Hôiv thao “Chiến sỹ Công an muôx jos, sik tưr đhiê vũ trang-đhiê đêz” lưx lươngv Công an Sơn La shông 2018 kriz uô têik cik hnuz 12/3, đros muôx 40 ntâu đoanx, zuôr xar 300 lênhx nênhs tuôx txix chor taz viv Công an tas nro tỉnh cxaz chuôz. Thôngz đhâu hôiv thao, chor cán bộ, chiến sỹ têx taz viv Công an tas nro tỉnh tâu sik njiz, cơưv shâuv chênhz zênhv hâur cxiv tsa phongz yaox; cux xưk li cxaz chuôz thiêz sik tưr vênhx huôv, thể dục thể thao, txix co tsik so tuôr chiê đas jos jông. Thượng tá Lê Huy Thắng, trưởng phongx PX 15, phưv trưởng ban tsưr tsix hôiv thao Công an tỉnh Sơn La puz pâuz:

“Iz hâur têx vênhv thix pêz lok six tsov cưv txos, co zos paz muôx tsar tov tênhv qơư chiê cán bộ, chiến sỹ cxaz chuôz têx huôx tôngv vênhx huôv, thể thao, thôngx cxix gra siêz đas jos tsav txênhz chiê sik tưr uô tiêr jông têx jênhv vưv, taz por tuôx truôx ngaz tuk sâuv thax tsav”./.

(Hoàng Long-Lik Thox cxêik nhênhv)

Thâuv 6 six tas cik hnuz 11/3, sâuv tuk đêx Liêz, ntu ntưk đhâu thax tsav xã ntus đriv Nậm Chạc, huyện Bát Xát, tỉnh Lào Cai, kuôk tul ndêx cxok cêv đriv têz 93 muôx nhos 3,5 cêik, nhoz Zênhx phênhz phax A Mú Sung li thax tsav seiz car muôx iz txuz fuôx trâus nzênhr, tos, uô 9 lênhx lox tôngv zos nênhs VN muk uô jos trâul tuôs thiêz pôngz plox mông. Đại tá Nguyễn Trọng Ngữ, Chính ủy Bộ chỉ huy Bôv đôiv Pênhz phax tỉnh Lào Cai heik pâuz:

“Đhâu ciês thâuv muôx têx tsi jông li heik sâuv, Bộ chỉ huy bôv đôiv pênhz phax tỉnh tưz chox kriê têx Zênhx pênhz phax nhoz trâu thax tsav đriv têz hâur huyện Bát Xát muk qênhz shuôs, qênhz yuôx; đros têx lưv lươngv txơưr đuô zok nriêr chor nênhs trâus pôngz plox mông trơưk saz ntus đêx VN”./.

(An Kiên-Riê Lâux cxeik, nhênhv)

Nhiv kruôr đhâu, ntơưv tỉnh Điện Biên, Ban tsưr tsix ntênhk hôiv pax lâus shông 2018 tsưr tsix tsaz yênhx txêik jênhv chor tsưr tsix, taz viv, doanh nghiệp li têx paz. Ntênhk hôiv pax lâus tâu tỉnh tsưr tsix tsik so trâu hli 3 yênhx shông đros ntâu huôx tôngv vênhx huôv, thể thao thiêz du lịch jông li: Jiês kriz uô thiêz tsaz yênhx nghệ thuật; piêr pâuz, hêik kriê têx hax huv du lịch, vênhx huôv cxôngx nzor cxuô mênhx cxưx tsơưs nênhs; sik tưr hnar têx tsôngv yo cxuô mênhx cxưx cxôngx nzor; sik tưr thể thao, cxuô zav uô si…ntơưv jiês tsêik jênhv, muôx 31 tsưr tsix, taz viv, doanh nghiệp cxaz chuôz paz trâu ntênhk hôiv đros tas nro chor nhiêx zos 1,2 tiv đêiv ntâu./.

(KT-Lik Thox cxêik nhênhv)

Trơưk li Tsênhv qơư yuô pov ntux yar ntux nas Lai Châu njuôk xav, jêx tưv hâur thax tsav thâuv 7 six tas cik hnuz 12/3 txix 9-16 tưv. Iz cxiê thax tsav qơư nhoz tox siêz mak jêx tưv kis đuô 10 tưv li: Sìn Hồ, Phong Thổ, Tam Đường, TP Lai Châu. Đros thiêz ntux no li heik sâuv thiêz lok nas yâur trâu cxuô qơư, ziv no njiv đuô, uô phiv liv trâu tsôngv box cêr xênhz huôx, nox nhoz mul lok. Nhiv no cxuô thax tsav qơư hâur tỉnh tưz muôx ntơưr chox kriê, heik hâu nov cấp xã bax tsưr ziv tsêz chos têx kôngz trơưk cui tinhv. Đros thiêz têx tsêr cơưv, lar heik zos chor tsêr cơưv nhoz thax tsav tox siêz mak tsi chiê têx nhuôs uô hâux lưv, cơưv ntơưr, uô si đrâuv têx yar tiêx chiê taz por đas jos trâu têx nhuôs shux xênhz./.

(Khắc Kiên-Riê Lâux cxeik, nhênhv)