Tsênhv qơư qênhz njuôk shuôs moz gênhs tỉnh Yên Bái tưz lênhk txeik 4.500 hưx yuôx vắc xin AstraZeneneca phax phôngz moz Covid-19 txix Viện vêv xênhz dịch tễ T.Ư, cxax phax phôngz moz đêz đar. Tas nro 4.500 hưx yuôx vắc xin zuôr tâu tsov cưv thiêz cxax phax phôngz moz tsi zuôr nhiêx trâu chor nênhs uô hâux lưv phax tir thêir têx moz gênhs li: Têx tuz lênhv uô hâux lưv seiz jor ndâux cêr muk lol phax tir thêir moz, têx lênhx cưk yuôx, bác sỹ uô hâux lưv hâur têx qơư y tế, lênhx nênhs đros uô hâux lưv phax tar moz.... Uô ntêx thâuv zuôr cxax yuôx phax phôngz, Sở Y tế tưz chox kriê cxuô taz viv cxax yuôx vắc xin phax phôngz moz Covid-19 qênhz shuôs, sâu bê têx lênhx nênhs zuôr tâu cxax; kriê chor canr bôv cưk yuôx, bác sỹ cơưv shâuv tsưr ziv sir zôngv yuôx vắc xin Covid-9 thiêz sox seiz njôngr têx txơưr txar đhâu cxax tas trâu têx qơư cxax yuôx phax phôngz moz; bax cxix cxuô têx chuôz zênhx, txâuk lênhx nênhs uô hâux lưv co uô ntêx thâuv zuôr cxax yuôx phax phôngz moz lok hâur hli 5 zuôr txos./.

(Thừa Xuân-Riê Lâux cxeik, nhênhv)

 Ntux lok nas đros chuô lox ntơưv Lai Châu hnuz 11/4 tưz uô puôk tsuôx 55 luz tsêr, ntâu thax tsav chos jâuz tâuv trâus ruôr hiêv. Zơưv Đao Văn Khánh, Chủ tịch UBND huyện Mường Tè, tỉnh Lai Châu puz pâuz: Đhâu ciês muôx yưv ntux nas chuô, UBND huyện tưz chox kriê chor cơ quan muôx vax huôv, sik côngv đros bôv đôiv Pênhz phax thiêz chính quyền têx xar tso nênhs đros pêx xênhv khưx phưx têx trâus hiêv. Txos nhiv no mak phênhv tưs tưz kho đuô tâu chor tsêr trâus puôk tsuôx zâu chiê nzor paz truôx tuk luz nênhx trâu pêx xênhv. Nhiv no nhoz Lai Châu tsik so muôx ntux nas đros chuô lox, viv li Ban sêiz car ntux têz ruôr hiêv hiêz zok nriêr chơưv paz tỉnh Lai Châu tưz chox kriê chính quyền cxuô thax tsav qơư sir jos uô côngz xưv yax kriê, hêik pêx xênhv kho đuô têx vax tsêr cov truôx khor chiê paz txo grêk tsơưs têx trâus hiêv; Thôngx cxix hêik cxuô thax tsav qơư tso nênhs sêiz jor yênhx hnuz hmo chiê nriêr pâuz tâu qênhx shênhx thiêz bax cxuô tsưr ziv paz trâu pêx xênhv khưx phưx thâuv muôx yưv têx phiv liv./.

(Khắc Kiên-Lik Thox cxêik nhênhv)

Zar tsâuk ntux hnuz 11/4, ntơưv xã Mường Bú, huyện Mường La, tỉnh Sơn La, ntux lok lơưs đros trâu chuô lox tưz uô ruôr hiêv tas ntâu tsôngv px têx chuôz zênhx uz no thiêz kôngz lôngk. Lok lơưs đros trâu khâur jênhs chuô ntơưv 11 jok hâur xã Mường Bú uô vâu, puôk tsuôx tas px 3 luz tsêr thiêz cxaz; 160 ntâu luz tsêr trâul zơưk trur thiêz têx vuôk trâul lơưs ntâuk to. Nas chuô lox tsênhv uô vâu lor 1.200 ntâu tsoz ntôngx nox txir, poz cưk, blêx.... Xav têx trâul uô hiêv tas muôx nhos 1,3 tyv đeiv.

