Têis cik no 14/10, ntơưv thành phố Điện Biên Phủ, Đại hôiv têiv plor Đảng bôv tỉnh Điện Biên jiês tiv 14, six cxiv 2020-2025 zuôr tâu kriz uô đros muôx 349 lênhx têiv plor  hlôngr njêx muôs trâu 40.000 đảng viên hâur tas nro Đảng bôv cxaz chuôz.

Iz hâur têx hâux lưv zov chênhr mak tỉnh Điện Biên tso tơưv hâur ntu zuôr txos zos phuôx huiz đas jos sik côngv siêz cxuô mênhx cxưx, sir jos cov hlôngr yiêz cxuô nro, paz muôx têx hlôngr yiêz jông hâur huôv tsar kinh têr-xar hôiv, gra siêz luz nênhx cxuô zav trâu pêx xênhv. Zơưv Nguyễn Quang Hưng, Bí thư Huyện ủy Mường Nhé puz pâuz, têx tsưr ziv tso tơưv hâur văn kiện đại hôiv puôr lênhx tâu uô đros tsênhv tsênhz thiêz vav tiêk zuôr muôx tâu têx huôv tsar yiêz jông hâur six cxiv zuôr txos, tiv zix zos đros thiêz chor huyện ntus đriv txov nhêv tiv zix xưk li Mường Nhé.

“Đros sir jos uô tiêr Nghị quyết Đại hôiv Đảng bôv huyện cux xưk li Nghị quyết Đại hôiv Đảng bôv tỉnh li têx tsưr ziv zuôr txos mak Mường Nhé uô ntêx zos tsuv taz por ngaz tuk lok chính trị, tuôr truôx tsưr qênhx ntus đriv têz qơưk, truôx tuk luz nênhx. Zov chênhr tiv zix zos tsôngv box tsuv tsâu sor, hnar sor. Thiêz xar uô tâu li co mak tsuv tsêx trung trâu huôv tsar kinh têr, cxuô kror muôx thiêz huôv tsar jôngr nuv”./.

(Vũ Lợi-Lik Thox cxêik nhênhv)

Đhâu 5 shông uô lơưr Nghị quyết Đại hội Đảng bộ tỉnh jiês tiv 15, txơưv tsuv njiz trâul tsi tsơưs têx phiv liv, taz sik Lào cai cux uô tâu jông têx luôs hâux lưv lok huôv tsar truôx, bax trâu ntu zuôr txos.

Đhâu 3 shông xuz thơưx sir jos uô, 2 shông uô kaz hâur six cxiv, txơưv tsuv sir jos đuô thiêz chiê hla đhâu têx phiv liv tiv ntux uô, moz gênhs, kinh tế ntiêx têz nxor loangv uô hiêv txos, taz sik txos nhiv no, muôx têx nhav tâu tiêk, Lào Cai tưz uô tâu ntâu luôs hâux lưv jông hâur cxuô cêr nuv.

Đhâu zuôr xar 30 shông tror cxiv tsa, đhâu 5 jiês Đại hội Đảng bộ tỉnh, Lào Cai tưz muôx ntâu zav uô tâu jông, tsiv nhos zos tỉnh huôv tsar hâur thax tsav trung, tox siêz faz Bắc, bax trâu jiês Đại hội yiêz yênhx côngz.

Hơưv tok Đại hội Đảng tas nro têz qơưk jiês tiv 13, Lào Cai cux zuôr tơưv têx tsưr ziv, sir jos txos shông 2025, chiv nhênhv 100 shông yênhx lix têz qơưk, Lào Cai zos iz hâur chor tỉnh huôv tsar hâur tas nro têz qơưk./.

(An Kiên-Riê Lâux cxeik, nhênhv)

Nhiv no, tỉnh Lai Châu muôx 470.000 ntâu héc ta jôngr, đros muôx 13 tsưr jôngr zos tsưr tsix, 106 taz viv cấp xar tâu têz qơưk choz chiê sêiz car jôngr, tsênhv yuôr zos chor tiz nênhs, ziv chuôz zis. Txix shông 2012 txos tas shông 2019, Cuiv por vêv thiêz Huôv tsar jôngr Lai châu tưz thêv muôx 2.193 tiv đêiv nhiêx dịch vụ tênhv qơư jôngr trâu 78.754 ziv chuôz zis jênhv sêiz jor por vêv jôngr; chor chuôz zis jênhv sêiz jor por vêv jôngr li phênhv sâu ndê txix 2 triệu đêiv shông 2012 txos muôx 6 triệu đêiv ntâu shông 2019.

Zơưv Phạm Danh Tuyên, Phưv trưởng Ban sêiz car jôngr phax phưv huyện Tam Đường puz pâuz, têx shông đhâu, nhiêx thêv trâu dịch vụ tênhv qơư jôngr tưz paz ntâu trâu pêx xênhv luz nênhx xav tas nro lok kinh têr, xar hôiv thiêz tênhv qơư. Cê zos paz trâu pêx xênhv hlôngr yiêz luz nênhx, cê paz trâu lơưr sir jos por vêv jôngr thiêz muôx txơưx jênhv uô trâu chor jôngr njuôz jông đuô./.

(VOV4-Lik Thox cxêik nhênhv)

Zar hnuz kêix 13/10, Sở Y tế tỉnh Sơn La cơưv, heik pâuz lok chor  mê nhuôv đhâu cxax yuôx phax tar moz tas uô moz hnhar trâu têx sâur nyar, hlưz hâu hâur thax tsav TP Sơn La.

Ntơưv jiês cơưv, zơưv Nguyễn Tiến Dũng, Giám đốc Tsênhv qơư qênhz njuôk shuôs têx moz gênhs tỉnh Sơn La heik pâuz: Chor yuôx vắc xin zôngv hâur jiês cxax yuôx phax tar moz jiêv no, zos ComBE Five: Lô 220110218B, hax sir zôngv txos hnuz 31/3/2021; OPV: Lô bP-0619, hax sir zôngv txos hnuz 16/6/2021.

Đhâu thâuv muôx lênhx mê nhuôv nxeik nhoz xã Chiềng Xôm trâul tuôs; 4 lênhx nhuôv txơưr đuô nhoz xã Chiềng Xôm thiêz phường Chiềng An tsuv tuôx chơưv kho zênhx max trâu tsêr kho moz, đhâu cxax tas, têx taz viv muôx vax huôv tưz sâu tsês hur si têx yuôx vắc xin no thiêz xa iz kro mê njik mul trâu Văn phongx cxax yuôx phax tar moz đêz đar thax tsav faz Bắc-Viện vêv xênhz dịch tễ T.Ư. Iz chas ntơư, tso tsês hur si luôs hâux lưv cxax yuôx phax tar moz ntơưv têx qơư y tế zôngv chor yuôx heik sâuv. Sở Y tế tưz yênhx lix đoanx qênhz yuôx thiêz qir muk qênhz yuôx shuôs chor nênhs uô moz hnhar đhâu cxax yuôx phax tar moz tas trơưk li Bộ y tế cui tinhv. Đros thiêz lênhx nênhs trâul tuôs, Sở li Hôiv đôngx lês car uô đreiv têx hâux lưv li heik sâuv zuôr cơưv ntâuk gri thiêz tso tơưv suô luk lok hnuz 15/10, seiz zos viv li chas lênhx nhuôv ntơư ho trâul tuôs./.

(VOVTB-Riê Lâux cxeik, nhênhv)