Đhâu 30 ntâu shông huôv tsar chos cà phê, Sơn La nhiv no zos tỉnh muôx thax tsav cà phê lox tiv zix faz Bắc, đros muôx zuôr xar 20.000 héc ta, njuôk xav sâu tâu xar muôx 30.000 tấn nôngz cà phê. Nhiv no, 16.500 ntâu héc ta cà phê tâu cungz jênhv UTZ; 88 héc ta tâu cung jênhv VietGAP; zuôr xar 100 héc ta cà phê zos têx zav cà phê kaz. Chiv shông 2021-2022, Sơn La chor cà phê muôs tơưv saz đrâuv têz qơưk njuôk xav tâu muôx 26.500 tấn trâu chor têz qơưk Đức, Mỹ, Ấn Độ… Cà phê Sơn La cux zos iz hâur Việt Nam li 20 hax huv OCOP hov 5 xuz thơưx ciês, tâu nênhs sir zôngv hâur thiêz saz đrâuv têz qơưk ntâuk gri siêz. Thax tsav chos cà phê Sơn La tsênhv khơưk muôz bằng lok thax tsav chos “Cà phê Sơn La”, zos yênhx hax huv kaz jông ntơưv thax tsav qơư. Zơưv Nguyễn Thành Công, Phưv chủ tịch Ủy ban tỉnh Sơn La puz pâuz:

“Tỉnh tsêx trung qênhz shuôk, ntâuk gri tas nro chor thax tsav chos cà phê, txix co tror chos đuô chor cà phê txix têx zav zuz nôngz yiêz, tiv zix zos tsêx trung chor zuz nôngz cà phê tsơưr lươngv siêz thiêz cà phê kaz jông nhoz Sơn La. Tsêx trung chiê uô, sâu zuôr muôs thiêz muôs tơưv saz đrâuv têz qơưk cà phê truôx tuk sâuv thax tsav tỉnh, hâur têz qơưk thiêz sâuv ntiêx têz…”./.

(Lê Hạnh-Lik Thox cxêik nhênhv)

Tsưr tsix kôngz  krâur Liên Hợp quốc nhiv kruôr đros Chi cục yuôx jôngr Sơn La, tsưr tsix choz thiêz lênhk nhav iz tus đêik lox ntơưv iz chuôz zis nhoz huyện Phù Yên, tỉnh Sơn La chox muk tso trâu ntơưv qơư por hưv têx đêik Ninh Bình. Đhâu jiês no, tỉnh Sơn La qir tso tsês luôs hâux lưv cơư zus têx đêik. Tus đêik co tâu zus ntơưv iz chuôz zis pêx xênhv txix shông 2000, zos tus đêik uô kaz ciês hâur tỉnh Sơn La cơư zus, hnhar xar muôx 60 cir. Đhâu thâuv cxax yuôx cov tus đêik co lôngx, chor nênhs tu zus tưz qênhz njuôk shuôs đas jos thiêz đhâu qênhz shuôs, pov tus đêik co trâul moz jiz poz jêz, moz siêz thiêz moz kror ndâux. Txuôk lơưr ntơư, lơưr tưz muôz tus đêik co tso trâu hâur tơưz thiêz thâux muk tso trâu qơư por hưv đêik Ninh Bình. Thâuv thâux xa muk trâu Ninh Bình, tus đêik tâu qênhz njuôk shuôs tsi so thiêz muôx cưk kho moz tsiêx cxu đros muk hur si. Đhâu 20 ntâu shông trâul cơư nhoz hâur tơưz, luôs hâux lưv uô no qir uô tỉnh Sơn La yênhx tỉnh tiv 41 ntơưv VN zuôr tsi uô hâux lưv cơư, zus đêik nzir./.

 (Trấn Long-Riê Lâux cxeik, nhênhv)

Tôv côngz xưv zos Công an huyện Điện Biên sêiz shuôk sik côngv đros chor lưx lươngv muôx vax huôv tỉnh Điện Biên, thâuv tsênhv uô hâux lưv ntơưv thax tsav jok Nậm Hẹ, xar Hẹ Muông, huyện Điện Biên tưz pov, cxov tâu iz lênhx txir nênhx tsênhv thâux gra tsik zos chêi zax zênhz. Sâu tâu 4 đêiv zênhz đơưz hnhar muôx 1400g. Ntơưv cơ quan công an, lênhx nênhs co hêik pâuz tiêk zos Dính Xênhv Lâux (zus shông 1997), nhoz ntơưv jok Púng Bửa, xar Na Ư, huyện Điện Biên. chor zax zênhz co tâu zuôr ntơưv thax tsav ntus đriv Lào,  thâuv tsênhv chox muk muôs chêk trâus lưx lươngv muôx huôv pov thiêz cxov tsês./.

(Vũ Lợi-Lik Thox cxêik nhênhv)

Tsưr tsix txix hnuz xiêz 10-12/12, tsôngv kruô sơưr đơưk tuôx trâu ntênhs hôiv cheix ntux no Bắc Hà, Lào Cai- cux tâu pov, seiz njiê têx txux chi cêr lov jêv jông li: Cheix nênhk siz tưr đhiê. Iz chas co, têx txux chi cêr nênhx vênhx huôv jông nhoz thax tsav tox siêz no cux tâu nthuôr uô đros trâu sik tưr thik uô têx zav nox kaz; piêr kriê têx đuôz jông ju lix Bắc Hà; hu gâux heik cưr cxiêx uô si lov jêv….. Ntênhs hội cheix ntux no Bắc Hà shông no tsênhv muôx ntâu kror jông uô trâu tsôngv kruô sơưr đơưk seiz njiê tsi đhuôr li: Sik tưr xơưs uô têx pax ntâuz, tsôngk yo tiêz hnar….thiêz. Hâur hmo krêz uô lov jêv 11/12, huyện Bắc Hà cux côngz fur di sản cấp têz qơưk trâu ntếnh hôiv sik tưr cheix nênhk đhiê thiêz “xơưs, nriê têx pax, xor liêz njuôz jông jav trâu nênhs Hmôngz nhoz Bắc Hà li têx chêr tsôngk hnar”, iz chas co côngz fur Quyết tinhv côngk nhav di tích jông cấp tỉnh trâu Zênhx Bắc Hà./.

(An Kiên-Riê Lâux cxeik, nhênhv)