Đhâu hlo thâuv muôx têx tsi jông li heik sâuv, xã Mường Bú, huyện Mường La tưz zênhx max fuô uô têx tsưr ziv paz max, hu zâuv sđ tuôx đros paz têx chuôz zis trâul nas chuô uô ruôr hiêv njêik yêv têx đra, chuôz zênhx, kho têx vax tsêr nhoz./.

(Trấn Long-Riê Lâux cxeik, nhênhv)

Thâuv 3 six sơưr nzor hnuz 12/4, luz tsêr cxiv uô 3 yôngx, số 117 nhoz sâuv txox cêr Quy Hóa, phường Kim Tân, thành phố Lào Cai trâus poz vâu tas hur si.

Hâu nov ntơưv qơư tưz muôx njêx muôs ciês hâur hmo chiê chox kriê xưv lik txuz tsêr trâus poz vâu no. Hmôngr jông tsik muôx nênhs tưs trâus tuôs, trâus saz.

Lơưr zơưv Đào Minh Khánh, Trưởng phòng sêiz car đô thị thành phố Lào Cai, qir tiv xuz thơưx tâu xav jênhv zos njiz trâus phiv liv txix côngz trinhx nhoz iz saz zos luz tsêr số 119 tsênhv tâu cxiv uô muôx oz pêz hnuz, luz tsêr cxiv uô yiêz no nhiv kruôr thor ntơưr tso chêi cxiv uô 4 yôngx, muôx iz yôngx chiê tso yêz.

Côngz trinhx yiêz thâuv kriz cxiv uô tsênhv tâu uô cov truôx khor txix njiê iz chor ndêx bê tông toz trâu hâur ar jê trâu faz nja luz tsêr co, muôx têx jâuv zos tiv chor ar ntơưv no tsik khor, đros trâu luz tsêr nhoz iz saz co tâu cxiv uô tsik truôx khor luôx tưs thiêx njiz trâus phiv liv li co. Taz sik txơưv li chak lok tưz uô phiv liv, ruôr hiêv txos têx côngz trinhx li co, tsuv thêv nhiêx trâu têx trâus ruôr hiêv co trơưk li cui tênhv”./.

(An Kiên Lik Thox cxêik nhênhv)

Phongx Cảnh sát qênhz yuôx têx nênhs fêv zuôr muôs, uô luôv zax zênhz tsi trơưk chei, Công an tỉnh Yên Bái nhiv kruôr ntêk tâu 2 lênhx nênhs zuôr muôs zax zênhz thôngz đhâu hâur mạng XH. Đhâu qênhz nus, krêz lênhk tiêk zos Trịnh Minh Hiếu, xênhz shông 1992, nhoz ntơưv jok 4, thị trấn Yên Bình, tỉnh Yên Bái. Poz huv co zos cần sa tâu Hiếu zuôr đhâu mạng ntơưv tus facebook nhoz xã Tú Lệ, huyện Văn Chấn, tỉnh Yên Bái lok. Seiz lok sâuv têx đhâu qênhz yuôx thiêz mông pâuz tâu, cơ quan Cảnh sát qênhz yuôx Công an tỉnh Yên Bái tưz tso chei yơưz phơưz zênhx max Hoàng Thị Thảo, xênhz shông 1994 nhoz jok Pom Ban, xã Tú Lệ vax tsêr, qơư nhoz, têx chuôz zênhx, zos lênhx nênhs muôs chor zax zênhz heik sâuv trâu Hiếu, sâu tsês tâu têx cần sa xar muôx 4 cir.

Nhiv no Phongx Cảnh sát qênhz yuôx nênhs fêv zuôr muôs zax zênhz tsi trơưk chei, Công an tỉnh Yên Bái tưz qênhz yuôx, muôz 2 lênhx nênhs heik co tik cêr cxâuv lok sâuv “Zuôr muôs zax zênhz tsi trơưk chei”. Hok Hoàng Thị Thảo mak tâu tso nhoz hâur tsêr tsi tâu muk đhâu thax tsav qơư nhoz, viv tsênhv muôx mê nhuôv mê./.

(Đinh Tuấn-Riê Lâux cxeik, nhênhv)