Hâur 5 shông đhâu (2015-2020), sik tưr uô lơưr 5 lo luk hloz Hôx kriê, 135 cxênhz ntâu lênhx  nhuôs zâu Yên Bái, đros muôx 82 cxênhz lênhx đôiv viên nhoz ntơưv 24 liên đội tưz kriz uô muôx chêx cur phongz yaox, li: “Nhật ký đội viên uô lơưr hloz Hôx luk kriê”, “đros muk tsêr cơưv ntơưr”, “Ntơưr hur si sâu jông gâux”, “Six hơưv cơưv ntơưr jông, ciêz cơưv ntơưr jông”…180 lênhx tâu cxaz chuôz Đại hôiv nhuôs ciêz hloz Hôx tỉnh Yên Bái jiês no, zos chor nênhs sir jos hâur cơưv ntơưr thiêz cxaz chuôz têx hâux lưv côngz xưv Đôiv đros têx hâux lưv uô jông, tsiv gri li: Sir jos chơưv paz lênhx nênhs, paz têx fôngx zưs hla đhâu têx phiv liv, paz thiêz tsoz phưz chor chuôz zis xaz pênhz liệt sĩ, niêv Việt Nam zênhz shôngx, sir jos cxaz chuôz uô têx hâux lưv siêz jông…Zos nênhs tâu hênhr kruôk ntơưv Đại hôiv, Lường Duy Long, shux xênhz tsêr cơưv cxênhx iz thiêz cxênhx oz Liên Sơn, huyện Văn Chấn hêik:

“Cur lok six shir phaz thiêz tso siêz thâuv tâu tuôx cxaz chuô Đại hôiv nhuôs ciêz zơưv hloz Hôx jiês tiv 6. Thâuv tror muk tsêr mak cur zuôr tror sir jos cơưv ntơưr đuô chiê zos đrêiv li hloz Hôx têx luk kriê, thôngx cxix paz trâu chor shux xênhz li zuk sir jos cơưv ntơưr đuô”./.

(Tuấn Xuân-Lik Thox cxêik nhênhv)

Nhiv kruôr đhâu no, ntơưv qơư ndo txiêx njis chor hluôk tir ntâuk tros châuz qơư di tích lịch sử Cêr yuôv Cò Nòi, huyện Mai Sơn-Sơn La, tỉnh đoanx Sơn La tưz đros Hội hluôk nênhs uô ntêx nyuôs hâur cxuô luôs hâux lưv thâuv ntêx ntơư hâur tỉnh uô ntênhs chiv nhênhv 70 shông hnuz chax chês têx hluôk nênhs VN uô ntêx nyuôs hâur cxuô luôs hâux lưv (15/7/1950-15/7/2020).

Ntênhs chiv nhênhv muôx liv lok six jông, chiê ndo txiêx njis txos chor hluôk nênhs uô ntêx nyuôs hâur ntu tir ntâuk trol châuz-tsưx phưv têz qơưk; lar heik zos ndo txiêx njis txos chor hluôk nênhs Zênhz shôngx tir ntâuk tros châuz ntơưv cêr yuôv Cò Nòi co têx tsưr ziv, đas jos côngz lox. No zos six hơưv chiê tror yax kriê têx hluôk nênhs hâur tỉnh thâuv ntu tir ntâuk trol châuz li têx cêr nhiêv têz nhiêv qơư sir jos uô luôs hâux lưv tsưx phưv têz qơưk trâu canr bôv, đảng viên, px cxuô heir nênhs, lar heik zos cxênhx hluôk nhiv no pâuz txos. Niêv lâuk Cầm Thị Huyền Trang, Phưv Bí thư Tỉnh đoanx Sơn La heik:

“Đhâu tsaz yênhx no mak pêz cux vav chiê siêz tiêk, zuôr choz kriê tâu têx cêr uô nênhx nhiêv têz nhiêv qơư trâu cxênhx hluôk, iz chas co cxơưz nzir đas jos paz chor hluôk nênhs cxênhx hluôk chiê lơưr tror sik đros uô têx hâux lưv jông, cơưv shâuv uô trơưk chor lâuk đrav ntêx têx nuv uô jông hâur ntu nhiv no”./.

(VOVTB-Riê Lâux cxeik, nhênhv)

Vũ Lợi, nênhs sâu xor xưv Đaix TNVN thax tsav faz Bắc xa mông txix Điện Biên: Xar muôx 11 six hnuz 11/7, ntơưv thax tsav jok Tâu 3, xar Hua Thanh, huyện Điện Biên, Công an huyện Điện Biên sik côngv đros phongx Cảnh sát Ma Túy Công an tỉnh Điện Biên, zênhx Pênhz phax Mường Pồn cxov tâu oz lênhx nênhs zos Sự Xênhv Faz, zus shông 1989, nhoz jok Cà Là Pá, xar Leng Su Sìn, huyện Mường Nhé thiêz Tro  Xênhv Faz, zus shông 1982, nhoz jok Háng Tần, xar Xa Dung, huyện Điện Biên Đông tsênhv zuôr muôs, thâux gra tsik zos chêi zax zênhz. Têx sâu tâu zos 20 đêiv zênhz đơưz thiêz 12.000 luz yuôx shơư zax zênhz đros ntâu zav chuôz zênhx ntâuz ntơưr cik txos. Xuz thơưx mak oz lênhx nênhs no hêik tiêk zuôr chor zax zênhz co ntơưv ntux đriv Việt-Lào, thâuv tsênhv chox muk muôs chêk  trâus cxov tsês. Nhiv no txuz hâux lưv tsênhv tror tâu qênhz yuôx uô cov tsênhz mênhx chiê muôz tik cêr cxâuv trơưk chêi têz qơưk./.

(Vũ Lợi-Lik Thox cxêik nhênhv)

Khắc Kiên, nênhs sâu xor xưv Đeix TNVN nhoz faz Tây Bắc xa mông txix Lai Châu: Tiv ntux nas lox lok ntêr hâur ntâu hnuz, uô trâu cxiê qơư kror tưs cux gok njuôr, muôx đêx đros trâu lok nas hloz tưz uô đêx cuôr yôngz, tox xưz poz nhoz ntâu thax tsav qơư, uô ruôr hiêv ntâu lok têz qơưk thiêz tsôngv px hâur thax tsav Lai Châu têx chuôz zênhx chuôz tas.

Txos nhiv no, têx chuôz zis muôx vax tsêr trâul poz vâu, đêx nas cuôr yôngz, hâu nov ntơưv qơư tưz heik tsôngv px yêik txar muk nhoz trâu qơư truôx tuk, lok sik mul nhoz tax đros têx cưr tix nênhx tsa cxênhz jê. Muk seiz shuôs, paz max iz chuôz zis 10 tsov đeiv ntâu thiêz 50 cir cxur, paz px tax truôx tuk luz nênhx.

Ban seiz car phax tar ntux uô hiêv thiêz zok nriêr chơưv paz lênhx nênhs tỉnh Lai Châu cux tưz muôx côngz tênhv heik têx sở ngênhx cik txos thiêz hâu nov cxuô thax tsav qơư bax têx tsưr ziv phax tir thêir ntux nas chuô lox. Hâur co, chox kriê sở Zoz thôngz, Ủy ban têx huyện, TP zênhx max kriê têx cơ quan, taz viv cxiv uô côngz trênhx nhoz hâur thax tsav đros thoz huk, kho têx cêr mul lok trâul cxuz, xưz poz chiê têx yêz mul lok tâu đhâu./.

(Khắc Kiên-Riê Lâux cxeik, nhênhv)