nênhs cơưv. Chor tuz lênhv têx hâux lưv uô co tưz tsênhv tsênhv yênhx têx cêr chi cax thiêz jông hâur luz nênhx niêx hnuz, tâu px njênhs, nhiêv txos, hu zâuv tâu chôngz lênhx ntâu tus tuôx đros cơưv ntơưr”./.

(VOVTB-Riê Lâux cxeik, nhênhv)

Uô lơưr hli viv nênhs lâul Việt Nam shông 2020, Tsêr kho moz Y học cổ truyền tỉnh Lai Châu sik côngv đros Tỉnh đoàn, Hôiv nênhs lâul thiêz Viettel Lai Châu nhiv kruôr kriz uô tsaz yênhx hêik pâuz đas jos, njuôk kho moz trâu 500 lênhx nênhs lâul thiêz nênhs trâus tsơưr tưx da cam ntơưv tsêr kho moz Y học cổ truyền tỉnh. Tuôx njuôk shuôk moz, chor nênhs lâul zuôr tâu hêik pâuz lok tsưr ziv nox hâuk huv đros, cxix cxuô tsơưr pưr shưz, têx tsưr ziv chiê cơưv shâuv đas jos cov paz muôx đas jos thiêz phax tar têx zav moz; tiv zix zos iz cxiê zav moz tsik so muôx nhoz chor nênhs lâul li lênhs plơưr, tso jik kaz jiz, têx zav moz lok kror muôs… Đhâu njuôk moz, chor nênhs lâul puôr lênhx tâu muôz yuôx chiê kho moz tsik tas nhiêx txiêx…/.

(VOV4-Lik Thox cxêik  nhênhv)